ការជិះរថភ្លើងមកវៀតណាមមិនមែនដោយសារលោកគីមខ្លាចយន្តហោះទេ!
27-March-2024 / ព័ត៌មានអន្តរជាតិ
ប៉េកាំង៖ រថភ្លើងបាញ់មិនមុតដុតមិនឆេះរបស់លោក គីម ជុងអ៊ុន មេដឹកនាំកូរ៉េខាងជើង រួមទាំងមន្ត្រីជាន់ខ្ពស់កូរ៉េ បានមកដល់ស្ថានីយដុងដាង Dong Dang ដែលស្ថិតនៅជាប់ព្រំដែន ជាមួយចិន នៅប្រហែលម៉ោង៨និង១៣នាទីម៉ោងក្នុងស្រុក ហើយលោកត្រូវបានស្វាគមន៍ នៅក្នុងស្ថានីយរថភ្លើងដោយក្រុមមន្ត្រី និងជនស៊ីវិលវៀតណាមមុននឹងបន្តដំណើរដោរថយន្ត ។
ទីភ្នាក់ងារព័ត៌មាន វៀតណាមបានឱ្យដឹងថា លោក គីម ត្រូវបានអមដោយ មន្ត្រីជាន់ខ្ពស់របស់កូរ៉េខាងជើង រួមទាំងប្អូនស្រីរបស់លោក គឺនាង Kim Yo Jong សមាជិកភាពជួសមុខឲ្យការិយាល័យ នយោបាយនៃគណៈកម្មាធិការមជ្ឈិមបក្សពលករកូរ៉េ (WPK) និងជាអនុប្រធានទី១នៃនាយកដ្ឋានឃោសនា និងសម្រាលកូន និងជាអនុប្រធាននៃគណៈកម្មាធិការ កណ្តាល WPK លោក Kim Yong Chol ទីភ្នាក់ងារព័ត៌មានមជ្ឈិមកូរ៉េបានរាយការណ៍យ៉ាង់ដូច្នេះ ។
នៅក្នុងអំឡុងពេលនៃដំណើរ ទស្សនកិច្ចលើកដំបូងនេះដោយមេដឹកនាំកំពូលរបស់កូរ៉េខាងជើងដែលអស់រយៈពេល៥៥ឆ្នាំមកនេះ លោក គីម ត្រូវបានគេរំពឹងថា នឹងជួបជាមួយមេដឹកនាំ វៀតណាមផងដែរដើម្បីឈ្វេងយល់ពីការធ្វើសេដ្ឋកិច្ចក្នុងប្រទេសវៀតណាមដែលមានតែឯកបក្ស។រថភ្លើងពិសេសរបស់មេដឹកនាំកូរ៉េបានចេញពីទីក្រុងព្យុងយ៉ាង កាលពីថ្ងៃសៅរ៍ ទៅកាន់ទីក្រុងហាណូយដោយផ្ទាល់តែម្ដង ក្នុងចំងាយផ្លូវជាង៤,៥០០គីឡូម៉ែត្រ និងចំណាយពេលយ៉ាងហោចណាស់៦០ម៉ោងនៅឯណោះ។
ការពិតការធ្វើដំណើរតាមរថភ្លើងមិនមែនដោយសារលោកគីំខ្លាចយន្តហោះអីទេព្រោះលោកគីកក៏ធ្លាប់ទៅប្រទេសកាលនៅរៀនដោយប្រើលិខិតឆ្លងដែនក្លែងកាយនិងជិះយន្តហោះចិនមកសិង្ហបុរីជាំដើមតែគឺគ្រាន់តែចង់បង្ហាញប្រពៃណីរបស់គ្រួសារត្រកូលគីមតែប៉ុណ្ណោះ។សាស្ត្រាចារ្យម្នាក់មកពីសាកលវិទ្យាល័យ Dongguk University ក្នុងទីក្រុងសេអ៊ូល ប្រទេសកូរ៉េខាងត្បូង លោក Koh Yu-hwan បានបញ្ជាក់ថាការជិះរថភ្លើងទៅកាន់ទីក្រុងហាណូយគឺជាការរក្សាប្រពៃណីជិះរថភ្លើងរបស់គ្រួសារត្រកូលគីម។ព្រោះការធ្វើដំណើរតាមផ្លូវរថភ្លើងគឺជាប្រពៃណីរបស់គ្រួសារត្រកូលគីម រាប់តាំងពីជំនាន់ជីតារបស់លោក គីម ជុងអ៊ុន គឺលោក គីម អ៊ីលសុងមកម្លេះ។ ស្ថាបនិក និងជាអតីតមេដឹនាំកូរ៉េខាងជើង លោក គីម អ៊ីលស៊ុង ធ្លាប់ធ្វើដំណើរតាមរថភ្លើងក្នុងដំណើរផ្លូវ ដ៏វែងអន្លាយទៅកាន់តំបន់អឺរ៉ុបខាងកើតកាលពីឆ្នាំ១៩៨៤។ ចំណែកឯ ឪពុករបស់លោកគីម គឺលោក គីម ជុងអ៊ីល ក៏ធ្លាប់ជិះ រថភ្លើងទៅកាន់ទីក្រុងម៉ូស្គូផងដែរ កាលពីឆ្នាំ២០០១។
លោកប្រធានាធិបតីអាមេរិកនឹងធ្វើដំណើរ មកដល់ទីក្រុងហាណូយតាមរយៈយន្តហោះយោធា Air Forice One ដែលនឹងចាកចេញពីមូលដ្ឋានកងទ័ពអាកាស Andrews ក្នុងរដ្ឋ Maryland និងត្រូវបានគេរំពឹងថាចុះចតនៅវៀតណាមនៅយប់ថ្ងៃអង្គារ៍នេះដែរ។
សារពត៍មាន BBCបានដកស្រង់សម្តីអ្នកនាំពាក្យរបស់សេតវិមានលោកស្រី Sarah Sanders មកផ្សាយ នៅថ្ងៃអង្គារ ទី២៦ ខែកុម្ភៈនេះថា លោកដូណាល់ត្រាំនឹងជួបលោកគីមជុងអ៊ុនដោយការសន្ទនាគ្នាមួយទល់នឹងមួយនៅល្ងាចថ្ងៃពុធទី២៧កុម្ភៈ ហើយបន្ទាប់មក ពួកគេនឹងញ៉ាំអាហារពេលល្ងាចរួមជាមួយទីប្រឹក្សារបស់ពួកគេផងដែរ។ នៅថ្ងៃព្រហស្បតិ៍ទី២៨កុម្ភៈមេដឹកនាំនឹងជួបប្រជុំគ្នាសម្រាប់កិច្ចប្រជុំជាបន្តបន្ទាប់ទៀត។
ប្រភពដដែលនេះបានសរសេរទៀតថាកិច្ចប្រជុំនាទីក្រុងហាណូយ ត្រូវបានគេរំពឹងថាក៏នឹង ដើម្បីកសាងបន្ថែមទៅលើមូលដ្ឋាននៃអ្វីដែល បានសម្រេចនៅឯកិច្ចប្រជុំកំពូលប្រវត្តិសាស្ត្រ សិង្ហបុរីកាលពីខែមិថុនា។
