វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5129 នាក់
ម្សិលមិញ 10264 នាក់
សរុប 14144311 នាក់
ប្រទេសអេត្យូពី៖នៅ អគ្គបញ្ជាការកងទ័ពជាតិអេត្យូពី ត្រូវគេបាញ់សម្លាប់នៅនឹងផ្ទះ ហើយស្របពេលជាមួយគ្នានោះ លោកអភិបាលតំបន់ អាំហារ៉ា ដែជាតំបន់ស្ថិតនៅភាគពាយ័ព្យប្រទេសត្រូវបានក្រុមប្រដាបើអាវុធធ្វើឃាតកាលពីរសៀល ថ្ងៃសៅរ៍ទី២២មិថុនា ។
អ្នកនាំពាក្យរដ្ឋាភិបាលអេត្យូពី បានឲ្យដឹងថា កងកម្មង់ដូមួយក្រុម ដែលដឹកនាំដោយមេសន្តិសុខប្រចាំតំបន់អាំហារ៉ា បានលើកគ្នា ចូលទៅកាន់ទីតាំងប្រជុំមួយ ហើយបានបាញ់រះ បង្កឲ្យលោកអាំបាជីវម៉េកូណិន( Ambachew Mekonnen) អភិបាលតំបន់អាំហារ៉ា និងមន្ត្រីម្នាក់ទៀត រងរបួសធ្ងន់។ ជនរងគ្រោះទាំង២បានស្លាប់ បន្ទាប់ពីបានបញ្ជូនទៅដល់មន្ទីរពេទ្យ។នៅប៉ុន្មានម៉ោងក្រោយហេតុការណ៍នៅអាំហារ៉ានេះ លោកសៀរ៉ាម៉េកូណិន( Seare Mekonnen )អគ្គបញ្ជាការកងទ័ពជាតិអេត្យូពី ត្រូវបានខ្មាន់កាំភ្លើង ដែលជាអង្គរក្សខ្លួន បាញ់សម្លាប់នៅគេហដ្ឋាន រួមជាមួយនឹងអតីតមេទ័ពចូលនិវត្តន៍ម្នាក់ទៀតផង។
អ្នកនាំពាក្យរដ្ឋាភិបាលអេត្យូពី អះអាងថា ហេតុការណ៍ឃាតកម្មទាំង២នេះ គឺជាការរៀបចំក្នុងគំរោងតែមួយ។ អង្គរក្សខ្មាន់កាំភ្លើង ដែលសម្លាប់មេបញ្ជាការកងទ័ពជាតិ ត្រូវបានគេបាញ់សម្លាប់នៅហ្នឹងកន្លែង។ ដោយឡែក មេសន្តិសុខប្រចាំតំបន់ អាំហារ៉ា បានរត់គេចខ្លួនបាត់។
សូមរំលឹកថា នាយករដ្ឋមន្ត្រីអេត្យូពី ឈ្មោះអាបៃអាម៉េដ( Abiy Ahmed) បានឡើងមកកាន់តំណែង បានមួយឆ្នាំហើយ នោះបានដាក់ចុះនូវផែនការកំណែទម្រង់ជាច្រើន ដើម្បីកាត់បន្ថយឥទ្ធិពលតំបន់ ព្រមទាំងអំពើពុករលួយបក្សពួកនិយម។ តំបន់ អាំហារ៉ា គឺរដ្ឋមួយក្នុងចំណោមរដ្ឋទាំង៩ នៃសាធារណៈរដ្ឋសហព័ន្ធអេត្យូពី។
អ្នកវិភាគ បានវាយមត្លៃថា អំពើហិង្សានយោបាយនៅក្នុងរដ្ឋនេះ បានបង្ហាញឲ្យឃើញអំពី វិបត្តិនយោបាយ ក៏ដូចជាការលំបាកក្នុងការអនុវត្តការធ្វើកំណែទម្រង់។ សម្រាប់ ស្ថានទូតសហរដ្ឋអាមេរិក ប្រចាំអេត្យូពី បានជូនដំណឹងឲ្យពលរដ្ឋខ្លួន មានការប្រុងប្រយ័ត្ន និងរកកន្លែងមានសុវត្ថិភាព ដោយហេតុថាអាចមានករណីបាញ់បោះសេរី នៅក្នុងរដ្ឋធានីអាឌី អាបេបា និងនៅតំបន់អាំហារ៉ា៕