ជួបពិភាក្សាជាមួយ ឧត្តមសេនីយ៍ជាន់ខ្ពស់ មីន អោងឡាំង(Min Aung Hlaing ) តាមប្រព័ន្ធវីដេអូសម្ដេចតេជោ ហ៊ុន សែន សុំជួបអ្នកស្រីអួងសានស៊ូជីតែបានចម្លើយបែបការទូត
21-September-2026 / ផ្សេងៗ
ភ្នំពេញ៖នៅព្រឹកថ្ងៃអង្គារ ១៤រោច ខែចេត្រ ឆ្នាំរោង ឆស័ក ព.ស ២៥៦៧ ត្រូវនឹង ថ្ងៃទី៧ ខែឧសភា ឆ្នាំ២០២ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានជួបសន្ទនាជាមួយ ឯកឧត្តម នាយឧត្តមសេនីយ៍ជាន់ខ្ពស់ មីន អោងឡាំង (Min Aung Hlaing ) ប្រធានក្រុមប្រឹក្សារដ្ឋបាលរដ្ឋនៃសាធារណរដ្ឋសហភាពមីយ៉ាន់ម៉ា តាមប្រព័ន្ធវីដេអូ ។
សម្តេចតេជោ បានសំដែងក្តីរីករាយដែលបានជួប ឯកឧត្តមមីន អោងឡាំង សាជាថ្មី និង អរគុណចំពោះសារអបអរសាទររបស់. ឯកឧត្តម នៅឱកាសដែលសម្តេចបានជាប់ឆ្នោតធ្វើជាប្រធានព្រឹទ្ធសភា ។ សម្តេចបានលើកឡើងថា កិច្ចពិភាក្សានេះធ្វើឡើងក្នុងគោលបំណង ដើម្បីសាកសួសុខទុក្ខគ្នា និងដើម្បីទទួលបានការចែករំលែកពីបច្ចុប្បន្នភាពនៃការវិវឌ្ឍនៅមីយ៉ាន់ម៉ា ។លោក មីន អោងឡាំង ក៏បានសម្តែងការអបអរសាទរជាថ្មីម្តងទៀតចំពោះ សម្តេចតេជោ ដែលត្រូវបានជាប់ឆ្នោតជាប្រធានព្រឹទ្ធសភា និងអរគុណ សម្តេចតេជោ និង វាយតម្លៃខ្ពស់នៃការចូលរួមរបស់សម្តេចតេជោ ដែលបានមកធ្វើទស្សនកិច្ចនៅមីយ៉ាន់ម៉ា ហើយព្យាយាមចូលរួមចំណែកដោះស្រាយបញ្ហាមីយ៉ាន់ម៉ា ក្នុងខណៈពេលដែលសម្តេចធ្វើជាប្រធានអាស៊ាន។
សម្តេចតេជោ ក៏បានស្នើជាថ្មីម្តងទៀតឱ្យ ឯកឧត្តម មីន អោងឡាំង ពិចារណារៀបចំឱ្យមានជំនួបតាមប្រព័ន្ធវីដេអូរវាង សម្តេចតេជោ និងលោកជំទាវ អោង សានស៊ូជី ក្នុងគោលបំណងសួរសុខទុក្ខ ដោយសារ សម្តេចតេជោ និងលោកស្រីធ្លាប់ជាសហការីជាមួយគ្នាជាច្រើនឆ្នាំនៅក្នុងកិច្ចការអាស៊ាន ។សម្តេចតេជោ ក៏បានគូសបញ្ជាក់ពីសារៈសំខាន់នៃការអនុវត្តកិច្ចព្រមព្រៀងឯកច្ឆន្ទប្រាំចំនុច ហើយរំពឹងថាការរីកចម្រើននេះនឹងចូលរួមចំណែកដល់ដំណើរការស្វែងរកសន្តិភាពដែលមានមីយ៉ាន់ម៉ាខ្លួនឯងជាអ្នដឹកនាំ និងជាម្ចាស់។
សម្តេចតេជោ ក៏បានស្វាគមន៍ការសម្រេចចិត្តរបស់ក្រុមប្រឹក្សារដ្ឋបាលរដ្ឋ ដែលបានបញ្ជូនតំណាងមិននយោបាយឱ្យចូលរួមក្នុងកិច្ចប្រជុំចង្អៀតរបស់រដ្ឋមន្ត្រីការបរទេសកាលពីខែមករា និងលើកទឹកចិត្តឱ្យមីយ៉ាន់ម៉ាបន្តចាត់តំណាងចូលរួមក្នុងកិច្ចប្រជុំសំខាន់ៗរបស់អាស៊ាន។លោក មីន អោងឡាំង បានឯកភាពក្នុងការបន្តបញ្ជូនតំណាងមិននយោបាយរបស់ខ្លួនចូលរួមក្នុងកិច្ចប្រជុំអាស៊ាន និងបានសន្យាថានឹងយកសំណើដទៃទៀតទៅពិចារណាដោយយកចិត្តទុកដាក់ខ្ពស់បំផុត ហើយនឹងបញ្ជូនប្រេសិតពិសេសរបស់ខ្លួនមកកាន់កម្ពុជានាពេលដ៏ឆាប់ខាងមុខ ដើម្បីបន្តពិភាក្សាទៅលើសំណើទាំងនេះ និងដើម្បីទទួលយកនូវការចែករំលែកបទពិសោធន៍ល្អៗពីគណៈកម្មជាតិរៀបចំការបោះឆ្នោតរបស់កម្ពុជា ពាក់ព័ន្ធជាមួយនឹងការរៀបចំការបោះឆ្នោតមួយដែលសេរី យុត្តិធម៍ និងមានតម្លាភាព ។
សូបញ្ជាក់ថាកាល នៅក្នុងអំឡុងកម្ពុជាធ្វើជាប្រធានអាស៊ានឆ្នាំ២០២២ ជម្លោះនយោបាយនៅភូមាជាប្រធានបទក្តៅមួយដែលមិនទាន់អាចរកច្រកចេញបាន។ ក្រុមមេដឹកនាំយោធាភូមាត្រូវអាស៊ានវាយតម្លៃថាមិនមានឆន្ទៈក្នុងការគោរពឲ្យបានប្រសើរនូវគោលការណ៍ជាឯកច្ឆន្ទ ៥ចំណុចរបស់អាស៊ាន។កាលនោះមេដឹកនាំភូមាត្រូវបានគេមើលឃើញបានបំបាក់មុខសម្តេចហ៊ុនសែនដែលហោះទៅក្រុងណៃពីដោដើម្បីចរចារជាំមយយលោកមីនអ៊ុងឡាំងដើម្បីអនុវត្តន៍គោលគារ៥ចំណុចរបស់អាស៊ាន។
មេដឹកនាំប្រជាធិបតេយ្យភូមាលោកស្រី អ៊ុង សានស៊ូជី ត្រូវបានរបបយោធាឃុំខ្លួនចាប់តាំងពីរដ្ឋប្រហារកាលពីខែកុម្ភៈ ឆ្នាំ២០២១។ ជ័យលាភីរង្វាន់ណូបែលសន្តិភាពរូបនេះ ត្រូវបានក្រុមយោធាចោទប្រកាន់ និងផ្តន្ទាទោសឲ្យជាប់ពន្ធនាគារចុងក្រោយនេះរហូតជាង២០ឆ្នាំ ក្រោមបទល្មើសផ្សេងៗគ្នាជាច្រើន។ការធ្វើរដ្ឋប្រហារដណ្តើមយកអំណាចពីរដ្ឋាភិបាល្រជាធិបតេយ្យភូមាបានបង្កឲ្យប្រទេសនេះធ្លាក់ចូលក្នុងសង្គ្រាម។សព្វថ្ងៃនេះទព័រដ្ឋាភិបាលយោធារបស់លោកមីនអុងឡាំងជួបការបរាជ័យជាបន្តបន្ទាប់ទើបធ្វើឲ្យលោកមីនអុងឡាំងបន្ទន់ឥរិយាបទបាន៕
