វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4390 នាក់
ម្សិលមិញ 6359 នាក់
សរុប 14091023 នាក់
រុស្ស៊ីអ៊ុក្រែន៖ លោក វ្ល៉ាឌីមៀន ពូទីនប្រធានាធិបតីរុស្ស៉ី បានបានចាត់ទុក ហេតុការណ៍ប្រឈមមុខដាក់គ្នាយ៉ាងតានតឹងនៅឯច្រកសមុទ្រ Kerch នាពេលថ្មីៗនេះ គឺជាឆាកល្ខោនដែលរៀបចំឡើងរបស់ប្រធានាធិបតីអ៊ុក្រែន ក្នុងគោលបំណង ដើម្បីអាចប្រើច្បាប់អាជ្ញាសឹកនៅក្នុងប្រទេសអ៊ុយក្រែន។
សារព័ត៌មានរុស្ស៉ី Sputnik នៅយប់ថ្ងៃពុធ ទី២៨ ខែវិច្ឆិកា ឆ្នាំ២០១៨បានឲ្យដឹងថា៖លោក ពូទីន បាននិយាយ ថា «មានសញ្ញាយ៉ាងជាក់ច្បាស់ថា វាគឺជាការបង្កហេតុដែលមានការរៀបចំទុកជាមុន សម្រាប់យកលេសដើម្បីដាក់ចេញនូវច្បាប់អាជ្ញាសឹកនៅអ៊ុយក្រែន»។
លោក ពូទីន បានកត់សម្គាល់ថា ស្ថានការណ៍នៅច្រកសមុទ្រ Kerch គឺជាឧប្បត្តិហេតុតូចតាចមួយនៅព្រំដែនប៉ុណ្ណោះបើ ធៀបទៅនឹងបញ្ហាជម្លោះនៅភាគខាងកើតអ៊ុយក្រែន ឬក៏បញ្ហាតំបន់គ្រីមៀកាលពីឆ្នាំ២០១៤ជាដើមតែលោក Petro Poroshenko ដែលជាប្រធានាធិបតីអ៊ុយក្រែន ពុំមានការដាក់ចេញនូវច្បាប់អាជ្ញាសឹកឡើយនាពេលនោះ។លោកប្រធានាធិបតីរុស្ស៉ីបានវាយតម្លៃថា លោកប៉េត្រូប៉ូរ៉ូស្សិនកូ( Petro Poroshenko )ប្រធានាធិបតីអ៊ុយក្រែន កំពុងព្យាយាមបង្កឧបសគ្គសម្រាប់គូប្រជែងរបស់ខ្លួន ដោយសាររូបលោកមានកម្រិតប្រជាប្រិយភាពទាបខ្លាំង នៅមុនការបោះឆ្នោតដែលរំកិលជិតមកដល់។
ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មាន ឲ្យដឹងនៅថ្ងៃទី២៨ ខែវិច្ឆិកា ឆ្នាំ២០១៨ថាលោកប៉េត្រូប៉ូរ៉ូស្សិនកូ( Petro Poroshenko )បានចុះហត្ថលេខាដាក់ចេញច្បាប់អាជ្ញាសឹកនៅតាមតំបន់មួយចំនួននៅជាប់ព្រំដែនប្រទេសរុស្ស៉ីសម្រាប់រយៈពេល៣០ថ្ងៃ បន្ទាប់ពីនាវាអ៊ុយក្រែន០៣គ្រឿងរួមទាំងនាវិកជាង២០នាក់ ត្រូវបានរឹបអូសនិងចាប់ខ្លួនដោយកម្លាំងយោធារុស្ស៉ី នៅច្រកសមុទ្រ Kerch ដោយទីក្រុងម៉ូស្គូបានលើកហេតុផលថា ទូកទាំងនោះបានឆ្លងចូលព្រំដែនរបស់ខ្លួន។
លោក Petro Poroshenko ប្រធានាធិបតីអ៊ុយក្រែ បានព្រមានអំពីការគំរាមកំហែងនៃ “សង្គ្រាមទ្រង់ទ្រាយធំ” ហើយបានថ្លែងថា ប្រទេសរុស្ស៊ីបានបង្កើនវត្តមានយោធា របស់ខ្លួនលើព្រំដែនរួមរបស់ពួកគេ ខណៈដែលភាពតានតឹងកើនឡើង រវាងប្រទេសជិតខាង ដែលជាអតីតសូវៀតមួយនេះ ។នៅក្នុងបទសម្ភាសន៍ជាមួយ ទូរទស្សន៍ជាតិលោកប៉េត្រូប៉ូរ៉ូស្សិនកូថា “ខ្ញុំមិនចង់ឱ្យនរណាម្នាក់គិតថា នេះជាការសប្បាយនិងល្បែងនោះទេ។ អ៊ុយក្រែនកំពុង ស្ថិតក្រោមការគំរាមកំហែង នៃសង្គ្រាមពេញ ទំហឹងជាមួយនឹងប្រទេសរុស្ស៊ី” ។
នៅក្នុងសុន្ទរកថាមួយ ថ្លែងទៅកាន់សមាជិករដ្ឋសភានៃគណបក្សរបស់លោក បន្ទាប់ពីអ៊ុយក្រែន បានដាក់ប្រើច្បាប់អាជ្ញាសឹក ក្នុងផ្នែកខ្លះនៃប្រទេស ដើម្បីជាការឆ្លើយតបទៅនឹងទង្វើរបស់ប្រទេសរុស្ស៊ី នាពេលថ្មីៗនេះប្រធានាធិបតីតួកគី កាលពីថ្ងៃទី២៧វិច្ឆិកា បាននិយាយថា ប្រទេសរុស្ស៊ីនិងតួកគី គួរតែដោះស្រាយបញ្ហា រវាងប្រទេសទាំងពីរ តាមរយៈកិច្ចពិភាក្សាចរចាគ្នា ដោយនិយាយថា ទីក្រុងអង់ការ៉ា ចង់ឲ្យសមុទ្រខ្មៅក្លាយជាសមុទ្រសន្តិភាព ។សូមបញ្ជាក់ថានៅថ្ងៃទី២៦ខែវិច្ឆិកាក្រោយពីរុស្ស៊ីចាប់នាវាអ៊ុយក្រែនក្រុមស្នេហាជាតិជ្រុលនិយម អ៊ុយក្រែនមួយក្រុម បានគប់គ្រាប់បែក ចូលទៅស្ថានទូត រុស្ស៊ី ប្រចាំនៅទីក្រុង Kieu ប្រទេសអ៊ុយក្រែន បង្ករឲ្យភាពតានតឹងកាន់តែខ្លាំងឡើង សារព័ត៌មានរ៉យទ័របានផ្សាយថា ក្រុមជនដៃដល់បានគប់គ្រាប់បែកផ្សេង និង កាំជ្រួច ផ្កាភ្លើងចូលទៅស្ថានទូតរុស្ស៊ី ។អសបនិងប្រទេសអ៉ឺរ៉ុបមានការព្រួយបារម្ភអំ ពីស្ថានការណ៍មួយនេះ៕