វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5571 នាក់
ម្សិលមិញ 8227 នាក់
សរុប 14132452 នាក់
អាមេរិកប៉េរូ ៖ អតីតប្រធានាធិបតី ប្រទេសប៉េរូលោកអាឡិចចានដ្រូតូឡេដូ( Alejandro Toledo ) ត្រូវបានចាប់ខ្លួន កាលពីព្រឹកថ្ងៃអង្គារ នៅសហរដ្ឋអាមេរិកតាមតម្រូវការឲ្យចាប់ខ្លួន របស់តុលាការប្រទេសប៉េរូ ពីបទពុករលួយ។
ទីភ្នាក់ងារសារព័ត៌មាន ចិនស៊ិនហួ នៅថ្ងៃទី១៧ ខែកក្កដា ឆ្នាំ២០១៩បានឲ្យដឹងថា៖ការិយាល័យអគ្គមេធាវីប្រទេសប៉េរូ បានសរសេរនៅលើគណនី Twitter ផ្លូវការរបស់ខ្លួនថា អតីតប្រធានាធិបតីលោកអាឡិចចានដ្រូតូឡេដូម៉ែនរិក( Alejandro Toledo Manrique) ត្រូវបានគេចាប់ខ្លួននៅព្រឹកនេះ នៅសហរដ្ឋអាមេរិកអំពីសំណើធ្វើបត្យាប័ន (ដោយប្រទេសប៉េរូ)។ព្រះរាជអាជ្ញាបានឲ្យដឹងថា អតីប្រធានាធិបតីរូបនេះ ត្រូវបានគេនាំទៅកាន់អាជ្ញាធរ អាមេរិកក្នុងដំណើរកាធានា ដល់ការបញ្ជូនឲ្យវិលត្រឡប់មក ប្រទេសរបស់ខ្លួនវិញ។
អតីតប្រមុខរដ្ឋប្រទេសប៉េរូលោកអាឡិចចានដ្រូតូឡេដូ( Alejandro Toledo ) បានរស់នៅសហរដ្ឋអាមេរិក តាំងពីឆ្នាំ២០១៧ ត្រូវបានគេចោទប្រកាន់ពីបទឧក្រិដ្ឋផ្សេងៗ រួមទាំងទទួលយកសំណូក ពីសំណាក់ក្រុមហ៊ុនសំណង់ប្រេស៊ីល Odebrecht ជាថ្នូរនឹងកិច្ចសន្យា របស់រដ្ឋាភិបាល ដើម្បីសាងសង់ផ្លូវហាយវ៉េអន្ដរជាតិ ភ្ជាប់រវាងប្រទេសប៉េរូ និងប្រទេសប្រេស៊ីល៕