វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5210 នាក់
ម្សិលមិញ 5544 នាក់
សរុប 13946307 នាក់
ភ្នំពេញ៖ ជនជាតិបរទេសប្រុសស្រីជាច្រើននាក់ ត្រូវបានឃាត់ខ្លួន នៅទីតាំងហាងម៉ាស្សាមួយកន្លែងមានស្លាកយីហោចិន ស្ថិតតាមបណ្តោយផ្លូវ១៧២ ស្ថិតនៅក្នុងសង្កាត់ផ្សារថ្មី៣ ខណ្ឌដូនពេញ រាជធានីភ្នំពេញកាលពីវេលាម៉ោង១២រំលងអធ្រាត្រ ឈានចូលថ្ងៃទី៦ ខែមីនា ឆ្នាំ២០២២នាំកាន់មូលដ្ឋានកងរាជអាវុធហត្ថរាជធានីភ្នំពេញ ដើម្បីធ្វើការសួរនាំ និងចាត់ការទៅតាមនីតិវិធីច្បាប់ជាបន្ត។
នៅវេលាម៉ោង៩យប់ថ្ងៃទី៥ ខែមីនា ឆ្នាំ២០២២ គេឃើញមានកម្លាំងកងរាជអាវុធហត្ថរាជធានីភ្នំពេញ ចុះធ្វើការឡោមព័ទ្ធទីតាំងហាងមួយកន្លែង សង្ស័យជាហាងម៉ាស្សា ដែលមានស្លាកយីហោជាអក្សរចិន ប្រែថា ( ឈូងសាមុទ្រក្រអូប )។កម្លាំងកងរាជអាវុធហត្ថបានចុះធ្វើការត្រួតពិនិត្យនៅផ្នែកខាងក្នុង និងធ្វើការរុំព័ទ្ធនូវខ្សែរង្វង់ប្រតិបត្តិការ ដោយយករថយន្តមកចំនួន៣គ្រឿងនៅផ្នែកខាងក្រៅ រួមមានដូចជារថយន្តទ្រុងដែក រថយន្តក្រុងខ្នាតតូចនៃកងរាជអាវុធហត្ថ និងរថយន្តសង្គ្រោះនៃកងរាជអាវុធហត្ថរាជធានីភ្នំពេញ។
ការចុះឡោមព័ទ្ធខាងលើនេះ បានបញ្ជាប់នូវម៉ោង១២និង៣០នាទីរំលងអធ្រាត្រ ឈានចូលថ្ងៃទី៦ ខែមីនា ឆ្នាំ២០២២ ដោយឃាត់ខ្លួនមនុស្សប្រុសស្រីជនជាតិបរទេសប្រមាណ២០នាក់ រួមទាំងសម្ភារប្រើប្រាស់មួយចំនួនដែលមាននៅក្នុងហាងម៉ាស្សាខាងលើ មូលហេតុ សង្ស័យពាក់ព័ន្ធលួចបង្កប់នូវសេវាកម្មផ្លូវភេទ។