វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5886 នាក់
ម្សិលមិញ 5378 នាក់
សរុប 14085179 នាក់
សិង្ហបុរី៖ ប្រទេសសិង្ហបុរីបានដាក់ឲ្យប្រើច្បាប់ថ្មីមួយដើម្បីប្រយុទ្ធប្រឆាំង នឹងការផ្សព្វផ្សាយព័ត៌មានក្លែងក្លាយ នៅថ្ងៃពុធទី២តុលា ទោះបីមានភាពចម្រូងចម្រាសមួយចំនួនក៏ដោយ។
សភាគណបក្សកាន់អំណាចរបស់ប្រទេសសឹង្ហបុរីបានអនុម័តច្បាប់ប្រឆាំងពត៍មានក្លែងក្លាយកាលពីខែឧសភា ទោះបីជាមានការព្រួយបារម្ភថា វាផ្តល់អំណាចដល់រដ្ឋាភិបាលខ្លាំងពេក ក្នុងការសម្រេចនូវអ្វី ដែលជាព័ត៌មានក្លែងក្លាយក៏ដោយ។ច្បាប់ថ្មីនេះបានចែងថា រដ្ឋមន្ត្រីរដ្ឋាភិបាលណាមួយ មានសិទ្ធិសម្រេចលើអ្វីដែលបង្កើតជា“ សេចក្តីថ្លែងការណ៍មិនពិត នៃការពិត” និងផ្តួចផ្តើមសកម្មភាព។
ច្បាប់នេះដាក់ទណ្ឌកម្ម យ៉ាងធ្ងន់ធ្ងរទៅលើអ្នក ដែលត្រូវបានផ្តន្ទាទោសថា ជាអ្នករកព័ត៌មានក្លែងក្លាយ តាមរយៈការប្រើប្រាស់គណនីក្លែងក្លាយ តាមអ៊ីនធឺណិត ហើយបុគ្គលម្នាក់ៗ អាចត្រូវបានគេពិន័យ ជាទឹកប្រាក់រហូតដល់ ១០០,០០០ ដុល្លារសិង្ហបុរី (៧២,១០៨ ដុល្លារអាមេរិក) ឬជាប់ពន្ធនាគាររហូតដល់ ១០ ឆ្នាំ ឬទាំងពីរនាក់ ខណៈដែលក្រុមហ៊ុន អាចត្រូវបានពិន័យ ជាប្រាក់រហូតដល់ ១ លានដុល្លារអាមេរិក។ក្រុមហ៊ុនឯកជន អាចត្រូវប្រឈមមុខនឹងការផាក់ពិន័យ រហូតដល់ ៧២ម៉ឺនដុល្លារអាមេរិក។
ក្រុមហ៊ុនខាងបច្ចេកវិជ្ជាធំៗ ដូចជា Google, Facebook, Twitter ដែលមានមូលដ្ឋានប្រចាំនៅទ្វីបអាស៊ី ក្នុងប្រទេសសិង្ហបុរីនេះ បានសម្តែងក្តីព្រួយបារម្ភ តែត្រូវរដ្ឋាភិបាលទុកពេលវេលាឱ្យខ្លះបន្ថែមទៀត ដើម្បីរកមធ្យោបាយព្យាយាមសម្របសម្រួលខ្លួនទៅតាមនឹងបញ្ញត្តិចែងរបស់ច្បាប់ថ្មី ប្រសិនបើចង់រកស៊ីនៅសិង្ហបុរីតទៅទៀត។
សិង្ហបុរី ដ្បិតតែជាកូនប្រទេសតូច មានប្រជាជនជិត៦លាននាក់តែ មានសេដ្ឋកិច្ចជឿនលឿនខ្លាំងជាងគេនៅអាស៊ីអាគ្នេយ៍ តែមិនសូវមានសិទ្ធិសេរីភាពខាងបញ្ចេញមតិប៉ុន្មានឡើយ។ សិង្ហបុរី ជាប់លេខខ្សោយណាស់ខាងសេរីភាពសារព័ត៌មាន ពោលគឺជាប់ចំណាត់ថ្នាក់លេខ១៥១ ក្នុងចំណោមប្រទេស១៨១លើលោក។ នេះបើតាមអង្គការអ្នកកាសែតគ្មានព្រំដែន។