វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4807 នាក់
ម្សិលមិញ 5020 នាក់
សរុប 14120254 នាក់
ភ្នំពេញ៖ នៅព្រលប់ថ្ងៃទី០៣ ខែមេសា ឆ្នាំ២០១៩នេះម្តាយសពកញ្ញា ឌុំ រីដានិស្សិតសកលវិទ្យាល័យផរ៉ាហ្កនដែលរងគ្រោះព្រោះគ្រោះថ្នាក់ចរាចរ បានព្រមទទួលយកសំណងរដ្ឋប្បវេណី ចំនួន៧ម៉ឺនដុល្លារ ពីលោកយិនង្កិច ថៅកែសណ្ឋាគារអ៊ឹមប្រេសអង្គរនិងជាសមាជិកក្រុមប្រឹក្សាខេត្តសៀមរាបជាឪពុករបស់ជនបង្កកញ្ញាយិនង្គិចម៉ីហៅយិនម៉ាណាដែលបើកឡានម៉ាក Rang Rover ពាក់ស្លាកលេខភ្នំពេញ 2AF-7777 បុកកាលពីថ្ងៃទី២៦មិនាឆ្នាំ២០១៩នៅចំណុចផ្លូវលេខ៣១៧ កែង ផ្លូវ៥២៨ ខណ្ឌទួលគោក រាជធានីភ្នំពេញ ។
មេធាវីជនរងគ្រោះមកការិយាល័យមេធាវីស្ម័គ្រចិត្ត សម្តេចតេជោ សែន នាទីស្តីការគណៈរដ្ឋមន្ត្រីនិងមេធាវីខាងជនបង្កបានឲ្យបានដឹងថា ការទទួលយកប្រាក់ចំនួន៧ម៉ឺនដុល្លារនេះគឺព្រមព្រៀងនេះធ្វើឡើង ដោយមិនមានការបង្ខិតបង្ខំណាមួយនោះឡើយហើយ ជាសំណងផ្នែករដ្ឋប្បវេណី តែប៉ុណ្ណោះ ចំណែកករណីព្រហ្មទណ្ឌ ភាគីបង្ក នៅតែទទួលខុសត្រូវ ចំពោះមុខច្បាប់ ដដែល។
ភាគីរងគ្រោះ ក៏បានថ្លែងអំណរគុណដល់សម្តេចតេជោ ដែលសម្តេចបានជួយគិតគូរ បង្កើតមេធាវីសម្រាប់ជួយការពារដល់អ្នកក្រីក្រ ទន់ខ្សោយ ឲ្យទទួលបានសិទ្ធិ ស្មើរៗគ្នា ចំពោះមុខច្បាប់ ។
សូមជំរាបថា កាលពីថ្ងៃទី២៩ ខែមីនា ឆ្នាំ២០១៩ អ្នកស្រី ផាត់ ពៅ ជាម្តាយបង្កើតរបស់សពកញ្ញា ឌុំ រីដាអាយុ២២ឆ្នាំមានស្រុកកំណើតភូមិកំពង់ដំរី ឃុំព្រែកតាមាក់ ស្រុកខ្សាច់កណ្ដាល ខេត្តកណ្ដាល បានដាក់ពាក្យបណ្តឹងទារសំណងជំងឺចិត្ត រដ្ឋប្បវេណីចំនួន២០ម៉ឺនដុល្លារ ពីជនបង្កឈ្មោះ យិន ម៉ាណា ភេទស្រី ដែលបានបើករថយន្តទៅបុកកូនស្រីរបស់ខ្លួន បណ្តាលឲ្យស្លាប់ភ្លាមៗ នៅកន្លែងកើតហេតុ ។
នៅរសៀលថ្ងៃទី២៩ ខែមីនា ឆ្នាំ២០១៩ លោក ប៊ុន ធី ចៅក្រមស៊ើបសួរនៃសាលាដំបូងរាជធានីភ្នំពេញ បានចេញដីការឱ្យនាំខ្លួនកញ្ញា យិន ម៉ាណា ដែលបានបើករថយន្តទំនើប បុកនិស្សិតឆ្នើមស្លាប់ ទៅដាក់ពន្ធនាគារ រាជធានីភ្នំពេញ PJ ដើម្បីរង់ចាំបើកសវនាការជំនុំជម្រះទោស ជាក្រោយតាមកំណត់ច្បាប់។
សូមបញ្ជាក់ដែរថា៖កាលពីរសៀលថ្ងៃទី២មេសាឆ្នាំ២០១៩នេះលោកទេសរដ្ឋមន្ត្រីពេជ្រស្រស់មេបក្សយុវជនខ្មែរនិងសមាជិកឧត្តមក្រុមប្រឹក្សាពិគ្រោះយោបល់បានចូលទៅគុកប៉េហ្ស៊ីនគរបាលរាជធានីភ្នំពេញដើម្បីតាមមើលការឃុំខ្លួនជនជាប់ចោទកញ្ញាយិនម៉ាណាផងដែរ។អាឡូវរឿងបានដោះបានពាក់កណ្តាលហើយនៅតែនីតិវិធីតុលាការសារ៉េសារ៉ងបញ្ចប់តែប៉ុណ្ណោះ!។មានលុយស្រួលចឹង!?។
តែអ្វីដែលគួសង្វេគគឺសកម្មជនហ្វេសប៊ុកផែងវណ្ណៈដែលគេប្រើដើម្បីបុព្វហេតុឈ្នះឯណោះវិញទេដែលទទួលគ្រោះជំនួសព្រោះតែយកលុយ៥ពាន់ដុល្លារទៅចូលបុណ្យបានផុងខ្លួនជាប់ឃុំទទេ!ចាំមើលរឿងហ្នឹងវាល្ម៉េចវិញព្រោះវានិយាយប៉ះរឿងរសើបរបស់ព្រះឥន្ទផង៕