មីយ៉ាន់ម៉ា បិទការនាំចូលទំនិញថៃ ធ្វើឱ្យចលាចលនៅច្រកព្រំដែន?

មីយ៉ានម៉ា៖ស្ថានភាពនៅច្រកព្រំដែនថៃ-មីយ៉ាន់ម៉ា ប្រែជាចលាចលមួយរំពេច បន្ទាប់ពីភាគីមីយ៉ាន់ម៉ា ប្រកាសហាមឃាត់នាំចូលទំនិញ របស់ថៃ ក្រោយរកឃើញថា ទំនិញទាំងនោះខូចគុណភាព មិនត្រូវតាមស្តង់ដារ។ 

តាមការផ្សាយរបស់ Amarin TV រឿងនេះកើតឡើង កាលពីថ្ងៃចន្ទ ទី២១ ខែកញ្ញា ឆ្នាំ២០២៦ នៅឯច្រកព្រំដែន Mae Sai-Tachilek បង្កភាពវឹកវរ ធ្វើឱ្យទំនិញ និងអាជីវករ ជាប់កកកុញនៅលើស្ពានទី១ ដែលឆ្លងទន្លេ Sai ពីខាងមីយ៉ាន់ម៉ា ទៅខេត្ត Chiang Rai នៃប្រទេសថៃ។

អាជ្ញាធរមីយ៉ាន់ម៉ា បញ្ជាក់ថា ខ្លួនផ្អាកនាំចូលទំនិញពីខាងថៃសិន ព្រោះរកឃើញថា មានទំនិញខ្លះ ខូចគុណភាព ជាពិសេសទំនិញក្លាស្សេតែម្តង ដែលធ្វើឱ្យប៉ះពាល់ដល់សុខភាព អ្នកប្រើប្រាស់។

នៅព្រំដែនតាជីលឹក (Tachileik) ប្រទេសមីយ៉ាន់ម៉ា_ឈៀងរ៉ៃ ប្រទេសអាជ្ញាធរមីយ៉ាន់ម៉ាបានរឹបអូសសាច់បង្កក និងផលិតផលកសិកម្មដែលនាំចូលពីប្រទេសថៃ សរុបជាង ១២,៧ តោន ពីរថយន្តប្រមាណ ២៥គ្រឿង នៅស្ពានមិត្តភាពថៃ-មីយ៉ាន់ម៉ា កាលពីថ្ងៃទី១៥ ខែកញ្ញា ឆ្នាំ២០២៦។

បញ្ហាដែលគួរឱ្យចាប់អារម្មណ៍ មិនមែនមានត្រឹមតែថា «តើមានទំនិញថៃប៉ុន្មានតោនត្រូវបានរឹបអូស?» នោះទេ ប៉ុន្តែគឺ «តើហេតុអ្វីបានជាច្រកពាណិជ្ជកម្មដ៏សំខាន់មួយ ដែលដំណើរការអស់ជិត ៤០ឆ្នាំ ត្រូវបានបិទនៅពេលនេះ?» ។

ចំណាត់ការរបស់មីយ៉ាន់ម៉ា ធ្វើឱ្យទំនិញថៃ ត្រូវកកស្ទះពេញទឹកពេញដី ខណៈអាជីវករ គាំងចិត្តរកនឹកអ្វីមិនឃើញ រួចក៏ឆោឡោ មិនដឹងថាយកទំនិញរបស់ខ្លួនទៅទីណា។

មិនត្រឹមប៉ុណ្ណឹង អាជ្ញាធរក្រុង Tachilek ក៏ដាក់បម្រាមលក់ស្រា ភេសជ្ជៈ និងទំនិញ ដែលនាំចូលពីថៃ ផងដែរ ដោយព្រមានថា អ្នកល្មើស នឹងត្រូវប្រឈមការពិន័យជាប្រាក់ យ៉ាងធ្ងន់ធ្ងរ ជាហេតុបង្ខំឱ្យអ្នកលក់ ត្រូវផ្អាកនាំចូលគ្រឿងទាំងនេះ ពីខាងថៃសិន។មិនមានការបញ្ជាក់ច្បាស់ឡើយពីខាងមីយ៉ាន់ម៉ា ថា តើពេលណាទើបខ្លួន ព្រមបើកទទួលយកទំនិញថៃ វិញ?។ប្រភព៖ Amarin TV