វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6090 នាក់
ម្សិលមិញ 5378 នាក់
សរុប 14085383 នាក់
ឥណ្ឌូណេស៊ី៖ ដោយសារតែរួមរក្ស័មុនរៀបការនិងជាមួយអានីតិជនមនុស្ស០៣នាក់ត្រូវបានគេវាយម្នាក់ ១០០រំពាត់ជាសាធារណៈ នៅខេត្ត អាសេ (Aceh) នៃប្រទេសឥណ្ឌូណេស៊ី កាលពីថ្ងៃពុធទី៣១កក្កដា តាមច្បាប់នៃសាសនាអ៊ីស្លាម។
សារព័ត៌មាន CNA នៅរសៀលថ្ងៃព្រហស្បតិ៍ ទី០១ ខែសីហា ឆ្នាំ២០១៩បានឲ្យដឹងថា៖ ការដាក់ទោសតាមរយៈការវាយនឹងរំពាត់ នៅចំពោះមុខមហាជនបានធ្វើ នៅឯកីឡដ្ឋានមួយកន្លែងក្នុងទីក្រុង ឡុកសឿម៉ាវេ (Lhokseumawe)លើមនុស្សប្រុស ០២នាក់ និងមនុស្សស្រីម្នាក់ ។ ក្នុងនោះនារីដែលមានអាយុ ២២ឆ្នាំ ព្រមទាំងមិត្តប្រុសរបស់ខ្លួន ដែលមានអាយុស្មើគ្នាត្រូវវាយ ១០០រំពាត់ម្នាក់ ដោយសារតែការលួចរួមភេទមុនរៀបការ ហើយត្រូវគេចាប់បាន។ រីឯម្នាក់ទៀត គឺជាយុវជនអាយុ ១៩ឆ្នាំបានរងពិន័យ ១០០រំពាត់ ព្រោះតែការរួមភេទជាមួយអនីតិជន។ ក្នុងចំណោមអ្នកទាំងបី គូសង្សាពីរនាក់នោះត្រូវរួចខ្លួន ខណៈយុវជនវ័យ ១៩ឆ្នាំត្រូវជាប់ពន្ធធនាគារ ០៥ឆ្នាំ។
ក្រុមការពារសិទ្ធិមនុស្សបានថ្កោលទោសការដាក់ពិន័យបែបនេះ ។ប្រធានាធិបតីឥណ្ឌូណេស៊ី លោក ចូកូ វីដូដូ (Joko Widodo) បានអំពាវនាវឲ្យបញ្ចប់ទំនៀមទម្លាប់នេះដែរ ប៉ុន្តែវានៅតែមានការគាំទ្រ និងបន្តអនុវត្តដោយប្រជាជនអ៊ីស្លាមនៅខេត្ត Aceh ដដែល។ ក្នុងខេត្តនេះការវាយដោយរំពាត់ គឺជាការដាក់ពិន័យលើបទល្មើសជាច្រើន រួមមានការលេងល្បែងស៊ីសង ការផឹកស្រា ការរួមភេទដូចគ្នា ការរួមភេទមុនរៀបការ និងការលួចមានសាហាយស្មន់ជាដើម។
សូមបញ្ជាក់ដែរថានៅប្រទេសព្រុយណេរាជានិយមឥស្លាមមួយនេះបានដាក់ចេញច្បាប់មួយដែលធ្វើឲ្យមានការរិះគន់ផងដែរគឺធ្វើឃាតដោយគប់និងដុំថ្មចំពោះអ្នកស្រលាញ់ភេទដូចគ្នា!។