វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6191 នាក់
ម្សិលមិញ 5378 នាក់
សរុប 14085484 នាក់
រាជធានីភ្នំពេញ ៖ លោក កឹម សុខា អតីតប្រធានគណបក្សសង្គ្រោះជាតិដែលដេករង់ចាំការកាត់ទោសរឿងក្បត់ជាតិដោយសារគុបគឹតជាមួយជនបរទេសបានប្រកាសលក់ផ្ទះរបស់ខ្លួនកំពុងរស់នៅបច្ចុប្បន្នតាមរយៈភ្នាក់ងារអចលនទ្រព្យមួយក្នុងតម្លៃជាង២លានដុល្លារ ។ លោក កឹម សុខា បានឲ្យភ្នាក់ងារអចលនទ្រព្យមានឈ្មោះថា Century 21Advanced Property for Saleប្រកាសដាក់លក់ផ្ទះលោកកំពុងរស់នៅស្ថិតក្នុងខណ្ឌទួលគោក រាជធានីភ្នំពេញ ដោយតម្លៃជាង២លានដុល្លារអាមេរិក ។
ប្រភពបានឲ្យដឹងថា តម្លៃដែលដាក់លក់អាចតថ្លៃគ្នាបាន ហើយបូកសរុបការធ្វើប្លង់រឹងជូមអតិថិជន ។ ក្រៅពីនេះអតិថិជនអាចធ្វើការបង់រំលស់តាមធនធានគារ ក្នុងរយៈពេល២០ឆ្នាំ ដោយតម្រូវឲ្យបង់៣០ភាគរយនៃតម្លៃផ្ទះជាមុន ។ទាក់ទងនិងការប្រកាសលក់ផ្ទះនេះលោក មុត ចន្ទថា មនុស្សជំនិតលោកកឹម សុខា មិនបានប្រាប់ព័ត៌មានពីករណីលក់ផ្ទះនេះទេដោយលោកថា រឿងនេះលោកបានទទួលដំណឹងទេ ហើយជារឿងបុគ្គល ។លោកបានឲ្យសួរទៅមេធាវីលោកកឹម សុខា ។
ដោយឡែកករណីយ៍នេះសម្រាប់កណីយ៍នេះលោកជិនម៉ាលីនរដ្ឋលេខាធិការនិងជាអ្នកនាំពាក្យក្រសួងយុត្តិធម៍ថាលោក កឹម សុខា បើចង់លក់ដូរផ្ទះហើយផ្លាស់ប្ដូរទីលំនៅត្រូវតែជូនដំណឹងទៅតុលាការ។ “ការប្ដូរទីលំនៅទាល់តែរាយការណ៍ទៅតុលាការ ប៉ុន្តែប្រហែលជាគាត់រាយការណ៍ទៅតុលាការរួចហើយ ឥឡូវនេះគេហាមតែពីរទេ គឺធ្វើនយោបាយ និងចេញទៅក្រៅប្រទេស អញ្ចឹងការផ្លាស់ប្ដូរទីលំនៅ ទាល់តែរាយការណ៍ទៅសមត្ថកិច្ច ទៅតុលាការ ប្រហែលជាគាត់បានរាយការណ៍ទៅសមត្ថកិច្ចអស់ហើយមើលទៅ”។