វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 57 នាក់
ម្សិលមិញ 3528 នាក់
សរុប 14186442 នាក់
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី២៨មករានេះ បានបដិសេធឯកសារមួយ សន្លឹកដែលចែកចាយលើបណ្តាញទំនាក់ទំនងសង្គម ទាក់ទង និងគម្រោងការលុបចោលក្រសួងមួយចំនួន ដោយរក្សាទុកតែក្រសួង១៦ប៉ុណ្ណោះ។
សម្តេចតេជោ ហ៊ុន សែន បានបញ្ជាក់ថា៖ «ឯកសារនេះ គឺជាឯកសារក្លែងក្លាយសុទ្ធសាធ និងជាផែនការដ៏ អាក្រក់មួយដើម្បីបំផ្លាញទំនុកចិត្តលើមន្ត្រី និងថ្នាក់ដឹកនាំរាជរដ្ឋាភិបាល។ ដូច្នេះសូមប្រកាសទាត់ចោល ទាំងស្រុងនូវឯកសារក្លែងមួយនេះ»។
មេដឹកនាំថ្នាក់ដឹកនាំជាន់ខ្ពស់នៃរាជរដ្ឋាភិបាលកម្ពុជានិងជាមន្ត្រីជាន់ខ្ពស់នៃគណបក្សប្រជាជនកម្ពុជាក៏បានបញ្ជាក់ប្រាប់សារព័ត៌មានក្នុងស្រុកថា៖ «ថ្នាក់ដឹកនាំរបស់យើងមានរបៀបរបបដឹកនាំចាស់ទុំ និងគ្រប់ជ្រុងជ្រោយ។ គណបក្ស ប្រជាជនកម្ពុជា ដែលនៅជាមួយគ្នានិងនៅជាមួយប្រជាជន៤០ឆ្នាំមកនេះ គឺតែងតែឈរលើស្មារតីរក្សាចាស់ បន្ថែមថ្មី និងដោយឈរលើស្មារតី សាមគ្គី ឯកភាពផ្ទៃក្នុង ចែករំលែក ជួយយកអាសារ ការពារគ្រប់កាលៈទេសៈ»។
ការពង្រឹងប្រសិទ្ធភាពស្ថាប័នគឺជាការខិតខំរបស់រាជរដ្ឋាភិបាលដោយផ្នែកលើចក្ខុវិស័យសម្តេចតេជោ ហ៊ុន សែន នាយករដ្ឋមន្ត្រី, ផ្អែកលើឯកសារផែនការយុទ្ធសាស្ត្រចតុកោណ, និងផ្អែកលើឯកសារផ្លូវការ មិនមែនផ្អែកលើឯកសារក្លែងក្លាយនេះទេ។
សូមជម្រាបថា ការបំផុសឯកសារក្លែងក្លាយស្តីពីការកែទម្រង់កាត់បន្ថយក្រសួងនានាពី១៧មកត្រឹម១៦ក្រសួងនេះបាន កើតឡើងក្រោយពេលដែលសម្តេចតេជោបានប្រកាសនៅខេត្តកំពតស្តីពីការលុបចោល ស្ថាប័នកាំសាបថ្មីៗនិងផែនការកាត់បន្ថយករិយាល័យថ្នាក់ក្រោមជាតិមួយចំនួនចេញ៕