សម្តេចតេជោ ហ៊ុន សែនប្រាប់ប្រជាពលរដ្ឋភៀសសឹក នៅមណ្ឌលបណ្តោះអាសន្ន ឃុំស្លក្រាមថាកម្ពុជាអត់វ៉ៃគ្នាដណ្តើមដីទេចរចា!
21-September-2026 / ផ្សេងៗ
ភ្នំពេញ៖ សម្តេចតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា ដែលបើតាមព្រះរាជសាលិខិតប្រគល់សិទ្ធរបស់ព្រះមហាក្សត្រគឺជាតំណាងព្រះប្រធានឧត្តមក្រុមប្រឹកក្សាកងកម្លាំប្រដាប់អាវុធនៅព្រឹកថ្ងៃទី០៩ ខែមិថុនា ឆ្នាំ២០២៦ នេះ បានប្រកាសប្រាប់ប្រជាពលរដ្ឋភៀសសឹកនៅមណ្ឌលបណ្តោះអាសន្ន ឃុំស្លក្រាម ស្រុកស្វាយចេក ខេត្តបន្ទាយមានជ័យ ជាង ៣ ០០០គ្រួសារ នាព្រឹកថ្ងៃទី០៩ ខែមិថុនា ឆ្នាំ២០២៦ថាកម្ពុជាមិនធ្វើសង្គ្រា.មវ៉ៃដណ្តើមយកដី(ដែលថៃកាន់កាប់៦០ចំណុច)មកវិញទេ។
មូលហេតុគឺវាអាចស្លា.ប់មនុស្សទាំងកងទព័និងប្រជាពលរដ្ឋ។សូម្បីផ្ទះប្រជាជនភៀសសឹកចម្ងាយ៨គីឡូម៉ែតពីព្រុំដែនក៏មិនសុខដែរ។សម្តេចតេជោបាននិយាយដោយមិនប្រាកដចិត្តថាបើវ៉ៃក៏លទ្ធផលមិនដឹងយ៉ាងណាហើយវាមានតែអូសបន្លាយទំនាស់។
វិធីគឺនាំគ្នាគោរពបទឈប់បាញ់។ទោះបីយ៉ាងណានៅចំពោះមុខជនភៀសសឹកប្រមាណ ៣ពាន់គ្រួសារ អតីតនាយករដ្ឋមន្ត្រីកម្ពុជារូបនេះបានប្រកាសសុំទោសជាសាធារណៈចំពោះពលរដ្ឋខ្មែរដែលកាលពីលោកមានអំណាចពេញដៃ តែបែរជាមិនបានត្រៀមខ្លួនទុកមុនក្នុងការប្រយុទ្ធជាមួយថៃ។សម្តេចតេជោ ហ៊ុន សែន បានទទួលស្គាល់ថា សង្គ្រាមដែលថៃបើកការឈ្លានពានលើកម្ពុជាកាលពីឆ្នាំ២០២៥ គឺដោយសារតែលោកមានការទុកចិត្តខ្លាំងពេកលើភាគីថៃ?។
ដោយឡែកលោក ទៀ សីហា រដ្ឋមន្ត្រីក្រសួងការពារជាតិកម្ពុជាវិញនៅថ្ងៃទី៩មិថុនាដែរក៏បានចេញមុខបញ្ជាក់ជាថ្មីថា កម្ពុជានៅតែប្រកាន់ខ្ជាប់នូវជំហរដោះស្រាយបញ្ហាព្រំដែនជាមួយថៃដោយសន្តិវិធី គោរពតាមកិច្ចព្រមព្រៀង និងយន្តការនានាដែលប្រទេសទាំងពីរបានចុះហត្ថលេខានាពេលកន្លងមក។ នេះបើតាមសំណេរនៅលើបណ្តាញសង្គមហ្វេសប៊ុករបស់លោកនាថ្ងៃទី៩ មិថុនានេះ។
ប្រតិកម្មដូចនេះរបស់លោក ទៀ សីហាធ្វើឡើង ក្រោយសារព័ត៌មានមួយរបស់ថៃបានចោទប្រកាន់លោកថាបានបដិសេធការប្រើប្រាស់យន្តការទ្វេភាគីជាមួយភាគីថៃ និងកំពុងបង្កើនទ័ព ព្រមទាំងសព្វាវុធដើម្បីត្រៀមបង្កសង្គ្រាមជាមួយថៃនៅពេលឆាប់ៗខាងមុខ។ នៅក្នុងសំណេរដដែល រដ្ឋមន្ត្រីការពារជាតិកម្ពុជារូបនេះដដែលក៏បានដាក់ក្តីសង្ឃឹមថា ភាគីជម្លោះកម្ពុជា-ថៃនឹងអាចដោះស្រាយបញ្ហាព្រំដែនដោយសន្តិវិធី និងបញ្ចៀសរាល់ការប្រើប្រាស់កម្លាំងយោធាជាថ្មី។
-ទាក់ទងនិងធ្វើសកម្មភាពតាមព្រុំដែនដូចជាករណីដឹកដីចាក់បិទច្រកសម្តេចតេជោចាត់ទុកថាគឺខុសនាំឲ្យមានការបង្ករឿងសម្តេចបញ្ជាក់ថាការងារព្រុំដែនថ្នាក់ខេត្តថ្នាក់ភូមិភាគមិនអាចធ្វើទេវាជាភារៈកិច្ចផ្តាច់មុខផស់នាយករដ្ឋមន្ត្រី។ចង់ថៃបិទព្រុំ១០០ឆ្នាំបិទទៅព្រោះការប៊ទព្រុំដែនធ្វើឲ្យថៃបាត់លុយ១០ពាន់លានក្នុង១ឆ្នាំហើយវាក៏ជាឱកាសមាសសម្រាប់ការផលិតទំនិញលក់របស់កម្ពុជាផងដែរ ។បើយើងខ្វះទំនិញកម្ពុជាអាចនាំពីវៀតណាមឬម៉ាឡេស៊ីបាន។សម្តេចព្រមានចំពោះអាណាមីណាដែលលួចនាំទំនិញថៃចូលត្រូវបញ្ឈប់។
សូមបញ្ជាក់ថាមជ្ឈមណ្ឌលជនភៀសសឹកនៅភូមិ-ឃុំស្លក្រាម ជាទីតាំងមួយដែលរាជរដ្ឋាភិបាល បានជ្រើសរើសរៀបចំផ្ទះសម្បែងបណ្តោះអាសន្នជូនប្រជាពលរដ្ឋដែលត្រូវថៃឈ្លានពាន និងកាប់កាន់យកដី និងផ្ទះសម្បែងមកពីភូមិជោគជ័យ ព្រៃចាន់ និងតំបន់បឹងត្រកួន។ បច្ចុប្បន្នមានប្រជាពលរដ្ឋសរុប ៣ ៣១៨គ្រួសារ កំពុងរស់នៅបណ្តោះអាសន្ននៅទីនេះ។
លោក អ៊ុំ រាត្រី អភិបាលខេត្តបន្ទាយមានជ័យបានឲ្យដឹងថាមកទល់ពេលនេះ ប្រជាពលរដ្ឋ ដែលកំពុងស្នាក់នៅក្នុងមណ្ឌលសុវត្ថិភាពបណ្តោះអាសន្ន មានចំនួន៣.៣១៨គ្រួសារ ស្មើនឹងមនុស្សរាយចំនួន ១១.២១៧នាក់/ស្រី៥.៦៦៣នាក់ កុមារ ៣.៨៣៩នាក់ ក្នុងចំណោម ប្រជាពលរដ្ឋ ៣.៣១៨គ្រួសារ ក្នុងនោះមានគ្រួសារកងកម្លាំងប្រដាប់អាវុធទាំងបីប្រភេទចំនួន១៤៥គ្រួសារ ដោយផ្តល់ដីទំហំ ២០ម៉ែត្រ គុណ ៣០ម៉ែត្រ ក្នុង១គ្រួសារ ទំហំផ្ទះ ៥ម៉ែត្រ គុណ ៧ម៉ែត្រ លើផ្ទៃដីចំនួន ៤០០ហិកតា ដោយដកទុកសម្រាប់ធ្វើកសិកម្ម ចំនួន ១១៣ហិកតា។
គិតចាប់ពីថ្ងៃទី១៤ ខែកុម្ភៈ ដល់ដំណាច់ខែមេសា ឆ្នាំ២០២៦ និងមកដល់ពេលនេះ ការសាងសង់ផ្ទះដែលដឹកនាំដោយលោកទេសរដ្ឋមន្ត្រី គន់ គីម បានរួចរាល់ចំនួន ២ ៨០៥ខ្នង។ ក្រុមការងារបានរៀបចំទៅតាមភូមិនីមួយៗ ដោយមានស្នាក់ការភូមិគ្រប់ភូមិទាំង៦ និងដីសម្រាប់ធ្វើកសិកម្មដែលទទួលខុសត្រូវដោយក្រសួងកសិកម្ម រុក្ខាប្រមាញ់ និងនេសាទ។
ក្រសួង ក៏បានផ្តល់ទ្រុងមាន់ និងពូជមាន់ដល់ប្រជាពលរដ្ឋចំនួន ១.០០០ គ្រួសារ មានការសាងសង់ផ្លូវចំនួន២៦ខ្សែ ក្នុងនោះ ផ្លូវមេទំហំ១១ម៉ែត្រ ចំនួន៦ខ្សែ និងផ្លូវទំហំ ៧ម៉ែត្រចំនួន ២០ខ្សែ សំរួលដីសាងសង់សាលារៀន ចាប់ពីមត្តេយ្យសិក្សា ដល់អនុវិទ្យាល័យ, សាងសង់មណ្ឌលសុខភាពដោយកងវិស្វកម្មសម្ដេចតេជោសៀមរាប ដឹកនាំដោយនាយឧត្តមសេនីយ៍ ខេង សុមេធ ការភ្ជាប់ប្រព័ន្ធទឹក និងភា្ជប់ទឹកតាមផ្ទះ ទទួលខុសត្រូវដោយក្រសួងឧស្សាហកម្ម សិប្បកម្ម និងនវានុវត្តន៍។
ទន្ទឹមនោះ ក្រសួងក៏បានផ្ដល់ពាងទឹកធំក្នុង១គ្រួសារទទួលបានពាង១ចំណុះ៥គូប ស្មើនឹង ២៨០ពាង ចំពោះអគ្គិសនីបានតភ្ជាប់គ្រប់ផ្ទះដែលទទួលខុសត្រូវដោយក្រសួងរ៉ែ និងថាមពល រីឯការសម្របសម្រួលទូទៅគឺរដ្ឋបាលខេត្ត។ ជាពិសេសរាជរដ្ឋាភិបាល បានជួយឧបត្ថម្ភថវិកាក្នុង ១គ្រួសារចំនួន ១០ម៉ឺនរៀល ឧបត្ថម្ភដល់សមាជិកគ្រួសារក្នុងម្នាក់ៗចំនួន ២៨.០០០រៀល ឧបត្ថម្ភក្នុងការប្រើប្រាស់ភ្លើងក្នុង១គ្រួសារចំនួន៣០គីឡូ និងថ្លៃប្រើប្រាស់ទឹកប្រចាំខែ ២ម៉ឺនរៀលក្នុង១គ្រួសារ។ ជនភៀសសឹកក៏ទទួលបានថវិកាជំនួយសង្គមពិសេសក្នុង១គ្រួសារចំនួន២០ម៉ឺនរៀលក្នុង១ខែ បន្ថែមលើប្រាក់ឧបត្ថម្ភដែលទទួលបានពីមុន ក្នុងរយៈពេល១២ខែ ចាប់អនុវត្តពីខែមិថុនា ឆ្នាំ២០២៦។
ជាមួយនឹងការរៀបចំភូមិឋាននេះ លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងក្រុមការងារ បានផ្ដល់គោលការណ៍ឱ្យពលរដ្ឋជាជនភៀសសឹក រៀបចំការប្រឡងប្រណាំងផ្ទះស្អាត(៣ខែម្តង) យក ៣ខ្នងផ្ទះ និងការប្រឡងប្រណាំងភូមិស្អាតផងដែរ។ ផ្ទះលេខ១ទទួលបានថវិកា ៣.០០០ដុល្លារ លេខ២ ទទួលបានថវិកា ២.០០០ដុល្លារ និងលេខ៣ ទទួលបានថវិកា ១.០០០ដុល្លារ ភូមិស្អាតនឹងមានការឧបត្ថម្ភដែរ។
ក្រៅពីនេះមានអង្គការដៃគូផ្សេងៗមានដូចជា អង្គការម៉ារីតាន់ភឺស បានជួយលើការចិញ្ចឹមមាន់ ពពែ ចង្រិត និងទឹកចម្រុះចំនួន២ទីតាំង ព្រមទាំងឧបត្ថម្ភពាងចំនួន២.៩០០ អង្គការទស្សនៈពិភពលោក ជួយលើការងារអប់រំ អង្គការ IOM ជួយលើការងារអប់រំសុខភាពផ្លូវចិត្ត អង្គការក្តីសង្ឃឹមកម្ពុជា ជួយចាក់សាបតាមផ្ទះជនពិការ អង្គការអុកស្វាម ជួយឧបត្ថម្ភថវិកាដល់គ្រួសារជនភៀសសឹក អង្គការរីដូ ជួយឧបត្ថម្ភអំពូលសូឡា និងអង្គការផ្កាឈូក ជួយឧបត្ថម្ភស្បៀងដល់ជនភៀសសឹក៕
