វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5281 នាក់
ម្សិលមិញ 5378 នាក់
សរុប 14084574 នាក់
ហ្វិលីពីន៖ នៅថ្ងៃសុក្រទី៩វិច្ឆិកា តុលាការប្រឆាំងនឹងអំពើពុករលួយ របស់ប្រទេសហ្វីលីពីន បានបង្គាប់ឲ្យធ្វើការចាប់ឃាត់ខ្លួនអតីតស្ត្រីទី១ប្រទេសគឺ លោកស្រីអ៊ីម៉ែលដាម៉ាកូស( Imelda Marcos) ក្រោយពីបានរកឃើញកំហុស ចំនួន៧ករណី នៃបទល្មើសប្រព្រឹត្តអំពើពុករលួយ នៅក្នុងអំឡុងពេល២ទសវត្សរ៍កន្លងមកនេះ ពេលដែលស្វាមីរបស់លោកស្រីលោកហ្វែឌីណង់ម៉ាកូស( Ferdinand Marcos កាន់មុខតំណែង ជាប្រធានាធិបតី ។
តុលាការបានបង្គាប់ឲ្យលោកស្រីម៉ាកូស( Marcos) ជាប់ពន្ធនាគារពី៦ដល់១១ឆ្នាំ សម្រាប់បទល្មើសនីមួយៗចំនួន៧ករណី ដែលរាប់ថា ជាបទប្រព្រឹត្តអំពើពុករលួយ ។នេះបើតាមការផ្សាយរបស់ទូរទស្សន៍សិង្ហបុរី Channel News Asia។
លោកស្រីម៉ាកូស( Marcos)សព្វថ្ងៃមាន វ័យ៨៩ឆ្នាំជាសមាជិកសភាផងនោះមានហាងលក់ស្បែកជើង គ្រឿងអល័ង្កា និងសិល្បៈល្បីៗដ៏ធំមួយ ត្រូវប្រឈមមុខនឹងបទចោទប្រកាន់ជាច្រើន ពាក់ព័ន្ធនឹងអំពើពុករលួយ ដែលបានប្រព្រឹត្តនៅគ្រា ដែលក្រុមគ្រួសាររបស់គាត់ជាមេដឹកនាំកំពូល ដែលមានអំណាចយោធា នៅពីក្រោយខ្នងនៅក្នុងអំឡុងឆ្នាំ១៨៦៥ដល់ឆ្នាំ១៩៨៦ ។ក្នុងចំណោម ទោសទាំងឡាយ មានបទល្មើស៧ករណីពាក់ព័ន្ធនឹងការបញ្ជូនប្រាក់សរុប ជាង ២០០លានដុល្លារ ចូលទៅកាន់មូលនិធិ នៅក្នុងប្រទេសស៊ី្វស ពេលដែលលោកស្រីកាន់តំណែងជាអភិបាលក្រុងម៉ានីល (ឆ្នាំ១៩៧៥-១៩៨៦) ។
លោកស្រីរងការចោទប្រកាន់ពីបទបើកគណនីឈ្មោះផ្សេង នៅក្នុងប្រទេសស៊ី្វស ដើម្បីបញ្ជូនប្រាក់ចូលទៅកាន់ទីនោះ ។ គ្រួរសាររបស់លោកស្រី រងការចោទប្រកាន់ពីបទ លាក់ទ្រព្យសម្បត្តិ ដែលមានទឹកប្រាក់ជាង ៦៥៨លានដុល្លារ នៅតាមបណ្តាធនាគារ ក្នុងប្រទេសស៊ី្វស ។
ច្បាប់ចាប់ខ្លួនលោកស្រីអ៊ីម៉ែលដា( Imelda )អាចនឹងមិនត្រូវបានអនុវត្តភ្លាម ដោយសារតែលោកស្រីអាចនឹងតវ៉ា លើសេចក្តីសម្រេចរបស់តុលាការ ប្រឆាំងពុករលួយ Sadiganbayan ។ លោកស្រីអាចស្នើសុំនៅក្រៅឃុំ ។ តាមច្បាប់ លោកស្រីមានរយៈពេល ១៥ថ្ងៃ ដើម្បីប្តឹងតវ៉ានឹងសេចក្តីសម្រេចរបស់តុលាការ ហើយតុលាការមានរយៈពេល ៣០ថ្ងៃ ដើម្បីចេញសេចក្តីសម្រេចចុងក្រោយ។
លោក Ferdinand Marcos ស្វាមីរបស់លោកស្រី Imelda កាន់តំណែងប្រធានាធិបតីហ្វីលីពីន ចាប់ពីឆ្នាំ ១៩៦៥-១៩៨៦ ហើយធ្លាប់ ប្រើប្រាស់ ច្បាប់ អាជ្ញាសឹក ដើម្បីកាន់អំណាចផ្តាច់ការ ។ គ្រួរសារ និងសម្ព័ន្ធមិត្តរបស់លោក ក្លាយជាអ្នកមានដោយសារតែអំពើពុករលួយ ។ លោក និងគ្រួសាររងការចោទប្រកាន់ ធ្វើឲ្យបាត់បង់ប្រាក់ជាង ១០ពាន់លានដុល្លារ ។
លោកម៉ាកូស និងគ្រួរសារ បានភៀសខ្លួនទៅនៅអាមេរិក ក្រោយពេលរដ្ឋាភិបាលរបស់លោកត្រូវ ផ្តួលរំលំនៅឆ្នាំ ១៩៨៦ ក្រោយ២០ឆ្នាំកាន់អំណាច ហើយបានស្លាប់នៅឆ្នាំ ១៩៨៩ ពេលកំពុងភៀសខ្លួនរស់នៅកោះហាវៃអាមេរិក។ ប្រាក់រាប់រយលានដុល្លារ របស់លោកម៉ាកូសនៅក្នុងធនាគារ ប្រទេសស៊ី្វសត្រូវបានបង្កក ហើយប្រគល់មកឲ្យរដ្ឋាភិបាលថ្មីវិញ ។ ក្រៅពីនេះ ក៏បានដកហូត «វិមាន» ៣កន្លែងផ្សេងគ្នា និងគ្រឿងសង្ហារឹមមានតម្លៃជាច្រើន ។