វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6482 នាក់
ម្សិលមិញ 5020 នាក់
សរុប 14121929 នាក់
អាមេរិក៖ ប្រទេសកូរ៉េខាងជើង កំពុងតែធ្វើការផ្គត់ផ្គង់ "គ្រាប់កាំភ្លើងធំ" ជាច្រើនគ្រាប់ និងដោយសម្ងាត់ ដល់ប្រទេសរុស្ស៊ី សម្រាប់បន្តសង្គ្រាមនៅក្នុងប្រទេសអ៊ុយក្រែន ។នេះបើតាមអ្វីដែល អ្នកនាំពាក្យក្រសួងការបរទេសសហរដ្ឋអាម៉េរិក លោក Ned Price ថ្លែងប្រាប់អ្នកយកព័ត៌មាននៅក្នុងសន្និសីទសារព័ត៌មាន នៅថ្ងៃពុធម្សិលមិញ ។លោក Ned Price បានបន្ថែមថា ការព្យាយាមដឹកជញ្ជូនសព្វាវុធទាំងនេះ ហាក់ដូចជាពួកគេកំពុងត្រូវបានបញ្ជូនទៅកាន់ប្រទេសនានានៅមជ្ឈិមបូព៌ា ឬអាហ្វ្រិកខាងជើង ដោយធ្វើឱ្យមានការភ័ន្តច្រឡំអំពីគោលដៅពិតប្រាកដ ។
លោកលើកឡើងថាអាម៉េរិកកំពុងប្រើគ្រប់វិធីក្នុងការប្រឆាំងទៅនឹងអ៊ីរ៉ង់ដែលផ្តល់អាវុធដល់រុស្ស៊ី ដោយអាម៉េរិកនឹងធ្វើដូចគ្នានេះ ជាមួយនឹងកូរ៉េខាងជើងដែរ ។នៅព្រឹកថ្ងៃពុធដដែល អ្នកនាំពាក្យសន្តិសុខជាតិនៃសេតវិមាន លោក John Kirby បានប្រាប់អ្នកសារព័ត៌មានថា ទីក្រុងវ៉ាស៊ីនតោន នឹងពិគ្រោះជាមួយអង្គការសហប្រជាជាតិ ពាក់ព័ន្ធនឹងបញ្ហាទំនួលខុសត្រូវលើសកម្មភាពនៃការនាំចេញ ។
កាលពីខែកញ្ញាកន្លងទៅសហរដ្ឋអាម៉េរិក បានដាក់ទណ្ឌកម្មលើក្រុមហ៊ុនមួយរបស់អ៊ីរ៉ង់ ដោយបានចោទប្រកាន់ថា ក្រុមហ៊ុននោះបានសម្របសម្រួលជើងហោះហើរយោធា ក្នុងគោលបំណងដឹកជញ្ជូនយន្តហោះគ្មានមនុស្សបើក (drone) របស់អ៊ីរ៉ង់ទៅឱ្យប្រទេសរុស្ស៊ី ហើយក្រុមហ៊ុនបីផ្សេងទៀត ដែលរងទណ្ឌកម្មដែរនោះ គឺជាប់ពាក់ព័ន្ធនឹងការផលិត drone ឬយន្តហោះគ្មានមនុស្សបើករបស់អ៊ីរ៉ង់ ៕ប្រភព៖ Reuters