វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7868 នាក់
ម្សិលមិញ 5020 នាក់
សរុប 14123315 នាក់
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញអនុក្រឹត្យតែងតាំង លោក ឡុង ឌីម៉ង់ ជាអភិបាលរងខេត្តព្រះសីហនុ។ នេះបើតាមអនុក្រឹត្យដែលបណ្តាញព័ត៌មាន ទទួលបាននៅថ្ងៃទី០៤ ខែតុលា ឆ្នាំ២០២១នេះ។
សូមបញ្ជាក់ថា៖លោក ឡុង ឌីម៉ង់ គឺជាកូនច្បងនៃកូនពីរនាក់របស់លោក ឡុង វិសាលោ រដ្ឋលេខាធិការក្រសួងការបរទេស និងជាកូនប្រសាររបស់លោក ញឹម វណ្ណដាអតីត អនុប្រធានអាជ្ញាធរជាតិគ្រប់គ្រងគ្រោះមហន្តរាយ។លោកឡុងវិសាលោ គឺជាបញ្ញវន្តម្នាក់ដែលបានវិលត្រឡប់មកប្រទេសកម្ពុជាវិញ ក្រោយពេលខ្មែរក្រហមដណ្តើមបានអំណាចនៅថ្ងៃទី១៧ ខែមេសា ឆ្នាំ១៩៧៥។
ពេល មកដល់ប្រទេសកម្ពុជាដំបូង ខ្មែរក្រហមដាក់ឲ្យលោកឡុងវិសាលោនៅមណ្ឌលអប់រំកែប្រែនៅសាលាតិចណូ និងឲ្យគូរផែនទីរដ្ឋបាលប្រទេសកម្ពុជា ដែលមានបែងចែកជាភូមិភាគ និងតំបន់ ព្រោះលោកជាបញ្ញវន្ត តែម្នាក់គត់មានជំនាញខាងប្រព័ន្ធព័ត៌មានភូមិសាស្ត្រ (GIS)។ ក្រោយមកលោក ឡុង វិសាលោ ត្រូវខ្មែរក្រហមបញ្ជូនទៅគុកបឹងត្របែក។លោកឡុងវិសាលោមានតួនាទីជាឧបការីរដ្ឋមន្ត្រីក្រសួងការបរទេសតាំងពីជំនាន់សម្តេចហ៊ុនសែននៅជារដ្ឋមន្ត្រី។
លោក ឡុង ឌីម៉ង់បានឲ្យកាសែតដឹងថាលោក បានចាប់កំណើតនៅទីក្រុងភ្នំពេញក្តី លោកបានចាប់ផ្តើមការសិក្សាបឋមសិក្សារយៈពេលពីរឆ្នាំនៅទីក្រុងឡាហាវ៉ាន (Havana) ប្រទេសគុយបា ពេលឪពុករបស់លោកគឺលោក ឡុង វិសាលោ ធ្វើជាឯកអគ្គរដ្ឋទូតប្រចាំនៅប្រទេសកុម្មុយនិស្តនេះ រយៈពេល៥ឆ្នាំ ពីឆ្នាំ១៩៨២ដល់ឆ្នាំ១៩៨៧ នៅសម័យសាធារណរដ្ឋប្រជាមានិតកម្ពុជា ជំនាន់កុម្មុយនិស្ត។
លោក ឡុង ឌីម៉ង់ បានមកបន្តការសិក្សានៅប្រទេសកម្ពុជារហូតចប់ថ្នាក់វិទ្យាល័យ មុនពេលលោកទៅបន្តការសិក្សានៅប្រទេសបារាំង នៅឆ្នាំ១៩៩៧ រយៈពេល៧ឆ្នាំ។ លោក ឡុង ឌីម៉ង់ ទទួលបានបរិញ្ញាប័ត្រពីសាកលវិទ្យាល័យ Paris Dauphine University ហើយលោកបានបន្តការសិក្សាយកអនុបណ្ឌិត្យនៅសាលា Ecole des Hautes 'Etudes Internationale។លោកឌីម៉ង់បានបញ្ចប់ការសិក្សានៅប្រទេសបារាំងនៅឆ្នាំ២០០៤ លោក ឡុង ឌីម៉ង់ បានចាប់ផ្តើមការងារជាជំនួយការរបស់លោក កែប ជុតិមា អតីតអភិបាលរាជធានីភ្នំពេញ នៅឆ្នាំ២០០៥បន្ទាប់មកលោកក្លាយជាអ្នកនាំពាក្យ និងជាអនុប្រធានផ្នែករដ្ឋបាលនៅសាលាក្រុងភ្នំពេញ។
លោកឡុងឌីម៉ង់ត្រូវបានតែងតាំងជាឯកអគ្គរាជទូតខ្មែរប្រចាំសាធារណៈរដ្ឋកូរ៉េក្រោយពេលដែលលោកឪពុកលោកបញ្ចប់តួនាទីពីរដ្ឋលេខាធិការក្រសួងការបទេសបន្ទាប់ពីលោកប្រាក់សុខុនឡើងជារដ្ឋមន្ត្រី។