អង់គ្លេសរឹបអូសមាសរបស់លោកម៉ាឌូរ៉ូ មានតម្លៃ ១២០០លានដុលា្លរតាមសំណើអាមេរិក
10-April-2024 / ព័ត៌មានអន្តរជាតិ
អង់គ្លេស៖រដ្ឋាភិបាលនៃប្រទេសអង់គ្លេសបាន រឹបអូសមាសរបស់លោក ម៉ាឌូរ៉ូ ដែលតំកល់នៅក្នុងធនាគារមួយនៃប្រទេសអង់គ្លេស មានតម្លៃ ១២០០លានដុល្លារ ដើម្បីទុកយកមកឱ្យមេដឹកនាំបក្សប្រឆាំងលោកជូន ហ្កៃដូ ដែលសហរដ្ឋអាមេរិក និងសហគមន៍អន្តរជាតិទទួលស្គាល់ថា ជាប្រធានាធិបតីស្របច្បាប់នៃប្រទេសវេណេហ្សុយអេឡា ។
សារព័ត៌មានអាមេរិក Bloomberg ដែលបានចុះផ្សាយនៅថ្ងៃទី២៦មករាបានឲ្យដឹងថា៖វិធានការរឹបអូសមាសដោយរដ្ឋាភិបាលនៃចក្រភពអង់គ្លេសគឺ ធ្វើឡើងតាមសំណើររបស់រដ្ឋមន្ត្រីការបរទេសអាមេរិកម៉ៃប៉ុមពីអូ( Mike Pumpeo )ដែលបានធ្វើឡើងកាលពីថ្ងៃទី២៥មករា ។ អង់គ្លេសសម្រេចបង្កកទ្រព្យសម្បត្តិរបស់លោក ម៉ាឌូរ៉ូ នេះគឺធ្វើឡើងភ្លាមៗបន្ទាប់ពីលោក ម៉ាឌូរ៉ូ បានបញ្ជូនសំណើរសុំដកមាសតម្លៃ ១២០០លានដុល្លារនេះ ទៅប្រទេសវេណេហ្សុយអេឡាវិញជាបន្តបន្ទាប់តាំងពីខែវិច្ឆិកាឆ្នាំ២០១៨ ។
រដ្ឋាភិបាលរបស់លោក ឌូណាល់ត្រាំ បានកំពុងតែចាត់វិធានការរកអន្តរាគមន៍ពីប្រទេសផ្សេងៗទៀត នៅទូទាំងពិភពលោកដែលជាសម្ព័ន្ធមិត្តរបស់សហរដ្ឋអាមេរិក ដើម្បីតាមដានមើលប្រាក់របស់លោក ម៉ាឌូរ៉ូ ដែលសង្ស័យថាមាននៅធនាគារនៅជុំវិញពិភពលោក ប្រមាណជា៨ពាន់លានដុល្លារសហរដ្ឋអាមេរិកជាពិសេសកំពុងតែតាមដានមើលធនាគារមួយចំនួនដែលពាក់ព័ន្ធនឹងប្រទេសតួកគី ។
គួររំលឹកថាប្រទេសវេណេហ្សុយអេឡានៅពេលនេះស្ថិតនៅក្នុងស្ថានភាពគ្រោះថ្នាក់យ៉ាងខ្លាំង ដោយសារតែប្រជាជនរបស់ប្រទេសនេះ បានកំពុងតែធ្វើបាតុកម្មទម្លាក់ប្រធានាធិបតី គឺលោក ម៉ាឌូរ៉ូពីដំណែង តាមការអំពាវនាវរបស់មេដឹកនាំថ្មីមកពីគណបក្សប្រឆាំងគឺលោក ជូនហ្កៃដូ ដែលគាំទ្រដោយសហរដ្ឋអាមេរិក និងសហគមន៍អន្តរជាតិមួយចំនួនទៀត ដូចជាប្រទេសអង់គ្លេស បារាំង កាណាដាជាដើម ។
ទោះជាយ៉ាងណា លោក ម៉ាឌូរ៉ូ កំពុងទទួលបានការគាំទ្រពីប្រទេសរុស្ស៊ី ចិន តួកគី គុយបា និងប្រទេសសម្ព័ន្ធមិត្តរបស់ខ្លួនដូចជាប្រទេសម៉ិចស៊ិកគុយបាអ៊ីរ៉ង់ជាដើម ។ក្នុងនោះមានពតិមានខ្លះថាលោកម៉ាល់ឌូរ៉ូអាចមានកិច្ចព្រមព្រៀងយោធាជាមួយរស្ស៊ីជាសំងាត់ដេលក្នុងរុស្ស៊ីនឹងបញ្ជូនយោធាមួយក្រុមមកប្រទេសវ៉េណេហ្សុអេឡាទៀតផងតែគេមិនទាន់ដឹងថាមកក្នុងតួនាទីអ្វីនោះទេ។ចឹងហើយបានជារុស្ស៊ីឡើងសម្លេងការពារលោកម៉ាល់ឌូរ៉ូ។
ប្រទេសវេណេហ្សូអេឡា ជាប្រទេសផលិតប្រេងដ៏ធំមួយនៅលើពិភពលោក បន្ទាប់ពីអារ៉ាប៊ីសាវអូឌិតអេរ៉ង់ និងអ៊ីរ៉ាក់ ។ ប្រទេសនេះ មានប្រេង ឆៅរហូតដល់ទៅជាង ៣០០ពាន់លានធុង។
តែបានធ្លាក់ចំនួននៃបរិមាណផលិតប្រេង ដល់ជិត៥០ភាគរយ ចាប់តាំងពីមានវិបត្តិនយោបាយនៅចុងឆ្នាំ២០១៦នាំអោយ សេដ្ឋកិច្ចទាំងមូលរបស់ប្រទេសនេះ ធ្លាក់ក្នុងវិបត្តិសេដ្ឋកិច្ច។
រដ្ឋាភិបាលលោកដូណាល់ ត្រាំ បានប្រកាស ថានឹងដាក់ទណ្ឌកម្មសេដ្ឋកិច្ច លើរដ្ឋាភិបាលលោកនីកូឡា ម៉ាឌូរ៉ូ។ គួរបញ្ជាក់ថា ក្នុងមួយថ្ងៃ វ៉េណេស៊ុយអេឡា លក់ប្រេងទៅឲ្យអាមេរិក ប្រមាណជាង៥សែនធុងបារីល។ ដូច្នេះការដាក់ ទណ្ឌកម្មនេះ អាចធ្វើឲ្យក្រុមហ៊ុនរដ្ឋវ៉េណេស៊ុយអេឡា ដែលស្ថិតក្នុងដៃបក្សពួកលោកម៉ាឌូរ៉ូ និងកងទ័ព រងការលំបាកខ្លាំង។ វ៉េណេស៊ុយអេឡា ជំពាក់បំណុលចិន២ម៉ឺនលានដុល្លារ ហើយត្រូវបញ្ជូនប្រេង ឲ្យចិន មួយថ្ងៃជាង៣សែនធុង។ វ៉េណេស៊ុយអេឡា ក៏ជំពាក់លុយរុស្ស៊ី ប្រមាណជាង១ម៉ឺនលានដុល្លារដែរ។ ចឹងហើយបានជា រដ្ឋាភិបាលលោកម៉ាឌូរ៉ូ ទទួលបានការការការពារទាំងស្រុង ពីសំណាក់ រុស្ស៊ី និងចិន។
ដោយឡែកឥណ្ឌា ជាប្រទេសនាំប្រេងពីវេណេហ្សូអេឡា ធំទី៤ ដែលមួយថ្ងៃប្រទេសនេះបានតម្រូវអោយវេណេហ្សូអេឡា បញ្ចេញប្រេងមកអោយ ២សែន ៨ម៉ឺនធុងក្នុងមួយថ្ងៃ។ តែមកដល់ពេលនេះ បរិមាណនៃការផលិតប្រេងសម្រាប់ឥណ្ឌាបានធ្លាក់ចុះ២១ភាគរយ។
ព្រឹទ្ធសភាអាមេរិកMarco Robio និយាយប្រាបកាសែតFoxថា ទាំងចិននិងរុស្ស៊ីដែលជាម្ចាស់បំណុលនៃរបបម៉ាឌូរ៉ូ កំពុងបារម្ភពីការធ្លាក់ពីអំណាចរបស់ លោកម៉ាឌូរ៉ូ។
