ពេលនៅស្រុកខ្មែរស្ងាត់ប្រធានាធិបតីចិនរៀបពិធីចំរើនព្រះជន្មថ្វាយព្រះរាជាខ្មែរនៅវិមានសភាប្រជាជនចិន
20-February-2025 / ផ្សេងៗ
ប៉េកាំង៖ រាត្រីថ្ងៃទី១៤ ខែឧសភា ឆ្នាំ២០១៩ លោក ស៊ី ជិនពីង ប្រធានាធិបតីចិន បានរៀបចំពិធីចម្រើនព្រះជន្មថ្វាយព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅវិមានសភាប្រជាជនចិន ក្នុងទីក្រុងប៉េកាំងដែលបង្ហាញពីការថ្វាយព្រះរាជកិត្តិយសខ្ពស់ដល់ព្រះរាជាខ្មែរយើង។នេះបើតាមលោកខៀវកាញារិទ្ធរដ្ឋមន្ត្រីក្រសួងព័ត៌មានកម្ពុជា។
លោក ខៀវ កាញារីទ្ធ សរសេរក្នុងហ្វេសប៊ុក ថា «ជាការគួរអោយភ្ញាក់ផ្អើល ដែលក្នុងពិធីជប់លៀងភ្ញៀវជាន់ខ្ពស់អន្តរជាតិ ក្នុងវិមានសភាប្រជាជន លោកប្រធានា ធិបតីចិន ស៊ីស៊ិនពីង និង ភរិយា បានរៀបចំពិធីចម្រើនព្រះវស្សា ព្រះមហាក្សត្រខ្មែរយើង ក្នុងពេលនោះដែរ – Great Hall of the People. May 14, 2019»។
គួរបញ្ជាក់ថាទោះបីមិនបានរៀបចំព្រះរាជពិធីចម្រើនព្រះជន្ម គម្រប់៦៦ យាងចូល៦៧ព្រះវស្សានៃអង្គព្រះមហាក្សត្រឲ្យបានអធិកអធមនៅស្រុកខ្មែរយើងដែលសូម្បីព្រះឆាយាលក្ខ័និងទង់ជាតិមិនសូវឃើញតាមក្រសួងមន្ត្រីស្ថាបន្ថ័ឬទីសាធារណៈច្រើនក៏ដោយក៏ មន្ត្រីរាជការ និងវិស័យឯកជន រួមទាំងប្រជាពលរដ្ឋទូទាំងប្រទេសបានដឹង តាមរយៈបានឈប់សម្រាក់ពីការងាររយៈពេល៣ថ្ងៃ(១៣ដល់១៥ឧសភា) ដើម្បីអបអរសាទរព្រះអង្គដែរ ។
ព្រះករុណាជាអម្ចាស់ បានចាកចេញពីប្រទេសកម្ពុជា ទៅកាន់ទីក្រុងប៉េកាំង កាលពីថ្ងៃទី១៣ ខែឧសភា ឆ្នាំ២០១៩ ដើម្បីយាងចូលរួមក្នុងវេទិកាអរិយធម៌អាស៊ីលើកទី១ ដែលរៀបចំដោយប្រទេសចិនបន្ទាប់ពីបានរៀបចំព្រះរាជពិធីចម្រើនព្រះជន្មតាមបែបសាសនានៅក្នុងប្រារព្ធនៅមហាប្រាសាទខេមរិន្ទ ព្រះបរមរាជវាំងកាលពីថ្ងៃទី១២ឧសភាដោយមានមេដឹកនាំស្ថាបន័និតិបញ្ញត្តិនិងប្រតិបត្តិចូលរួម។
ក្នុងឱកាសព្រះរាជវត្តមាននៅស្រុកចិន នៅក្នុងជំនួបសវនាការជាមួយនឹងលោកប្រធានាធិបតីចិន ស៊ី ជិន ពីងទូរទស្សន៍ចិន CCTV បានឲ្យដឹងថា៖ ព្រះអង្គសូមថ្លែងអំណរគុណយ៉ាងកក់ក្តៅជាទីបំផុត ចំពោះរដ្ឋាភិបាល និងប្រជាជនចិន ចំពោះទំនាក់ទំនងដ៏ជ្រាលជ្រៅដែលបានផ្តល់ជូនព្រះរាជវង្សានុវង្ស នៃប្រទេសកម្ពុជានិងចំពោះការគាំទ្រដ៏មានតម្លៃដែលប្រទេសចិនបានផ្តល់ដល់ប្រជាជនកម្ពុជាអស់រយៈពេលជាយូរមកហើយ។ប្រជាជនកម្ពុជានឹងឈរយ៉ាងរឹងមាំជាមួយប្រជាជនចិននៅគ្រប់កាលៈទេសៈទាំងអស់។
ប្រទេសកម្ពុជា សូមអបអរសាទរ សាធារណរដ្ឋប្រជាមានិតចិន ចំពោះសមិទ្ធិផលដែលសម្រេចបានក្រោមការអភិវឌ្ឍដ៏ធំធេងរបស់ខ្លួនក្នុងរយៈពេល៧០ ឆ្នាំកន្លងមកនេះចាប់តាំងពីការបង្កើតឡើង នៃសាធារណរដ្ឋប្រជាមានិតចិន ព្រមទាំងបានកោតសរសើរដល់ឥទ្ធិពលដ៏សំខាន់របស់ចិន នៅក្នុងកិច្ចការអន្តរជាតិ ហើយសូមគាំទ្រយ៉ាងពេញទំហឹងចំពោះគោលនយោបាយ “ផ្លូវមួយខ្សែក្រវាត់មួយ” ។
ចំណែកលោក ស៊ី ជិនពីង ក៏បានថ្លែងដែរថា ចំណងមិត្តភាពរវាងប្រទេសចិន និងកម្ពុជា បានបង្ហាញពិភពលោកឲ្យឃើញកាន់តែច្បាស់ អំពីមិត្តភាពដ៏ពិតប្រាកដ និងយូរអង្វែងរវាងប្រជាជាតិ និងប្រជាជននៃប្រទេសទាំងពីរ ហើយក៏កំណត់នូវជោគវាសនានៃប្រទេសទាំងពីរផងដែរ។
លោក ស៊ី ជិនពីងថា«ប្រទេសចិននឹងនៅតែបន្តគាំទ្រយ៉ាងពេញទំហឹងដល់ការអភិវឌ្ឍប្រទេសកម្ពុជា ស្របតាមគោលនយោបាយជាតិរបស់ខ្លួន និងបន្តកិច្ចសហប្រតិបត្តិការជាមួយប្រទសកម្ពុជា ដើម្បីជំរុញភាពជាដៃគូរយុទ្ធសាស្ត្រដ៏ទូលំទូលាយរវាងប្រទេសចិន និងប្រទេសកម្ពុជា ឲ្យបានរីកចម្រើនឈានដល់កម្រិតថ្មីមួយ»។
លោកប្រធានាធិបតីចិនបន្តថាភាគីទាំងពីរគួរតែអនុវត្តផែនការសកម្មភាពនានាដើម្បីកសាងសហគមន៍ចិន និងកម្ពុជា ដើម្បីផ្តល់ឱកាសឱ្យប្រជាជនទាំងពីរអាចទទួលបានផលប្រយោជន៍ និងសម្រាប់ជាគំរូក្នុងការគោរពគ្នាទៅវិញទៅមក ព្រមទាំងសម្រាប់ការស្វែងយល់អំពីអរិយធម៏ និងភាពសំប្បូរបែបនៃវប្បធម៏របស់ប្រទេសទាំងពីរ ។ មានការកតសម្គាល់ដែរថានៅក្នុងពិធិបើកសន្និសីទវេទិកាអរិយធម៌អាស៊ីព្រះមហាក្សត្រព្រះអង្គទទួលបានការថ្វាយព្រះរាជកិត្តិយសពីលោកប្រធានាធិបតីចិនថ្លែងព្រះសន្ទរថាមុនមេដឹកនាំប្រទេសផ្សេងទៀត!។ព្រះរាជាខ្មែរយើង
ព្រះអង្គមានបន្ទូលវាយតម្លៃថា សន្និសីទការសន្ទនាស៊ីវិលអាស៊ាន ដែលបានផ្តួចផ្តើមបង្កើតឡើងដោយ ឯកឧត្តមប្រធានាធិបតីស៊ីជីនភីងនៅពេលនេះនឹងដើរតួនាទីយ៉ាងសំខាន់ក្នុងការលើកកម្ពស់ការផ្លាស់ប្តូរវប្បធម៌ និងការយោគយល់គ្នាទៅវិញទៅមករវាងប្រទេសទាំងអស់។
សូមបញ្ជាក់ថាវេទិកាអរិយធម៌អាស៊ីនេះ គឺជាគំនិតផ្ដួចផ្ដើមរបស់ប្រធានាធិបតីចិន លោក ស៊ី ជីនភីង ដែលបានបំផុសគំនិតនេះឡើង កាលពីឆ្នាំ២០១៤។ វេទិកាអរិយធម៌អាស៊ីលើកទី១នេះ គឺរៀបចំឡើងក្នុងគោលបំណងជំរុញឲ្យមានការផ្លាស់ប្តូរ និងសិក្សាស្វែងយល់ពីវប្បធម៌ អរិយធម៌ ទំនៀមទម្លាប់ ប្រពៃណី សាសនា និងប្រវត្តិសាស្ត្រដ៏ចំណាស់របស់ប្រទេសនីមួយៗ ក្នុងតំបន់អាស៊ីនេះ។
