វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9136 នាក់
ម្សិលមិញ 8227 នាក់
សរុប 14136017 នាក់
ប្រធានាធិបតីបារាំង ត្រូវអញ្ជើញទៅអាល្លឺម៉ង់ ដើម្បីចូលរួមក្នុងពិធីគោរពវិញ្ញាណក្ខន្ធដល់ជនរងគ្រោះសង្គ្រាមបន្ទាប់ពី ការប្រារព្ធខួប១០០ឆ្នាំនៃការបិទបញ្ចប់សង្គ្រាមលោកលើកទីមួយកាលពី ថ្ងៃទី ១១ វិច្ឆិកា នៅប្រទេសបារាំងដោយមានវត្តមានលោកប្រធានាថិបតីអាមេរិកដូណាល់ត្រាំចាំរិះគន់បារាំងផងដែរ ។
វត្តមានលោកម៉ាក្រុងប្រធានាធិបតីបារាំង នៅទីក្រុងប៊ែរឡាំង ដើម្បីបង្ហាញអំពីសាមគ្គីភាព រវាងបារាំងនិងអាល្លឺម៉ង់ ក្នុងពេលមានសន្ទុះជាតិនិយមអាមេរិកបង្កការព្រួយបារម្ភដល់អឺរ៉ុប។
លោកប្រធានាធិបតីបារាំង ម៉ាក្រុង នឹងជួប ជាមួយប្រធានាធិបតីអាល្លឺម៉ង់លោក Frank-Walter Steinmeier ។ បន្ទាប់មក ត្រូវឡើងថ្លែងសុន្ទរកថាកាន់សភាអាល្លឺម៉ង់ នៅវេលាម៉ោង១២កន្លះ ម៉ោងសាកល។
នៅចំពោះមុខសភាអាល្លឺម៉ង់ជាលើកទីមួយគិតចាប់តាំងពីឆ្នាំ២០០០មក ប្រធានាធិបតីបារាំង លោកប្រធានាធិបតីបារាំងទំនងជានឹងឆ្លៀតលើកឡើងជាថ្មីអំពីគម្រោងចង់បង្កើតកងយោធាអឺរ៉ុបរួម ដែលលោកស្រីអធិការបតីមែរខែល បានសម្តែងការគាំទ្ររួចហើយ បើទោះបីជាលោកដូណាល់ ត្រាំ ប្រធានាធិបតីអាមេរិកស្រែកប្រឆាំង ក៏ដោយ។
លោក ម៉ាក្រុង និងលោកស្រី មែខែលល ត្រូវពិភាក្សាគ្នារកមធ្យោបាយស្ថាបនាអឺរ៉ុបឱ្យមានសន្ទុះឡើងវិញ។ ទាំងពីរប្រទេស បានព្រមព្រៀងគ្នា និងផ្តល់សំណើទៅអឺរ៉ុប នៅថ្ងៃស្អែក គម្រោងថវិកាតំបន់អឺរ៉ូ ដែលលោកម៉ាក្រុងគាំទ្រយ៉ាងខ្លាំង។
តែទោះបី ប្រធានាធិបតីបារាំង និងប្រមុខរដ្ឋាភិបាលអាល្លឺម៉ង់បានបង្ហាញកាយវិការងាកស្និទ្ធរកគ្នាជាច្រើនក៏ដោយវានៅមានការខ្វែងគំនិតគ្នានៅឡើយ។ អាល្លឺម៉ង់ មិនទាន់ឯកភាពជាមួយបារាំង លើខ្លឹមសារស៊ីជម្រៅនៃសំណុំរឿងជាច្រើន ដូចជា គម្រោងធ្វើកំណែទម្រង់សហភាពអឺរ៉ុប ការបង្កើតវិស័យយោធាអឺរ៉ុប កំណែទម្រង់តំបន់អឺរ៉ូ ឬការយកពន្ធលើក្រុមហ៊ុនព័ត៌មានវិទ្យាអាមេរិក (Google Apple Facebook Amazon)៕