ខ្មែរបញ្ជូនជនដៃដល់សម្លាប់លោកលិមគឹមយ៉ាទៅស្រុកសៀមវិញដើម្បីបន្តនីតិវិធី!ចាំអ៊ុនមើលមើថាល្បែងនេះគេលេងល្ម៉េចទៀត?
01-March-2025 / សន្តិសុខសង្គម
ប៉ោយប៉ែត៖ជនសង្សយ័ជនជាតិថៃ ដែលធ្វើឃាតលោក លិម គិមយ៉ា អតីតតំណាងរាស្ត្រ នៃអតីតគណបក្សសង្គ្រោះជាតិ នៅទីក្រុងបាងកក ប្រទេសថៃ ត្រូវបានសមត្ថកិច្ចកម្ពុជា ប្រគល់ឱ្យសមត្ថកិច្ចថៃហើយ នៅព្រឹកថ្ងៃទី១១ ខែមករាឆ្នាំ២០២៥នេះ។លោកឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិបានដឹកនាំធ្វើការងារប្រគល់ទទួលនេះនៅច្រកអន្តរជាតិប៉ោយប៉ែត។
ជនសង្ស័យរូបនេះមានឈ្មោះ អេកាឡាក់ ភាណយ (Ekkalak Pheanou) ដត្រូវបានសមត្តកិច្ចកម្ពុជាចាប់ខ្លួន នៅខេត្តបាត់ដំបង ប្រទេសកម្ពុជា នៅវេលាម៉ោង ១៣:៥០នាទី រសៀលថ្ងៃទី០៨ ខែមករា ក្រោយរត់គេចចេញពីប្រទេសថៃចូលមកកម្ពុជា។អ្នកនាំពាក្យអគ្គស្នងការដ្ឋាននគរបាលជាតិ បានឱ្យដឹងបន្ថែមថា ការចាត់បញ្ជូនជនសង្ស័យនេះ ធ្វើឡើងទៅតាមការស្នើសុំរបស់ភាគីថៃ និងកិច្ចសហប្រតិបត្តិការរវាងប្រទេសទាំងពីរ ខណៈបទល្មើសនេះបានកើតឡើងនៅក្នុងប្រទេសថៃ។
ជនរងគ្រោះនៃការធ្វើឃាតដោយបាញ់ប្រហារនេះជាអតីតតំណាងរាស្ត្រគណបក្សសង្គ្រោះជាតិ មានឈ្មោះ លិម គិមយ៉ា ភេទប្រុស កើតឆ្នាំ១៩៥១ ជនជាតិខ្មែរ សញ្ជាតិបារាំង បង្កឡើងខ្មាន់កាំភ្លើង កាលពីវេលាម៉ោង ១៧:៤៥នាទី ថ្ងៃទី០៧ ខែមករា ឆ្នាំ ២០២៥ នៅចំណុចផ្លូវ ១៣ហាង សង្កាត់ប៊ូរិន និវេទវិហារ ខណ្ឌព្រះនគរ ទីក្រុងបាងកក ប្រទេសថៃពេលធ្វើដំណើរពីសៀមរាបកម្ពុជាទៅដល់។
អ្នកនាំពាក្យនៃអគ្គស្នងការដ្ឋាននគរបាលជាតិ បានបញ្ជាក់ថា បន្ទាប់ពីហេតុការណ៍កើតឡើង សមត្ថកិច្ចថៃបានធ្វើការស្រាវជ្រាវ និងកំណត់អត្តសញ្ញាណ ជនសង្ស័យមានឈ្មោះឯកាឡាក់ភៀណយ( Ekkalak Pheanoi )ជនជាតិថៃ កើតឆ្នាំ១៩៨៣ ជាអតីតទាហ៊ានម៉ារីន ស្នាក់នៅ ផ្ទះលេខ ៩៩៩ ផ្លូវសាប់វុធ សង្កាត់បាងណានឿ ខណ្ឌបាងណា ទីក្រុងបាងកក។ ក្រោយពេលធ្វើសកម្មភាព ជនសង្ស័យបានរត់គេចខ្លួនពីទីក្រុងបាងកក ធ្វើដំណើរឆ្ពោះមកកាន់ខេត្តជាប់ព្រំដែនប្រទេសកម្ពុជា។
យោងតាមការចុះផ្សាយទីភ្នាក់ងារព័ត៌មានបារាំង(AFP) ដែលបានដកស្រង់ប្រភពពីសមត្ថកិច្ចថៃ ខ្មាន់កាំភ្លើង អេកាឡាក់ ភាណយ ត្រូវចោទប្រកាន់ពីបទឃាតកម្មគិតទុកជាមុន និងកាន់កាប់កាំភ្លើងដោយគ្មានការអនុញ្ញាត។«ខ្ញុំសូមសារភាពថា ខ្ញុំបានធ្វើខុស»។ នេះជាពាក្យសារភាពរបស់ខ្មាន់កាំភ្លើង អេកាឡាក់ ភាណយ ទៅកាន់ប៉ូលិសថៃ នៅថ្ងៃសៅរ៍ទី១១មករា។
យ៉ាងណាមិញ លោក Somprasong Yenthuam ប៉ូលិសជាន់ខ្ពស់ថៃ បានអះអាងថា សមត្ថកិច្ចថៃនៅមិនទាន់អាចកំណត់មូលហេតុដែលអេកាឡាក់ ភាណយ បាញ់សម្លាប់លោក លិម គិមយ៉ា បាននៅឡើយ ដោយប៉ូលិសថៃស្នើសុំពេលវេលាបន្ថែមទៀតដើម្បីស៊ើបអង្កេត។ប៉ូលិសថៃ ឧត្តមសេនីយ៍ឯក Somprasong Yenthuam ជំនួយការស្នងការប៉ូលីសថៃ និងឧត្តមសេនីយ៍ទោ Teeradet Thammasutee មេបញ្ជាការការិយាល័យស៊ើបអង្កេតកណ្តាល បានអះអាងថា គេបានដឹកខ្មាន់កាំភ្លើង អេកាឡាក់ ភាណយ តាមឧទ្ធម្ភាគចក្រទៅកាន់ទីក្រុងបាងកក ដើម្បីបន្តនិតិវិធី។
នៅក្នុងការស៊ើបអង្កេតប៉ុន្មានថ្ងៃមកនេះ សមត្ថកិច្ចថៃបានរកឃើញថា មានប្រតិបត្តិការផ្ទេរប្រាក់ចំនួន៣ម៉ឺនបាតចូលគណនីខ្មាន់កាំភ្លើង អេកាឡាក់ ភាណយ នៅម៉ោងប្រមាណ១រសៀល ថ្ងៃអង្គារទី០៧មករា ថ្ងៃដែលមានហេតុការណ៍បាញ់សម្លាប់លោក លិម គិមយ៉ា តំណាងរាស្ត្រនៃអតីតគណបក្សសង្គ្រោះជាតិ នៅកណ្តាលទីក្រុងបាងកក។ នេះបើតាមសារព័ត៌មាន The Nation ដែលបានដកស្រង់សំដីមន្ត្រីប៉ូលិសជាន់ខ្ពស់របស់ថៃ ដោយបានបន្ថែមទៀតថា ខ្មាន់កាំភ្លើង អេកាឡាក់ ភាណយ បានប្រើប្រាស់លុយចំនួន ២ម៉ឺន២ពាន់បាត ទៅលោះកាំភ្លើងដែលខ្លួនដាក់បញ្ចាំ យកមកបាញ់សម្លាប់លោក លិម គិមយ៉ា។
លុះបាន៥នាទីក្រោយការបាញ់ប្រហារលើលោក លិម គិមយ៉ា ទឹកប្រាក់ចំនួន៣ម៉ឺនបាតបន្ថែមទៀត ត្រូវបានផ្ទេរចូលគណនីអេកាឡាក់ ភាណយ ជាលើកទី២។ សមត្ថកិច្ចថៃបានដាក់ការសង្ស័យថា ទឹកប្រាក់សរុបចំនួ៦ម៉ឺនបាតនេះជាថ្នូរនៃការស៊ីឈ្នួលបាញ់សម្លាប់អ្នកនយោបាយខ្មែរសញ្ជាតិបារាំង លោក លិម គិមយ៉ា។ សមត្ថកិច្ចថៃថា ខ្លួនកំពុងបន្តស៊ើបអង្កេតលើប្រភពលុយ ដែលក្រុមស៊ើបអង្កេតរកឃើញថា បានផ្ទេរពីបរទេស។
សូមបញ្ជាក់ថាករណីយ៍បាញ់ប្រហារអ្នកនយោបាយខ្មែរកណ្តាលក្រុងបាងកកដូចខោកក្បាលនាយករដ្ឋមន្ត្រីថៃនេះបង្កឲ្យមានការជជែកវែកញែគ្នាក្តៅគគុកតាមបណ្តាញសង្គម។អ្នកគាំទ្របក្សប្រឆាំងបានទម្លាក់កំហុសលើថ្នាក់ដឹកនាំកម្ពុជា។ឡូវនេះវាក៏លេចឡើងនៅការវាយបកពីអ្នកនាំគាំទ្រគណបក្សប្រជាជនទោះលើអតីតមេដឹកនាំគណបក្សប្រឆាំងវិញយ៉ាងក្តៅគគុកផងដែរ។តែឡូវនេះអាប៉ោងនេះមិនទាន់បើកគ្របនៅឡើយទេលឺតែសូដួលហើយនាំគ្នាប៉ាន់ស្មានតែប៉ុណ្ណោះ។
ចាំមើលអាប៉ោងបើកគ្របសិនថាវាចេញប៉ុន្មានគ្រាប់ព្រោះក្រៅពីជនដៃដល់សមត្តកិច្ចថៃនៅមានតម្រុយជាច្រើនថែមទៀតរាប់តាំងពីជានជាតិខ្មែរដែលជិះឡានជាមួយជនរងគ្រោះពីសៀមរាបមកបាងកកឈ្មោះពេជ្រដែលគេថាជាពេជ្រគឺមស្រ៊ិនអនុប្រធាផ្សារកណ្តាលនិងជាអ្នកកាសែតផងដែរ។ក្រៅពីនេះមានទាំងអ្នកបើនឡានដឹកជនដៃដល់មកព្រុំដែនផងដែររាប់ទាំងចំនួនលុយដែលផ្ញើចឲ្យ។ចឹងប្រសិនបើគេមិនត្រូវគ្នាខាងនយោបាយសម្របសម្រួលគ្នាបញ្ជប់រឿងត្រឹមឯកាឡាកភៀណយទេវានឹងចេញរឿងល្អមើលជាមិនខានថាអ្នកណានៅពីក្រោយសកម្មភាពភេរវកម្មមួយនេះ?។យ៉ាងណាប្រជាពលរដ្ឋនៅសង្ឃឹមលើប្រទេសបារាំងមួយទៀតដែលប្រកាសថាគេនឹងតាមមើលរឿងនេះឲ្យបានដិតដល់ផងដែរ៕
