វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 813 នាក់
ម្សិលមិញ 6473 នាក់
សរុប 16700992 នាក់
អឺរ៉ុប៖ គណៈកម្មការអឺរ៉ុប កាលពីថ្ងៃពុធសប្តាហ៍នេះ បានស្នើវិធានការវិន័យសម្រាប់ប្រទេសបារាំង និងប្រទេសចំនួន ៦ ផ្សេងទៀតរបស់សហភាពអឺរ៉ុប ជុំវិញការដំណើរការឱនភាពថវិកាដ៏លើសលប់ ដោយនឹងប្រកាសអំពីការកំណត់សម្រាប់ការកាត់បន្ថយវិន័យណាមួយនៅក្នុងខែវិច្ឆិកា ។
ស្ថាប័នប្រតិបត្តិរបស់សហភាពអឺរ៉ុប ដែលជាអ្នកអនុវត្តច្បាប់របស់សហភាពអឺរ៉ុប បានជ្រើសរើសប្រទេសមួយចំនួន រួមមាន ប៊ែលហ្ស៊ិក បារាំង អ៊ីតាលី ហុងគ្រី កោះម៉ាល់តា ប៉ូឡូញ និងស្លូវ៉ាគី ខណៈឱនភាពថវិការភាគច្រើន បន្សល់ទុកដោយជំងឺរាតត្បាតកូវីដ និងវិបត្តិតម្លៃថាមពល បន្ទាប់ពីប្រតិបត្តិការលុកលុយរបស់រុស្ស៊ីលើអ៊ុយក្រែនក្នុងឆ្នាំ ២០២២ ។
ជុំវិញវិធានការវិន័យហិរញ្ញវត្ថុ ប្រទេសបារាំងស្ថិតនៅក្នុងការយកចិត្តទុកដាក់បំផុតមួយ ដោយសារតែបារាំង ជាប្រទេសមានសេដ្ឋកិច្ចធំទីពីររបស់សហភាពអឺរ៉ុប កំពុងតែប្រឈមមុខនឹងភាពចលាចលនយោបាយ បន្ទាប់ពីប្រធានាធិបតី អ៊ែមម៉ានូអែល ម៉ាក្រុង (Emmanuel Macron) បានអំពាវនាវឱ្យមានការបោះឆ្នោតជាតិនៅថ្ងៃទី ៣០ ខែមិថុនាដល់ថ្ងៃទី ៧ ខែកក្កដា ជាការបោះឆ្នោតមុនកាលកំណត់ ដើម្បីឆ្លើយតបទៅនឹងលទ្ធផលមិនល្អប្រសើសម្រាប់គណបក្សរបស់លោក ក្រោយការបោះឆ្នោតសភាអឺរ៉ុប ។
វិធានការវិន័យហិរញ្ញវត្ថុ នឹងក្លាយជាវិធានការណ៍ដំបូងគេ ចាប់តាំងពីសហភាពអឺរ៉ុបបានផ្អាកច្បាប់សារពើពន្ធរបស់ខ្លួន កាលពីឆ្នាំ ២០២០ ក្នុងគោលបំណងទប់ស្កាត់ការខ្ចីប្រាក់ច្រើនហួសប្រមាណ ហើយបន្ទាប់មក អឺរ៉ុបបានធ្វើកំណែទម្រង់ក្របខ័ណ្ឌ ដើម្បីគិតគូរអំពីភាពជាក់ស្តែងនៃបញ្ហាសេដ្ឋកិច្ចស្តីពីបំណុលថ្មី ក្រោយជំងឺរាតត្បាត ។
ក្នុងឆ្នាំ ២០២៣ បារាំងមានឱនភាពថវិកានៃផលិតផលក្នុងស្រុកសរុប (GDP) ចំនួន ៥.៥% ដោយគេរំពឹងថា នឹងធ្លាក់ចុះបន្តិច មកនៅត្រឹម ៥.៣% នៅឆ្នាំនេះ ប៉ុន្តែនៅលើសពីកម្រិតឱនភាពនៃផលិតផលក្នុងស្រុកសរុបរបស់សហភាពអឺរ៉ុបចំនួន ៣% ។
ក្នុងឆ្នាំ ២០២៣ បំណុលសាធារណៈធៀបនឹងផលិតផលក្នុងស្រុកសរុបរបស់បារាំង មានចំនួន ១១០.៦% ហើយគណៈកម្មការអឺរ៉ុប រំពឹងថា តួលេខនេះនឹងកើនឡើងដល់ ១១២.៤% ក្នុងឆ្នាំ ២០២៤ និង ១១៣.៨% នៅឆ្នាំ ២០២៥ ។ ចំនួននេះ ស្ទើរតែមានចំនួនទ្វេដង នៃដែនកំណត់ផលិតផលក្នុងស្រុកសរុបរបស់សហភាពអឺរ៉ុប ដែលព្យាករណ៍នៅចន្លោះ ៦០% ។
បន្ទាប់ពីនាយកប្រតិបត្តិសហភាពអឺរ៉ុប ស្នើទៅកាន់ទីក្រុងប៉ារីស នៅប៉ុន្មានខែខាងមុខ ទីក្រុងប៉ារីស និងគណៈកម្មាការអឺរ៉ុប នឹងរៀបចំកិច្ចពិភាក្សាឱ្យបានឆាប់រហ័សជាទីបំផុត ជុំវិញរបៀបកាត់បន្ថយឱនភាព និងបំណុលរបស់បារាំង ៕ប្រភព៖ Reuters Connect