ប្រមុខរដ្ឋស្តីទី ស្នើឲ្យរាជរដ្ឋាភិបាល និងអាជ្ញាធរគ្រប់លំដាប់ថ្នាក់កម្ចាត់ចោលមន្ត្រី និងឈ្នួញដែលនៅបន្តលួចនាំទំនិញថៃ ចូលក្នុងពេលព្រំដែននៅបិទ ដែលធ្វើឲ្យអ្នកជិតខាងយើងមើលងាយយើងថា អត់ទំនិញគេមិនបាន!

ភ្នំពេញ៖សំណេរតាមហ្វេសប៊ុកនាថ្ងៃទី៨តុលា២០២៥សម្តេចតេជោ ស្នើឲ្យរាជរដ្ឋាភិបាល និងអាជ្ញាធរគ្រប់លំដាប់ថ្នាក់កម្ចាត់ចោលមន្ត្រី និងឈ្នួញដែលនៅបន្តលួចនាំទំនិញថៃ ចូលក្នុងពេលព្រំដែននៅបិទ ដែលធ្វើឲ្យអ្នកជិតខាងយើងមើលងាយយើងថា អត់ទំនិញគេមិនបាន។ សម្តេចបានលើកឡើងទៀតថា ប្រសិនបើសម្តេចនៅធ្វើនាយករដ្ឋមន្ត្រីដូចពេលមុនសម្តេចមិនបាច់និយាយភាសានេះទេ គឺចេញបញ្ជាចាប់ខ្លួន ឬដកចេញពីមន្ត្រីតែម្តង ប៉ុន្តែសូមកុំគិតថា (ឆ្មាមិននៅកណ្តុរឡើងរាជ្យឲ្យសោះ)!។ 

សូមបញ្ជាក់ថាកាលពីដើមខែកក្កដាមុនពេលផ្ទុះអាវុធជាមួយគ្នាអគ្គនាយកដ្ឋានគយនិងរដ្ឋាករកម្ពុជាបានចេញប្រកាសមួយអនុញ្ញាតិឲ្យមានការនាំចូលទំនិញថៃលើកលែងតែប្រេងនិងបន្លែផ្លែឈើ។(ចឹងមានន័យថាយកតាមណាយកទៅឲ្យតែយកមកបានព្រោះព្រុំដែនគោកថៃបិទ)។

ករណីយ៍ទំនិញថៃនិងដើម្បីសេដ្ឋកិច្ចក្នុងនាមប្រទេសអាស៊ានដូចគ្នាឯកឧត្តមហ៊ុនម៉ានីឧបនាយករដ្ឋមន្ត្រីនិងជារដ្ឋមន្ត្រីក្រសួងមុខងារសាធារណ:ក៏ធ្លាប់បានអំពាវនាវកុំឲ្យរើសអើងហើយថ្មីនេះទៀតលោកក៏អំពាវនាវឲ្យមានការផ្សះផ្សាគ្នារវាងប្រជាពលរដ្ឋកម្ពុជាថៃផងដែរ។និយាយរួមជំហររដ្ឋាភិបាលគិតពីបញ្ហសេដ្ឋកិច្ចនិងការដោះស្រាយបញ្ហាតាមការចរចា។

ឡូវនេះសម្តេចតេជោក្នុងនាមប្រធានគណបក្សនិងជាប្រធានព្រឹទ្ធសភាប្រធានឧត្តមក្រុមប្រឹក្សាមហាក្សត្រដែលជាប្រមុខរដ្ឋស្តីទីផងលោកបានចេញសារលើកតំកើងនូវស្មារតីជាតិនិយមដើម្បីទប់ទល់និងការមាក់ងាយនិងការឈ្លានពានពីទាហ៊ាននិងពួកជ្រុលនិយមថៃមួយចំនួន។ករណីនេះសូមប្រជាពលរដ្ឋពិចារណាខ្លួនឯងតាមការគួចុះ!៕