វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4100 នាក់
ម្សិលមិញ 10264 នាក់
សរុប 14143282 នាក់
ថៃឡង់ដ៍ ៖ នាវាចម្បាំងថៃចំនួន ៣គ្រឿង និងឧទ្ធម្ភាគចក្រចំនួន ២គ្រឿង នៅថ្ងៃចន្ទ នេះត្រូវបានដាក់ពង្រាយ ដើម្បីស្វែងរកកងទាហានម៉ារីនចំនួន ៣១ នាក់ ដែលបាត់ខ្លួន ក្រោយកើតហេតុការណ៍ លិចនាវាមួយគ្រឿង កាលពីយប់ថ្ងៃអាទិត្យទី១៨ធ្នូ នៅឯឈូងសមុទ្ទថៃឡង់ដ៍ ក្នុងខេត្ត Prachuap Khiri Khan ភាគខាងត្បូងរាជធានីបាងកក ។
កាលពីម៉ោងប្រហែល ៨និង៤០នាទី យប់ថ្ងៃអាទិត្យ កប៉ាល់មួយក្នុងចំណោមកប៉ាល់៣ បានព្យាយាមទៅជួយសង្គ្រោះមនុស្ស ១០៦នាក់នៅលើនាវា Sukhothai ដែរតែមិនអាចធ្វើទៅបាន ដោយសារតែខ្យល់បោកបក់ខ្លាំង និងអាកាសធាតុមិនអំណោយផល ។ មុនពេលមានបញ្ហា នាវា Sukhothai បានប្រឈមទៅនឹងខ្យល់បក់ខ្លាំងៗ បានបណ្តាលឱ្យរលកសមុទ្ទធំៗបោកបក់ចូលក្នុងនាវា ហើយក៏ខូចខាតដល់ប្រព័ន្ធអគ្គិសនី និងថាមពលសំខាន់ៗ ។ក្រោយមក នាវាចម្បាំង HTMS Sukhothai ដែលផលិតដោយសហរដ្ឋអាម៉េរិក បានប្រើប្រាស់តាំងពីឆ្នាំ ១៩៨៧ ក៏មានបញ្ហាម៉ាស៊ីន បានលិចជាស្ថាពរនៅម៉ោង ១២ និង ១២នាទីរំលងអាធ្រាត្រ ។ បន្ទាប់មក ក៏មានទូកឯកជន ២គ្រឿង និងទូកដឹកប្រេងមួយគ្រឿងព្យាយាមជួយសង្គ្រោះ ។រហូតមកដល់ពេលនេះ កងទ័ពជើងទឹកបានអះអាងថា បេសកកម្មជួយសង្គ្រោះបានជួយសង្គ្រោះមនុស្សចំនួន ៧៥ នាក់ ខណៈ ៣១ នាក់ផ្សេងទៀតនៅតែបាត់ខ្លួននៅឡើយ ៕ប្រភព៖ Reuters