សមត្តកិច្ចថៃ ចាប់បានគ្រឿងជាបន្តបន្ទាប់រាល់ថ្ងៃ រាប់ពាន់លានគ្រាប់

ប្រទេសថៃ៖កងទ័ពជើងទឹកបានស្ទាក់ចាប់ក្រុមជួញដូរគ្រឿងញៀនអន្តរជាតិមួយ និងរឹបអូសបានថ្នាំញៀនមេតំហ្វេតាមីនចំនួន ៦ លានគ្រាប់។កងទព័ថៃបានដឹងថាមានការប៉ុនប៉ងរត់ពន្ធគ្រឿងញៀនចូលប្រទេសថៃ តាមបណ្តោយច្រាំងទន្លេមេគង្គនៅបានថៃចារ៉ុន ឃុំមឿងយ៉ៃ ស្រុកវៀងកែន ខេត្តឈៀងរ៉ៃ។

បន្ទាប់មកពួកគេបានដាក់ពង្រាយបុគ្គលិកដើម្បីត្រួតពិនិត្យតំបន់គោលដៅ។ នៅ វេលាម៉ោង ៨:៣០ យប់ មន្ត្រីកងទ័ពជើងទឹកបានរកឃើញទូកមួយគ្រឿងបើកពីច្រាំងនៃប្រទេសជិតខាង ហើយចតនៅជិតច្រាំងទន្លេមេគង្គ។ បន្ទាប់មកមាននរណាម្នាក់បានបោះអ្វីមួយនៅលើច្រាំង មុនពេលទូកបើកត្រឡប់ទៅវិញយ៉ាងលឿន។ ពេលត្រួតពិនិត្យតំបន់នោះជាមួយភ្នាក់ងារសន្តិសុខ និងរដ្ឋបាលក្នុងតំបន់ ពួកគេបានរកឃើញថង់គួរឱ្យសង្ស័យចំនួន ១៧ ដែលមានផ្ទុកថ្នាំញៀនមេតំហ្វេតាមីនប្រហែល ៦.០២៤.០០០ គ្រាប់ (ថ្នាំញៀនប្រភេទទី ១) ដែលបោះត្រាអក្សរ Y1។

ជនល្មើសបានរត់គេចខ្លួនឆ្លងកាត់ព្រំដែន។ អាជ្ញាធរបានរឹបអូសភស្តុតាងទាំងអស់ ប្រមូលសេចក្តីថ្លែងការណ៍របស់សាក្សី និងប្រគល់វត្ថុទាំងនោះទៅឱ្យមន្ត្រីស៊ើបអង្កេតនៅស្ថានីយ៍ប៉ូលីសវៀងកែន ខេត្តឈៀងរ៉ៃ ដើម្បីបន្តនីតិវិធីផ្លូវច្បាប់។

ក្រៅពីទីតាំងខាងលើនគរបាលថៃបានរកឃើញឃ្លាំងផ្ទុកគ្រឿងញៀនដ៏ធំនៅតំបន់ក្លងហ្លួង ប៉ាធុមថានី ប្រទេសថៃ ចាប់ខ្លួនពួកជួញដូរគ្រឿងញៀន1ក្រុម 5នាក់ និងរឹបអូសថ្នាំញៀនមេតំហ្វេតាមីន 8លានគ្រាប់។

បញ្ជាការដ្ឋាននគរបាលក្រុងបាងកក ពិសេសនាយកដ្ឋានស៊ើបអង្កេត នៃកងពលលេខ6 និងអង្គភាពប្រឆាំងគ្រឿងញៀន នៃកងពលលេខ6 បានពង្រីកការស៊ើបអង្កេតរបស់ពួកគេ ទៅលើបណ្តាញជួញដូរគ្រឿងញៀន ដែលបានរត់ពន្ធគ្រឿងញៀនឆ្លងព្រំដែន ហើយរក្សាទុកនៅទីតាំងលាក់ទុកគ្រឿងញៀន ជុំវិញទីក្រុងបាងកក។ ពួកគេបានធ្វើការឃ្លាំមើល ហើយបានរកឃើញឃ្លាំងមួយនៅក្នុងស្រុកខ្លងហ្លួង ខេត្តផាធុមថានី។ ក្រោយពីឆែកឆេររួចគេបានដឹងថាថ្នាំញៀនត្រូវបានគេលាក់ទុកក្នុងឃ្លាំងមួយដែលមិនបញ្ចេញឈ្មោះដែលមានទីតាំងស្ថិតនៅផ្លូវ Soi Khlong Sam 6/5 ឃុំKhong Sam ស្រុកKhong Luang ខេត្ត Pathum Thani ។

តម្លៃសរុបនៃទ្រព្យសម្បត្តិគឺប្រហែល 5,211,300 បាត។ ថ្នាំញៀនមេតំហ្វេតាមីន ៣ម៉ឺនគ្រាប់ និងខេតាមីន 410ក្រាម រួមនឹងទ្រព្យសម្បត្តិដែលរឹបអូសរួមមាន រថយន្ត ម៉ូតូ ទូរសព្ទដៃ និងទ្រព្យសម្បត្តិមួយចំនួនទៀត ដែលមានតម្លៃជាង 5លានបាត។ប្រភព៖ ប្រទេសថៃ