សមត្តកិច្ចចាប់បានតែជនស៊ីវិលរកស៊ីធុរេនតែចាប់មន្ត្រីធុរេនមិនបាន?

បាត់ដំបង៖ស្រ្តីឈ្មោះ ណយនៅខេត្តកំពង់ចាម ដែលបានកម្មង់ទិញទុរេនពីស្រ្តីឈ្មោះ អាឡែន នៅបាត់ដំបងត្រូវនគរបាលខេត្តកំពង់ចាមឃាត់ខ្លួនបញ្ជូនទៅបាត់ដំបង តាមដិការតុលាការ ដើម្បីបន្តនីតិវិធីទោះបីគាត់កំពុងមានផ្ទៃពោះក៏ដោយ។ 

នគរបាលខេត្តបាត់ដំបង បានឲ្យដឹងថា ការឃាត់ខ្លួនស្រ្តីរូបនេះបានធ្វើឡើង នៅវេលាម៉ោង ២រសៀលថ្ងៃទី២៥ ខែឧសភា ឆ្នាំ២០២៦ ដោយអនុវត្តដីការបស់តុលាការ។ការឃាត់ខ្លួននេះ បានធ្វើឡើងនៅភូមិតាម៉ូត ឃុំគរ ស្រុកព្រៃឈរ ខេត្តកំពង់ចាម ដោយសហការជាមួយកម្លាំងជំនាញរបស់អធិការដ្ឋាននគរបាលស្រុកព្រៃឈរ។

ស្រ្តីរូបនេះឈ្មោះ ព្រុំ សុខណយ អាយុ២៦ឆ្នាំ រស់នៅភូមិតាកែវ ឃុំគរ ស្រុកព្រៃឈរ ខេត្តកំពង់ចាមគឺជាអ្នកដែលកម្ម៉ងផ្លែធុរេនថៃពីស្ត្រីឈ្មោះអាឡែនដែលនាងបានចូលសារភាពហើយបន្ទាប់ពីមានសម្លេងបែកធ្លាយរវាងស្ត្រីឈ្មោះព្រុំសុខណយ។

យោងតាមដីកាបញ្ជារឲ្យនាំខ្លួនរបស់លោក ហ៊ុយ ទីហួ ចៅក្រមស៊ើបសួរសាលាដំបូងខេត្តបាត់ដំបង កាលពីថ្ងៃទី១៥ ខែឧសភា ឆ្នាំ២០២៦ ស្រ្តីរូបនេះ ត្រូវបានចោទប្រកាន់ពីបទ «ផ្តើមគំនិតក្នុងអំពើលួចនាំចូលទំនិញគេចពន្ធ កាលពីអំឡុងខែមេសា ឆ្នាំ២០២៦ ប្រព្រឹត្តក្នុងច្រកទ្វារតំបន់អូររំដួល (កាប៊ីន) ឃុំអូររំដួល ស្រុកភ្នំព្រឹក ខេត្តបាត់ដំបង។

ទោះបីយ៉ាងណាមកដល់ពេលនេះសមត្តកិច្ចមិនបានរកឃើញមន្ត្រីធុរេនដែលគុបគិតឲ្យមានការនាំចូលធុរេនថៃតាមច្រកព្រុំដែនថៃក្នុងស្រុកភ្នំព្រឹកនោះទេក្រៅពីការបណ្តេញចេញពីក្របខណ្ឌប្រធានកកបខេត្តបាត់ដំបងតាមការស្រែករបស់សម្តេចប្រមុខរដ្ឋស្តីទី។