វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2656 នាក់
ម្សិលមិញ 9706 នាក់
សរុប 14080899 នាក់
ស្ទឹងត្រែង៖ ក្នុងឱកាសអញ្ជើញជាអធិបតី ក្នុងពិធសួរសុខទុក្ខសិស្សនគរបាលវគ្គបណ្តុះបណ្តាលកម្រិតបឋមវិជ្ជាជីវៈនគរបាល ជំនាន់ទី១៥ លើកទី២ សាលានគរបាលជាតិភូមិភាគ១ ខេត្តស្ទឹងត្រែង
នាព្រឹកថ្ងៃទី២៣ ខែសីហា ឆ្នាំ២០២២ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មានប្រសាសន៍ថា អាជ្ញាធរខេត្តស្ទឹងត្រែងត្រូវបង្ក្រាបនិងទប់ស្កាត់ឲ្យបាននូវការចរាចរលួចលាក់ជូញដូរនូវសាធាតុញៀនដោយសុខច្បាប់ ដោយសារខេត្តស្ទឹងត្រែងជាខេត្តមួយជាប់ព្រំដែនដែលឧក្រិដ្ឋជនគ្រឿងញៀនតែងតែងលួចលាក់ជូញដូរ និងចរាចរណ៍ឆ្លងកាត់នូវសារធាតុញៀនខុសច្បាប់។ ចំណែកមន្ត្រីនគបាលទាំងអស់ត្រូវខិតខំប្រឹងប្រែងបំពេញភារកិច្ចការងារ ការថែរក្សាឲ្យបាននូវសន្តិសុខសណ្តាប់ សុខសុវត្ថិភាពសង្គម និងទប់ស្កាត់ឲ្យបាននូវការចរាចរជូញដូញដូររក្សាទុកនូវសារធាតុញៀននេះផងដែរ។
ប្រសាសន៍ណែនាំរបស់សម្តេចសខេងបានធ្វើឡើងបន្ទាប់ពីកម្លាំងការិយាល័យប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្តស្ទឹងត្រែង បានចុះបង្ក្រាបទីតាំងលក់ និងប្រើប្រាស់បារី អេឡិចត្រូនិចខុសច្បាប់ចំនួន ៣ទីតាំង និងបានឃាត់ខ្លួនម្ចាស់ទីតាំងចំនួន ៣នាក់ និងអ្នកប្រើប្រាស់ប្រមាណជិត ៤០នាក់ថែមទៀត កាលពីវេលាម៉ោង ១រំលងអាធ្រាត្រឈានចូលថ្ងៃទី២១ ខែសីហា ឆ្នាំ២០២២ លើទីតាំងចំនួន ៣ទីតាំងផ្សេងគ្នា ស្ថិតក្នុងភូមិកណ្ដាល សង្កាត់ស្ទឹងត្រែងក ក្រុងស្ទឹងត្រែង ។
សមត្ថកិច្ចខេត្តស្ទឹងត្រែង បានឲ្យដឹងថា ម្ចាស់ទីតាំងទាំង ៣នាក់ខាងលើ ត្រូវជាឪពុក ម្ដាយ និងកូន មានឈ្មោះ ធឹម ពិសី ភេទស្រី អាយុ៣០ឆ្នាំ (កូន), ឈ្មោះ ឡាន ចន្ថា ភេទប្រុស អាយុ៦០ឆ្នាំ (ឪពុក) និងឈ្មោះ សុខ លាង ភេទស្រី អាយុ៥៩ឆ្នាំ (ម្តាយ) ទាំង៣នាក់ រស់នៅក្នុងភូមិកណ្ដាល សង្កាត់ស្ទឹងត្រែង ក្រុងស្ទឹងត្រែង។ទីតាំងដែលបង្ក្រាប សុទ្ធសឹងជារបស់ឈ្មោះ អូន ពិសី (ត្រូវជាកូន)។ទោះជាយ៉ាងណាយុវជនប្រមាណ៤០ត្រូវបានដោះលែងវិញព្រោះគ្មានសារធាតុញៀន។