សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឆ្មក់ចូលក្លឹបថាំងហួយឃាត់មនុស្សបាន១១១នាក់គ្រឿងញៀន៥គីឡូក្រាម?

ខេត្តក្រចេះមិនអនុញ្ញាតឲ្យអាជីវករលក់ត្រីបបែលទៀតទេ រួមទាំងត្រី ២៩ប្រភេទផ្សេងទៀត ដែលជាប្រភេទត្រីជិតផុតពូជ

មន្ត្រីសុរិយោដីស្រុកសំរោងទង ស្រវឹងស្រាបើកឡានបុកផ្ទាំងផ្សាយពាណិជ្ជកម្មនៅសួនច្បារសម្តេចព្រះសង្ឃរាជ ជួន ណាត

លោកកើត រិទ្ធ រដ្ឋមន្ត្រីក្រសួងយុត្តិធម៍ប្រកាសបើកយុទ្ធនាការលុបពាក្យបណ្តាសា ត្រីមួយកន្ត្រកស្អុយមួយ ស្អុយទាំងអស់ក្នុងប្រពន្ធ័យុត្តិធម៍

រកឃើញកន្លែងបន្លំធ្វើឈាមជ្រូកនិងសណ្តែកបណ្តុះមានជាតិគីមី

តើករណីយ៍ក្រុមហ៊ុនវិនិយោគCICបោកលុយប្រជាពលរដ្ឋសមត្តកិចរដ្ឋចង់អូសបន្លាយ?

ជាច្រើនទៀត

ចំនួនអ្នកទស្សនា

ថ្ងៃនេះ 4904 នាក់

ម្សិលមិញ 6359 នាក់

សរុប 14091537 នាក់

ប្រេសិទ្ធប្រធានអាស៊ាននឹងទៅភូមាឆាប់ៗខាងមុខមុនកិច្ចប្រជុំចង្អៀតរដ្ឋមន្ត្រីការបរទេសអាស៊ាន

26-March-2024 / ផ្សេងៗ

ភ្នំពេញ៖លោក ប្រាក់ សុខុន ប្រេសិតពិសេសប្រធានអាស៊ាន បានគូសបញ្ជាក់ក្នុងជំនួបបិទទ្វារ តាមប្រព័ន្ធវីឌីអូ ជាមួយក្រុមប្រឹក្សាសន្តិសុខអង្គការសហប្រជាជាតិ កាលពីយប់ថ្ងៃទី២៨មករានេះថា លោកកំពុងរៀបចំកម្មវិធីសម្រាប់ដំណើរទស្សនកិច្ចលើកដំបូងនៅភូមា។ a brak burmar

លោក ប្រាក់ សុខុន រដ្ឋមន្ត្រីក្រសួងការពរតេសនិជាប្រេសិតពិសេសប្រធានអាស៊ាន បានជួបពិភាក្សាជាមួយលោកស្រីបណ្ឌិត ណូលីន ហេហ្សឺរ ប្រេសិតពិសេសរបស់អគ្គលេខាធិការអង្គការសហប្រជាជាតិ និងលោក រ៉ាម៉េស រ៉ាចាស៊ីងហេម អ្នកសម្របសម្រួលរងនៃជំនួយមនុស្សធម៌បន្ទាន់របស់អង្គការសហប្រជាជាតិ។ នៅក្នុងកិច្ចប្រជុំបិទទ្វារនោះ លោក ប្រាក់ សុខុន បានរាយការណ៍អំពីស្ថានភាពនៅប្រទេសភូមា និងជាពិសេស អំពីដំណើរទស្សនកិច្ចរបស់លោកនាយករដ្ឋមន្ដ្រី ហ៊ុន សែន ទៅកាន់ប្រទេសភូមា កាលពីដើមខែមករាកន្លងទៅ។

លោក ប្រាក់ សុខុន បានវាយតម្លៃខ្ពស់ដល់កិច្ចសហប្រតិបត្តិការជាមួយប្រេសិតពិសេសរបស់អគ្គលេខាធិការអង្គការសហប្រជាជាតិ និងថា អ្វីដែលជាកាតព្វកិច្ច និងជាការងារចម្បងនៅពេលនេះ គឺ ការបញ្ឈប់អំពើហិង្សា និងការធានាឱ្យបានថា ការផ្តល់ជំនួយមនុស្សធម៌ដល់ប្រជាពលរដ្ឋភូមា ប្រកបដោយលក្ខណៈបរិយាប័ន្ននិងគ្មានការរារាំង។

សេចក្តីប្រកាសរបស់ក្រសួងការបរទេសកម្ពុជា លោក ប្រាក់ សុខុន បញ្ជាក់អំពីការរៀបចំគម្រោងធ្វើដំណើរទស្សនកិច្ចលើកដំបូងនៅភូមា ក្នុងនាមជាប្រេសិតពិសេសអាស៊ាន ដើម្បីជជែកជាមួយប្រមុខដឹកនាំរបបសឹកភូមា អំពីការអនុវត្តកិច្ចព្រមព្រៀងជាឯកច្ឆន្ទ ៥ចំណុច។ ចំណែកឯ កិច្ចប្រជុំចង្អៀតថ្នាក់រដ្ឋមន្ត្រីការបរទេសអាស៊ានវិញ (AMMR) កម្ពុជាកំពុងគ្រោងរៀបចំឡើងវិញ នៅថ្ងៃទី១៦-១៧ ខែកុម្ភៈ ខាងមុខនេះ បន្ទាប់ពីបានលើកពេលមួយរយៈ ដោយសារបញ្ហាចម្រូងចម្រាស់ជុំវិញតំណាងចូលរួមរបស់ភូមា។

នៅក្នុងសេចក្តីថ្លែងការណ៍ចេញផ្សាយនៅថ្ងៃទី២៨មករារបស់ ឧត្តមស្នងការសិទ្ធិមនុស្សអង្គការសហប្រជាជាតិវិញ លោកស្រី Michelle Bachelet បានថ្លែងអំពាវនាវឱ្យសហគមន៍អន្តរជាតិ បង្កើនសម្ពាធលើរបបយោធាភូមា និងទទូចឱ្យមានការវិលត្រលប់ទៅកាន់ការគ្រប់គ្រងដោយរដ្ឋាភិបាលស៊ីវិលវិញ។ លោកស្រីបាន ចាត់ទុកវិធានការឆ្លើយតបរបស់អន្តរជាតិចំពោះរដ្ឋប្រហារយោធានៅភូមាថា «គ្មានប្រសិទ្ធភាព»។

ចំណែក ឯកអគ្គរដ្ឋទូតភូមាអតីតរដ្ឋាបាលលោកស្រីអោងសានស៊ូជីវិញប្រចាំអង្គការសហប្រជាជាតិ កាលពីថ្ងៃចន្ទដើមសប្ដាហ៍នេះ ក៏បានទទូចឱ្យសហគមន៍អន្ដរជាតិ ជួយសង្គ្រោះនិងការពារប្រជាជនភូមាពីការដឹកនាំដោយហិង្សាពីសំណាក់រដ្ឋាភិបាលយោធាភូមានាពេលបច្ចុប្បន្ននេះផងដែរ។