លោក ហាស់ វិបុល ប្រធានមន្ទីរបរិស្ថានខេត្តមណ្ឌលគិរី ត្រូវកូនចៅប្តឹងហើយធ្លាប់ចៅហ្វាយខេត្តស្នើដក!

ដីចំណីផ្លូវសាធារណ:នៅតាមដងផ្លូវទៅច្រកទ្វារព្រំដែនអន្តរជាតិអូរស្មាច់ត្រូវបានគេរំលោភបំពានយកធ្វើសំណង់អគារតូបលក់ដូរឯកជន ស្រេចចិត្ត ?

រដ្ឋាភិបាលសម្រេចឱ្យក្រសួងការពារជាតិ ជ្រើសរើស«ពលទាហានថ្មី ចំនួន៣០០នាក់»

ស្ងាត់ៗឈ្មួញចាក់ដីលុបទន្លេសាបចូលជ្រៅ៧០ម៉ែត្រ អាជ្ញាធរខេត្ត និងមន្ទីរធនធានទឹក ទើបដឹង!

អតីតនាយករដ្ឋមន្ត្រីរដ្ឋាភិបាលជជុះលោក សម សេរី វិលត្រឡប់ចូលស្រុកវិញរកលាភសក្កាៈ

ក្រសួងបរិស្ថាន ប្រកាសថ្កោលទោស និងស្នើឱ្យមានកិច្ចសហការតាមចាប់ព្រានព្រៃដែលបាញ់មន្ត្រីឧទ្យានុរក្ស័ស្រែពក(មានវីដេអូ)

បញ្ជូនប្រពន្ធនគរបាលនិងគ្នីគ្នា៤នាក់ទៀតទៅតុលាការករណីយ៍ជួញគ្រឿងញៀន

ជាច្រើនទៀត

ចំនួនអ្នកទស្សនា

ថ្ងៃនេះ 178 នាក់

ម្សិលមិញ 8656 នាក់

សរុប 16620892 នាក់

ប្រទេសអាល្លឺម៉ង់បញ្ចប់ការបោះឆ្នោតតែលទ្ធផលនឹងអូសបន្លាយក្នុងការបង្កើតរដ្ឋាភិបាលថ្មី!

06-April-2025 / ព័ត៌មានអន្តរជាតិ

ប្រទេសអាល្លឺម៉ង់៖ លទ្ធផលផ្លូវការនៃការបោះឆ្នោតសកល នៅប្រទេសអាល្លឺម៉ង់ បានបង្ហាញឲ្យឃើញថា គណបក្សសង្គមប្រជាធិបតេយ្យ SPD គឺជាអ្នកដែលទទួលបានអាសនៈច្រើនជាងគេ។ សារព័ត៌មាន CNN នៅថ្ងៃចន្ទ ទី២៧ ខែកញ្ញា ឆ្នាំ២០២១បានឲ្យដឹងថា៖តាមសេចក្តីប្រកាសរបស់ អាជ្ញាធរត្រួតពិនិត្យការបោះឆ្នោតរបស់អាល្លឺម៉ង់ គណបក្ស SPD ទទួលបានជ័យជម្នះប្រផិតប្រផើយតែប៉ុណ្ណោះ លើគណបក្សអភិរក្សនិយម CDU/CSU របស់អធិការបតីអាល្លឺម៉ង់ចាំផ្ទះ លោកស្រី អាន់ជែឡា មើគែល (Angela Merkel) ក្នុងការបោះឆ្នោតដែលបានប្រព្រឹត្តទៅកាលពីថ្ងៃអាទិត្យ ទី២៦ ខែកញ្ញា ឆ្នាំ២០២១។ a alemahn3

ក្នុងនោះ គណបក្ស SPD ឈ្នះបានសំឡេងគាំទ្រ២៥.៧ភាគរយ បន្ទាប់មកគណបក្ស CDU/CSU របស់លោកស្រីអង់ហ្កេឡា មែរកិលទទួលបាន ២៤.១ភាគរយ ខណៈគណបក្សបៃតង ទទួលបាន១៤.៨ភាគរយបន្ទាប់មកទៀត គឺបក្សស្តាំនិយម FPD បានសំឡេងឆ្នោត ១១.៥%។សម្រាប់គណបក្សអភិរក្សនិយម CDU-CSU របស់លោកស្រី មែរកិល ដែលបានដឹកនាំរដ្ឋាភិបាលអាល្លឺម៉ង់ ប្រមាណ៣អាណត្តិមកនេះ គឺវាជាបរាជ័យធ្ងន់ណាស់ នៅលើកនេះ ព្រោះថាកន្លងមក បក្សនេះ មិនដែលបានសំឡេងឆ្នោត ក្រោម៣០%ទេ។

សម្រាប់ការបោះឆ្នោតនេះលទ្ធផល បិទបញ្ចប់សម័យកាលកាន់អំណាច ១៦ឆ្នាំរបស់លោកស្រី អាន់ជែឡា មើគែល ដែលជាមេដឹកនាំកាន់អំណាចបានយូរបំផុតមួយនៅអឺរ៉ុបសម្រេចមិនឈរឈ្មោះជាអធិការបតី ក្នុងការបោះឆ្នោតលើកនេះឡើយ។ ទោះជាយ៉ាងណាបុគ្គលដែលត្រូវឡើងធ្វើជាអធិការបតីអាល្លឺម៉ង់ថ្មី នឹងមិនទាន់អាចកំណត់ច្បាស់ទេ ទាល់តែកិច្ចព្រមព្រៀងបង្កើតក្រុមចម្រុះ ដើម្បីដឹកនាំរដ្ឋាភិបាល ត្រូវចរចាបង្កើតឡើងដែលអាចចំណាយពេលរាប់សប្តាហ៍ ឬរហូតដល់រាប់ខែ ទើបសម្រេចទៅបាន។ តួយ៉ាងបន្ទាប់ពីការឈ្នះឆ្នោតរបស់គណបក្សលោកស្រី មើគែល កាលពីខែកញ្ញា ឆ្នាំ២០១៧ ទម្រាំតែបង្កើតរដ្ឋាភិបាលបាន គឺចំណាយពេល់ទៅដល់ជាង៥ខែ។

គ្មានអ្វីមួយកំណត់ថា ទាល់តែបក្សដែលមានសំឡេងឆ្នោត ច្រើនជាងគេ បានអាចចរចាបង្កើតរដ្ឋាភិបាលបាននោះទេ។ មានន័យថា គណបក្សបានសំឡេងឆ្នោតលំដាប់ទី២ ក៏អាចទៅចរចា ជាមួយគណបក្សផ្សេងទៀត ដើម្បីបង្កើតរដ្ឋាភិបាលដែរ។ អ្វីដែលសំខាន់ គឺធ្វើយ៉ាងម៉េច ឲ្យតែបានសម្លេងភាគច្រើន ៥០% + ១ នៅក្នុងសភា Bundestag ដើម្បីអាចឈានទៅបង្កើតរដ្ឋាភិបាល។ បើយើងក្រឡេកលើលទ្ធផលសំឡេងឆ្នោត គឺគណបក្សដែលនាំមុខ លំដាប់ទី១ និងទី២ អាចទៅផ្គុំជាមួយ គណបក្សលំដាប់ទី ៣ និង ទី៤ បានដូចគ្នា ដើម្បីអាចបានសំឡេងឆ្នោតភាគច្រើន។

លោក Olaf Scholz បេក្ខជនអធិការបតី របស់គណបក្ស SPD បានអះអាងនៅព្រឹកមិញនេះ ថាគណបក្សលោកនឹងដឹកនាំ ការចរចាជាមួយគណបក្សពីរទៀត គឺគណបក្សបៃតង បរិស្ថាននិយម និងបក្សស្តាំនិយម FPD ដើម្បីបង្កើតរដ្ឋាភិបាលចម្រុះ។ លោកអះអាងថា ប្រជាជនអាល្លឺម៉ង់ បានបោះឆ្នោតជូនបក្សលោក ច្រើនជាងគេ ដូច្នេះគឺគណបក្សលោក ដែលនឹងគួរតែដឹកនាំរដ្ឋាភិបាលថ្មី។

លោក Armin Laschet បេក្ខជនអធិការបតី របស់គណបក្សអភិរក្សនិយម CDU-CSU ដែលនៅលំដាប់ទី២នោះ ក៏បានអះអាងដែរ ថាលោកនឹងបើកការចរចា ជាមួយគណបក្ស២ទៀត ដើម្បីបង្កើតរដ្ឋាភិបាលចម្រុះ។ សម្រាប់ពេលនេះ គឺក្រសែរភ្នែកគ្រប់គ្នា កំពុងតែសម្លឹងទៅកាន់ គណបក្សបៃតង បរិស្ថាននិយម និងគណបក្សស្តាំនិយម FPD។ តើបក្សទាំង២នេះ នឹងរើសយក គណបក្សណា រវាង បក្សកណ្តាលនិយម និងបក្សអភិរក្សនិយម ដើម្បីធ្វើរដ្ឋាភិបាលចម្រុះ។ នេះជាប្រវត្តិសាស្ត្រហើយសម្រាប់នយោបាយអាល្លឺម៉ង់ ដែលរដ្ឋាភិបាលចម្រុះ នឹងត្រូវផ្គុំឡើងដល់ទៅ៣បក្ស។

មានន័យថា ការចរចាគ្នា អាចនឹងប្រើពេលយូរច្រើនខែ មុននឹងអាល្លឺម៉ង់ មានរដ្ឋាភិបាលថ្មី ដែលវានឹងធ្វើឲ្យការងារដឹកនាំប្រទេសអាល្លឺម៉ង់ ត្រូវរាំងស្ទះ។ ក៏អាចធ្វើឲ្យប៉ះពាល់ ដល់កិច្ចការដឹកនាំសហភាពអឺរ៉ុបដែរ ព្រោះថាក្នុងអំឡុងពេលមិនទាន់មានអធិការបតីថ្មី លោកស្រីអង់ហ្កេឡា មែរកិល អាចបន្តធ្វើជាអធិការបតីមែន តែលោកស្រីគ្មានសិទ្ធិសម្រេចអ្វីធំដុំទេ គឺរងចាំទុកភារកិច្ចទៅរដ្ឋាភិបាលថ្មី៕ a alemahn a alemahn1