
វីដេអូ
តាមដានសង្គម

ចំនួនអ្នកទស្សនា
ថ្ងៃនេះ 6642 នាក់
ម្សិលមិញ 4883 នាក់
សរុប 19257192 នាក់
កំពង់ស្ពឺ៖យោងតាមបណ្តឹងកម្លាំងនគរបាលស្រុកគងពិសី បានធ្វើការឃាត់ខ្លួន បុរស០១នាក់ដែលគ្រាន់តែទាស់ពាក្យសម្ដីជាមួយប្រពន្ធតិចតួច ក៏ទាញចបជីក វាយប្រពន្ធបែកក្បាល និងស្ទុះទៅយកកាំបិតផ្គាក់គំរាមសម្លាប់ប្រពន្ធថែមទៀត។
ករណី : (ហិង្សា)ប្ដីវាយប្រពន្ធបែកក្បាល និងគំរាមសម្លាប់នេះបានកើតឡើង កាលពីវេលាម៉ោង០៤:០៥នាទីរសៀល ថ្ងៃទី១២ ខែមេសា ឆ្នាំ២០២៦ នៅចំណុចក្នុងភូមិក្រាំងឡង ឃុំជង្រុក ស្រុកគងពិសី ខេត្តកំពង់ស្ពឺ ។
នគរបាលឲ្យដឹងថា : ជនបង្កឡើង ឈ្មោះ អេង ទី ភេទប្រុស អាយុ៣១ឆ្នាំ (ជាប្តី) រស់នៅក្នុងភូមិឃុំកើតហេតុខាងលើ បានរករឿងឈ្លោះប្រកែកគ្នាជាមួយប្រពន្ធ ឈ្មោះ ឆយ ខែម អាយុ៤៩ឆ្នាំ និងបានបានវាយប្រតាយប្រតប់គ្នា ហើយជនសង្ស័យជាប្តីបានយកចបជីកដងដែកវាយទៅលើជនរងគ្រោះជាប្រពន្ធ ចំក្បាលមួយចបជីក បណ្ដាលឲ្យបែកក្បាល បន្ទាប់មក ក៏បានវាយចំជើង ០១ចបជីក ទៀត បណ្ដាលឲ្យហើម រងរបួសធ្ងន់! ហើយជនសង្ស័យបានស្ទុះទៅ
យកកាំបិតផ្គាក់កាន់នៅនិងដៃ គំរាមថា : នឹងសម្លាប់ប្រពន្ធចោលថែមទៀតផង !!! ។សាច់ញាតិក្រុមគ្រួសារបានដាក់ពាក្យបណ្តឹងឲ្យសមត្ថកិច្ចជួយអន្តរាគមន៍តែម្តង ។សមត្តកិច្ចបានឲ្យដឹងទៀតថា : កន្លងមក ជនសង្ស័យដៃដល់ជាប្តី តែងតែរករឿងឈ្លោះប្រកែកគ្នា និងប្រើអំពើ (ហិង្សា)ទៅលើប្រពន្ធជាញឹកញាប់ និងជាមុខសញ្ញាប្រើប្រាស់គ្រឿងញៀនផងដែរ !។
បច្ចុប្បន្ន បុរសជាប្តី (ជនសង្ស័យ)ខាងលើ ត្រូវបានឃាត់ខ្លួន យកមកសួរនាំនៅអធិការដ្ឋាននគរបាលស្រុកគងពិសី និង កសាងសំណុំរឿងបញ្ជូនបន្តទៅការិយាល័យជំនាញ ខេត្តកំពង់ស្ពឺ ដើម្បីចាត់ការ បន្តតាមនិតិវិធីច្បាប់ ។