វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9496 នាក់
ម្សិលមិញ 8227 នាក់
សរុប 14136377 នាក់
កូរ៉េ៖លោកស្រីប៉ាក់ហ្គុនហេ( Park Geun-hye )អតីតប្រធានាធិបតីកូរ៉េខាងត្បូងដែលជាប់ចោទរឿងពុករលួយ ត្រូវបានតុលាការកំពូលកាត់ទោសឱ្យជាប់ពន្ធនាគាររយៈពេល ២០ ឆ្នាំ កាលពីថ្ងៃព្រហស្បតិ៍ទី១៤ មករា២០២១ ។ ចំណែកនៅក្នុងសវនាការកាត់ក្តីនាថ្ងៃនេះ គេមិនឃើញមានវត្តមានរបស់លោកស្រីនៅក្នុងតុលាការឡើយ។
សារព័ត៌មាន CNN បានឲ្យដឹងថា លោកស្រី Park ត្រូវបានផ្តន្ទាទោសឲ្យជាប់ពន្ធនាគាររយៈពេល ២៤ ឆ្នាំ បន្ទាប់ពីលោកស្រីត្រូវបានរកឃើញថា មានពិរុទ្ធពីបទរំលោភអំណាច, ការសូកប៉ាន់ និងការបង្ខិតបង្ខំជាច្រើនដង។លោកស្រីប៉ាក់( Park )អាយុ ៦៨ឆ្នាំជាប្រធានាធិបតីស្ត្រីដំបូងគេរបស់ប្រទេសកូរ៉េខាងត្បូង ត្រូវបានជាប់ពន្ធនាគារចាប់តាំងពីថ្ងៃទី៣១ ខែមីនា ឆ្នាំ២០១៧ ។ លោកស្រីប៉ាក់ពេលនោះបានបដិសេធចំពោះការធ្វើខុសរបស់លោកស្រី និងមិនបានបង្ហាញខ្លួននៅក្នុងតុលាការឡើយ។ តែទោះយ៉ាងណា ទោសរបស់លោកស្រីត្រូវបានកាត់បន្ថយមកត្រឹម ២០ ឆ្នាំ នៅខែកក្កដា ឆ្នាំ ២០២០ បន្ទាប់ពីការកាត់ទោសម្តងទៀត។
លោកស្រី ប៉ាក់ហ្គុនហេ( Park Geun-hye ) បានកាន់តំណែងជាប្រធានាធិបតីកូរ៉េខាងត្បូងកាលពីឆ្នាំ២០១៣ មុនពេលត្រូវបានបណ្តេញចេញពីតំណែងក្នុងឆ្នាំ២០១៧ បន្ទាប់ពីការបោះឆ្នោតសភា ដើម្បីកាត់ទោសលោកស្រីពីរឿងអាស្រូវពុករលួយបង្កឡើងដោយស្រីជាមិត្តភក្តិជំនិតដែលនាំឱ្យមានផ្ទុះការតវ៉ាដ៏ចម្រូងចម្រាស់ពេញផ្ទៃប្រទេស។ លោកស្រីត្រូវបានគេរកឃើញថាមានពិរុទ្ធពីបទទទួលសំណូកដែលមានទឹកប្រាក់រាប់សិបពាន់លានវ៉ុនពីក្រុមហ៊ុនធំៗ ដើម្បីផលប្រយោជន៍ផ្ទាល់ខ្លួន។យ៉ាងណាក៏ដោយ សេចក្តីសម្រេចរបស់តុលាការកំពូលកូរ៉េខាងត្បូងក្នុងការតម្កល់ទោសពន្ធនាគារ ២០ឆ្នាំ លើលោកស្រីអតីតប្រធានាធិបតីគឺជាការបិទបញ្ចប់នៃដំណើរការផ្លូវច្បាប់ប្រឆាំងនឹងលោកស្រី និងជាការបើកផ្លូវឲ្យមានការលើកលែងទោស។