មានមនុស្សមកបំពានចាក់ដីលុបទំនប់មេទឹកឃុំតាសាលស្រុកឱរ៉ាល់ខេត្តកំពង់ស្ពឺយកធ្វើកម្មសិទ្ធអាជ្ញាធរប៉ក់ល្វើយ

ប្រធា នាធិបតី បារាំងសន្យានឹងជួយសម្រួលផ្ដល់ឯកសារផ្សេងៗដល់កម្ពុជា-ថៃ សម្រាប់ដំណើរការទៅកាន់តុលាការយុតិ្តធម៌អន្តរជាតិ ICJ?

ការចរចាពន្ធបដិការ កម្ពុជា-អាមេរិក បានត្រឹមឯកភាពលើបញ្ញត្តិជាច្រើនមិនទាន់បានផលអីទេ

កម្ពុជាវៀតណាមព្រមព្រៀងគ្នាយកពន្ធសូន្យលើ់មុខទំនិញ២៨មុខ!

អភិបាលរងស្រុកជុំគិរី ទៅរៀបការប្រពន្ធថ្មី ខណៈមិនទាន់លែងលះដាច់

នគរបាលខេត្តព្រះសីហនុ ឃាត់ឡាន Raptor ដែលមានប្រវត្តិស្មុកស្មាញ បានហើយ !

ច្រកទ្វារព្រំដែន ប៉ែកខាងកើត ( កម្ពុជា-វៀតណាម ) ប្រជា ពលរដ្ឋខ្មែរសប្បាយនឹងការលេងល្បែងសុីសងជល់មាន់យ៉ាងគគ្រឹកគគ្រេងក្នុងកាសុីណូ Casino Hotel Hero 777 ឯ ច្រកទ្វារព្រំដែនប៉ែកខាងលិច ( កម្ពុជា- ថៃ )ប្រជាពលរដ្ឋ ភ័យព្រួយនឹងការផ្ទុះអាវុធបាញ់ប្រយុទ្ធគ្នារវាងកងទ័ពថៃ និង កងទ័ពខ្មែរ

ជាច្រើនទៀត

ចំនួនអ្នកទស្សនា

ថ្ងៃនេះ 396 នាក់

ម្សិលមិញ 9098 នាក់

សរុប 17065939 នាក់

អ្នកលក់សត្វព្រៃក្នុងភូមិអូរសណ្តាន់ តាមផ្លូវជាតិលេខ៥ យកសត្វឆ្មាស្រុកបន្លំលក់ថាជាសត្វខ្លាត្រី

30-May-2025 / សេដ្ឋកិច្ច

កំពង់ឆ្នាំង៖ជាយូរឆ្នាំមកហើយនៅតាមបណ្តោយផ្លូវជាតិលេខ៥ចំណុចភូមិអូរសណ្តាន់ ឃុំទឹកហូតស្រុករលាប្អៀរ គេសង្កេតឃើញអ្នកស្រុកដាក់តាំងលក់សត្វព្រៃយ៉ាងណាធិបតេយ្យមិនខ្លាចសមត្ថកិច្ចឡើយ ។ animal chnang1

គេសង្កេតឃើញមានដូចជា សត្វលលក កុក ក្រួច មាន់ទឹក សត្វទោម សត្វពស់ និងសត្វពស់ជាដើម ចំណែកសត្វខ្លាត្រី ដែលអ្នកលក់បានប្រាប់នោះ ការពិតជាសត្វសត្វឆ្មា បន្លំភូតភរអ្នកទិញថាជាសត្វខ្លាត្រី ។

ពួកគេបាលយកសត្វក្រួចបន្លំថាសត្វលលកឬដុងដោលហើយយកសត្វឆ្មាស្រុកកោសរោមលក់បន្លំថាជាសត្វខ្លាត្រី។ រឿងនេះគួរតែសមត្ថកិច្ច និងអាជ្ញាធរ ពាក់ចាត់វិធានការទប់ស្កាត់ នឹងបើនៅតែមានបែបនេះ ពិតខូចឈ្មោះអ្នកកំពង់ឆ្នាំងអស់ហើយ លក់ឆ្មាថាខ្លាត្រី ឯអ្នកនៅទីក្រុងមិនដឹងចេះតែឆ្ងាញ់ទៅ ពេលអ្នកខ្លះដឹងពិតជាក្អួតលែងចេញ ហួសចិត្ត។

គេគួតែឆ្ងល់ថា ទៅរកសត្វខ្លាត្រីឯណាបានក្នុង១ថ្ងៃៗមានជាង១០ក្បាល និង១ឆ្នាំ៣៦៥ថ្ងៃមានរហូតរាល់ថ្ងៃនោះ គឺឆ្មានៅតាមវត្តក្នុងស្រុករលាប្អៀរក៏ពាយអស់ទៅហើយ។ជាក់ស្តែងនៅក្នុងអខោនហ្វេសប៊ុក(facebooks) មួយបានសរសេរថាៈ ខ្ញុំបានឈប់រថយន្ត ឃើញសត្វជើង៤ជាច្រើនក្បាលត្រូវបានគេកោសរោមចេញអស់ដាក់តាំងលក់ ពេលសួរអ្នកលក់គេប្រាប់ថាសត្វខ្លាត្រី <{}>ប៉ុន្តែខ្ញុំមិនទាន់បានតថ្លៃទិញទេ ព្រោះឈឺបត់ជើងតូចក៍បានដើរទៅក្រោយផ្ទះអ្នកលក់ ក៏ស្រាប់តែបានឃើញសត្វឆ្មាស្រុកជាច្រើនក្បាលត្រូវគេសម្លាប់ដាក់ចោលនៅលើដី ។

ពេលនោះទើបខ្ញុំដឹងថា សត្វខ្លាត្រីដែលអ្នកលក់បានប្រាប់នោះ គឺពិតជាសត្វឆ្មាស្រុកនេះឯង ពិតជាហួសចិត្តមិនគួរភូតភរលក់បោកប្រាស់គេដូច្នេះឡើយ។
ទាក់ទងនិងនេះ លោក សោម វឺន អភិបាលស្រុករលាប្អៀរ ល្ងាចថ្ងៃទី២៣ ខែមករា នេះនិយាយអោយដឹងថាៈ លោកបានដឹងរឿងនេះហើយ ចំណែកការដាក់លក់បែបនេះ គឺមិនសមទាល់តែសោះ ខូចឈ្មោះ ស្រុកខេត្តយើងអស់ ។

លោកបានបន្តថា ដោយឡែកកាលពីព្រឹកថ្ងៃទី២២ ខែមករា នេះ មានឯកឧត្តមម្នាក់ ដែលចុះមកពិនិត្យ ការសាងសង់ស្ពាន ថ្នល់ នៅក្នុងស្រុករលាប្អៀរ ក៍បាននិយាយរឿងដាក់លក់សត្វឆ្មាបន្លំថាជាខ្លាត្រីដែរ ។ មិនត្រឹមតែប៉ុណ្ណឹង មានខ្លះយកកូនឆ្កែ បន្លំជាសត្វនេះ សត្វនោះលក់បោកប្រាស់អោយអ្នកទិញទៀតផង ។ ជុំវិញរឿងនេះលោកនឹងសហការជាមួយមន្ត្រីជំនាញ កោះហៅអ្នកលក់សត្វព្រៃម្តុំនេះមកប្រជុំអប់រំ ដើម្បីលប់បំបាត់ មិនអោយដាក់លក់ដូចនេះទៀតឡើយ ។ លោកអភិបាលស្រុកសំណូមពរផងដែរដល់បងប្អូនអ្នកដំណើរសូមកុំទិញសត្វខ្លាត្រី នៅម្តុំនេះដែលការពិតគឺជាសត្វឆ្មាស្រុកទេ ៕ animal chnang