សមិទ្ធផលទំនើបកម្មមូលដ្ឋានសមុទ្ររាម និងមជ្ឈមណ្ឌលភស្តុភារ និងហ្វឹកហ្វឺនរួមគ្នាកម្ពុជា-ចិន ផែរាមត្រុវបានប្រកាសឲ្យប្រើប្រាស!

ជនជាតិកាមេរ៉ូនម្នាក់ធ្លាប់ជាប់គុកតែដោះលែងទុកឲ្យប្រព្រឹត្ត ករណីជម្រឹតទាប្រាកស្ត្រីឡាវ២០ម៉ឺនដុល្លារទៀត!

អ្នកកាសែតចង់បានច្បាប់ស្តីពីសិទ្ធទទួលនិងផ្តល់ពត៍មានទើបងាយរកពត៍មានពិត

ទីតាំងសិប្បកម្មកែច្នៃឈើដុះស្លែចំនួនជិត២០កន្លែង នៅក្នុងភូមិសាស្ត្រ សង្កាត់អូរស្មាច់ នៅតែដំណើរការយ៉ាងរលូន!?

រដ្ឋមន្ត្រីក្រសួងព័ត៌មាន ប្រកាសបើក យុទ្ធនាការ «និយាយថាទេ ចំពោះព័ត៌មានក្លែងក្លាយ!» ចាប់ពីថ្ងៃទី១មេសា

ក្រុមហ៊ុនតៃវ៉ាន់មួយបញ្ជាទិញគ្រាប់ស្វាយចន្ទីកែច្នៃរួចពីកម្ពុជាចំនួន ៣ពាន់តោនក្នុង ១ឆ្នាំ!

កាស៊ីណូ ក្បែរច្រកទ្វារព្រំដែនអន្ដរជាតិបន្ទាយចក្រី ជាទីតាំងលេងល្បែងស៊ីសងគ្រប់ប្រភេទ បើកអោយខ្មែរ និងយួន ចូលមកលេងល្បែង សមត្ថកិច្ច និង អាជ្ញាធរសម្ងំប្រមូលលាភសក្ការ!

ជាច្រើនទៀត

ចំនួនអ្នកទស្សនា

ថ្ងៃនេះ 2296 នាក់

ម្សិលមិញ 3250 នាក់

សរុប 16500720 នាក់

សម្តេច ស ខេង នឹងមិនចូលរួមកម្ទេចផលិតផលក្លែងក្លាយ ទៀតទេបើចាប់ជនទុច្ចរឹតមិនបាន?!

30-March-2025 / សន្តិសុខសង្គម

ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនៅថ្ងៃទី១២ ខែមីនា ឆ្នាំ២០១៩នេះ បានប្រកាសនៅចំពោះលោក មៀច សុផាន់ណា ប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ (គ.ប.ផ.ក) ថា លើកក្រោយ បើចាប់ម្ចាស់ដែលជាអ្នកផលិតផលក្លែងក្លាយមិនបានទេ គឺសម្តេច នឹងមិនចូលរួមក្នុងការដុតបំផ្លាញចោលទៀតទេ។ a fake fama3

សម្តេច ស ខេង បញ្ជាក់ថា “ដាក់បទបញ្ជាទៅគណៈកម្មាធិការថា លើកក្រោយ… មិនមែនថា ចង់កាត់ទោសអ្នកនេះ អ្នកនោះទេ លើកក្រោយបើថា ចាប់បានផលិតផលហ្នឹងហើយ ត្រូវតែចាប់បានម្ចាស់ បើមិនចាប់បានម្ចាស់ទេ ខ្ញុំមិនមកបំផ្លាញទៀតទេ នេះលក្ខខ័ណ្ឌខ្ញុំស្តាប់ឲ្យបាន”។

ផលិតផលក្លែងក្លាយ ខូចគុណដែលយកមកកម្ទេចចោលនៅផ្លូវ៦០ម៉ែត្រ រួមមាន ថ្នាំពេទ្យក្លែងក្លាយ១០៦មុខ, ទឹកសុទ្ធម៉ាក Evian, Saint Amanda, Montcalm ជិត៦ពាន់កេស និងផលិតផលជីកកសិកម្មជិត៨តោន សរុបទាំងអស់ មានជាង៧០តោន។
សម្តេចក្រឡាហោមថា បើគ្រាន់តែចាប់បានផលិតផលក្លែងក្លាយបែបនេះ តើពេលណាទៅបានអស់ផលិតផលក្លែងក្លាយ? បើមិនព្រមចាប់ម្ចាស់អ្នកផលិត។ “លក្ខខ័ណ្ឌបើចង់ឲ្យខ្ញុំមក ត្រូវចាប់ម្ចាស់ ឬអ្នកទទួលខុសត្រូវ លើផលិតផលក្លែងក្លាយនេះ”។

សម្ដេចបានគូសបញ្ជាក់ថា ផលិតដែលកម្ទេសចោលនៅថ្ងៃនេះ ភាគច្រើនត្រូវបានបង្ក្រាបចេញពីឃ្លាំងលួចលាក់ ហើយសម្ដេចបានចោទជាសំណួរថាតើក្រុមជនទុច្ចរិត នឹងបន្តនាំផលិតផលទាំងអស់នេះប៉ុន្មានទៀតចូលកម្ពុជា ។ ដូច្នេះសម្ដេចបានស្នើឲ្យគណៈកម្មការប្រយុទ្ធប្រឆាំងផលិតផលក្លែងក្លាយ និងភាគីពាក់ព័ន្ធបន្តធ្វើការងារនេះដោយយកចិត្តទុកដាក់បំផុត។សម្ដេចបានក្រើនរំលឹកថាយើងមិនអាចនៅតែបក់ផ្សែងក្នុងបញ្ហានេះរហូតឡើយ។

កន្លងមក យ៉ាងហោចណាស់ មាន ៣លើករួចមកហើយ ដែលគណៈកម្មាធិការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម បានរៀបចំពិធីកិនកម្ទេចផលិតផលក្លែងក្លាយខុសច្បាប់ ។

កាលពីថ្ងៃទី០៣ ខែតុលា ឆ្នាំ២០១៧ កម្ទេចផលិតផលគ្រឿងសម្អាង ក្លែងក្លាយ ខុសច្បាប់ ចំនួន ៨១តោន នៅទីលានចាក់សំរាម ស្ថិតនៅសង្កាត់ជើងឯក ខណ្ឌដង្កោ រាជធានីភ្នំពេញ ។កាលពីថ្ងៃទី០៣ ខែមេសា ឆ្នាំ២០១៨ កម្ទេចផលិតផលក្លែងក្លាយខុសច្បាប់ ចំនួនប្រមាណជាង ១១០តោន នៅបរិវេណជាប់នឹងសាលាសង្កាត់បឹងជើងឯក ខណ្ឌដង្កោ រាជធានីភ្នំពេញ ។កាលពីព្រឹកថ្ងៃទី១៤ ខែមិថុនា កម្ទេចផលិតផលចំណីអាហារក្លែងក្លាយ ហួសកាលបរិច្ឆេទ និងខុសច្បាប់ ដែលបង្កឲ្យប៉ះពាល់ដល់សុខភាពយ៉ាងធ្ងន់ធ្ងរ ចំនួនជាង ១០០តោន។ ពិធីកម្ទេចចោលផលិតផលទាំងនេះ បានធ្វើឡើង នៅភូមិថ្មីពីងពុង ឃុំដំណាក់រាំង ស្រុកឧដុង្គ ខេត្តកំពង់ស្ពឺ ។ a fake fama4

សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ផ្ដល់អនុសាសន៍ឲ្យគណៈកម្មាធិការប្រយុទ្ធប្រឆាំងផលិតផលក្លែងក្លាយ សិក្សា និងពិនិត្យលទ្ធភាព ឈានទៅរៀបចំឲ្យមានការចុះកិច្ចសន្យាជាមួយម្ចាស់ក្រុមហ៊ុននាំចូលផលិតផល ដើម្បីឲ្យពួកគេកាន់តែមានការទទួលខុសត្រូវក្នុងការចូលរួមទប់ស្កាត់ការនាំចូលផលិតផលក្លែងក្លាយ និងខូចគុណភាព ៕ a fake famaa2