វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 49 នាក់
ម្សិលមិញ 9706 នាក់
សរុប 14078292 នាក់
ម៉ាឡេស៊ី៖ អតីតនាយករដ្ឋមន្ត្រីម៉ាឡេស៊ីវ័យ៩៥ឆ្នាំលោកម៉ាហាធៀម៉ូហាម៉ាដ( Mahathir Mohamad )បានដាក់ឈ្មោះគណបក្សដែលទើបបង្កើតថ្មីរបស់លោកថា៖ គណបក្សប៉េជាន់( Pejuang) ដែលមានន័យថា អ្នកចម្បាំង ។
កាលពីថ្ងៃពុធ ទី១២ ខែសីហា លោកបណ្ឌិត Mahathir បាននិយាយថា គណបក្សនេះត្រូវបានបង្កើតឡើងដោយស្មារតីយល់ដឹង និងតម្រូវការ ដើម្បីប្រយុទ្ធប្រឆាំងនឹងអំពើពុករលួយ ដែលកំពុងបំផ្លាញប្រទេសជាតិ ។លោកម៉ាហាធៀផ្តល់សារនយោបាយថា៖“ដូច្នេះសូមជ្រើសរើស។ ពិធីជប់លៀងរបស់យើង ត្រូវបានបង្កើតឡើងដោយស្មារតីយល់ដឹង និងភាពចាំបាច់ ដើម្បីប្រយុទ្ធប្រឆាំងអំពើពុករលួយដែលកំពុងបំផ្លាញប្រទេសម៉ាឡេស៊ី ។ “ប្រសិនបើអ្នកចង់បានតំណែង និងប្រាក់ សូមជ្រើសរើសយកគណបក្សផ្សេងទៀតទៅចុះ ។ តែប្រសិនបើអ្នកចង់បានសេចក្តីថ្លៃថ្នូររបស់អ្នក និងការពារសិទ្ធិរបស់យើង សូមជ្រើសរើសគណបក្សរបស់យើង ។ ជ្រើសយកគណបក្ស Pejuang” !!។
លោកបណ្ឌិត Mahathir អាយុ ៩៥ឆ្នាំ ដែលដាក់ចេញយុទ្ធសាស្ត្រខុសឆ្គងក្បត់មិនចង់ផ្ទេអំណាចតាមកិច្ចសន្យាឲ្យលោកអាន់វ៉ាអ៊ីប្រាហ៊ីមដែលជាដៃគូរដ្ឋាភិបាលចំរុះត្រូវសហការីលោកដណ្តើមយកតួនាទីនាយករដ្ឋមន្ត្រីនិងបណ្តាញលោកចេញពីគណបក្សនោះបានប្រកាសបង្កើតគណបក្សនយោបាយថ្មីមួយ កាលពីសប្តាហ៍មុន ប៉ុន្តែមិនបានបង្ហាញឈ្មោះទេ ។
គណបក្សថ្មីដែលលោកប្រកាសត្រូវដឹកនាំដោយកូនប្រុសរបស់លោក ឈ្មោះមូគ្រីសម៉ូហាធៀ( Mukhriz Mahathir )ជាប្រធានឯខ្លួនលោកផ្ទាល់ជាអធិបតីរបស់គណបក្ស ដោយមិនចង់សម្ព័ន្ធភាពជាមួយគណបក្សសម្ព័ន្ធភាព Pakatan Harapan (PH) ឬ Perikatan Nasional (PN) ទេ ។ លោកបណ្ឌិត Mahathir កាលពីខែឧសភា ឆ្នាំ ២០១៨ ធ្លាប់បានដឹកនាំសម្ព័ន្ធភាព PH ឈានទៅរកជ័យជំនះនៃការបោះឆ្នោតជាប្រវត្តិសាស្ត្រឡើងថ្វើជានាយករដ្ឋមន្ត្រីម្តងទៀតដោយផ្តួលលោកណាជីបរ៉ាហ្សាក់គូប្រជែងដែលជាធ្លាប់ជាសហការីលោកចេញហើយកំពុងប្រឈមនិងការជាប់គុកព្រោះពុករលួយ ៕