វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6871 នាក់
ម្សិលមិញ 5020 នាក់
សរុប 14122318 នាក់
សៀមរាប៖តើលោកខាំលឿផ្ដល់កិច្ចសម្ភាស្សជាមួយការសែតមាតុភូមិមានសេចក្ដីស្មោះត្រង់ដែរឫទេ ? ចម្លើយគឺមិនត្រង់ទេព្រោះថា ដីសហគមន៍ក្នុងត្រនប់៧៨ដែលប្រជាពលរដ្ឋភូមិគោកធ្លក ដីចំនួន៤០ហិកតានោះ ត្រូវបានអ្នកមានអំណាចឃុបឃឹតគ្នាលក់ ដោយស្ងាត់ៗមិនអោយអ្នកស្រុកដឹងចំនួនជិត១៥ហិកតា គឺលក់អោយ លោកជំទាវ លីអ៊ុំអេង។
ក្រោយមក លោកខាំលឿ និងលោកជាម៉ូវមេភូមិគោកធ្លក បានស៊ីញ៉េងលើលិខិតលក់ទិញពីរផ្លង់។ ទី១ ដីចំនួន ៨២០៩៧ម៉ែត្រការ៉េ លក់អោយឈ្មោះ ឆឺងប៊ុនហាន។ លោកជាម៉ូវស៊ីញ៉េថ្ងៃទី០៦ខែ១២ ឆ្នាំ២០០៦ លោកខាំលឿស៊ីញ៉េនិងបោះត្រាថ្ងៃទី០៦ខែ១២ឆ្នាំ២០០៦។
ផ្លង់ដីមួយទៀតមានដីទំហំ ៦៥១០៦ ម៉ែត្រការ៉េ លោកជាម៉ូវស៊ីញ៉េថ្ងៃទី០៦ខែ១២ឆ្នាំ២០០៦ លោកខាំលឿស៊ីញ៉េនិងបោះត្រាថ្ងៃទី០៦ខែ១២ឆ្នាំ២០០៦ ។
នេះជាផស្តុតាងដែលលោកជាម៉ូវ និងលោកខាំលឿមិនអាចប្រកែកបាន!។
តើហេតុអ្វីបានជាលោកជាម៉ូវនិងលោកខាំលឿ បំផុសប្រជាពលរដ្ឋភូមីគោកធ្លកឃុំកណ្ដែកស្រុកប្រាសាទបាគងខេត្តសៀមរាប ចំនួន២០៦គ្រួសារស្នើសុំ ឯកឩត្ដមអភិបានខេត្តសៀមរាប ឯកឩត្ដមអ្នកឩញ៉ា សៀងណាំតំណាងរាស្រខេត្តសៀមរាប និងលោកនួនគ្រឹស្នា ប្រធានមន្ទីរធនធានទឹក និងឩត្តុនិយមខេត្តសៀមរាប មេត្តាជួយទប់ស្កាត់ ដោយចោទប្រកាន់ លោកក្អោបរ៉ន ចៅសង្កាត់ជ្រាវក្រុងសៀមរាប បានដឹកនាំកម្លាំងក្រោមឱវ៉ាតយកគ្រឿងចក្រមកឈូសឆាយបោះតម្រុយវាស់ស្ទង់ កាត់យកដីអាងទឹករបស់ភូមិគោកធ្លកចំនួន៤០ហិកតា ?។
នេះជាការចោទប្រកាន់ឫមូលបង្កាច់ លោកក្អោបរ៉នដោយចេតនា ព្រោះថាដីសហគមន៍ភូមិគោកធ្លកចំនួន៤០ហិកតាត្រូវបានលក់អស់ជិត១៥ហិកតាហើយ គឺនៅសល់តែជាង២៥ហិកតាទេ ។ មានន័យថាលោកជាម៉ូវនិងលោកខាំលឿ ខ្ចីដៃអ្នកស្រុកអោយទាមទាដីចំនួន៤០ហិកតាដើម្បីដកយកដីចំនួនជិត១៥ហិកតាទុកសង ម្ចាក់ប្រាក់ ឈ្មោះឆឹងប៊ុនហានវិញកុំអោយមានរឿងថ្ងៃក្រោយ ។
លោកជំទាវលីអ៊ុអេងអោយដឹងតាមទូស័ព្ទថា គាត់បានទិញដីសហគមន៍នោះមែនតែក្រោយមក បានលក់ទៅវិញហើយមិនជាប់ពាក់ពន្ធ័អ្វីទៀតទេ ។
លោកឆឹងប៊ុនហានពេលសួរថាដីក្នុងទំនប់៧៨ត្រូវក្រុមហ៊ុនឈូសឆាយហ៊ុំពទ្ធ័យកអស់ហើយ? លោកហានឆ្លើយថា ដីខ្ញុំទិញយូហើយម៉េចក៍មានរឿងបែបនេះចាំខ្ញុំសួរគេសិន។
លោកក្អោបរ៉នឆ្លើយបដិសេធទាំងស្រុង ដែលលោកខាំលឿចោទថាគាត់ឃុបឃិតគ្នារំលោភយកដីភូមិគោកធ្លក នោះមិនពិតទេ។ខ្ញុំក្អោបរ៉នមិនមានសិទ្ធិឫអំណាចឯងណាទៅបំពានយកដីភូមិគោកធ្លក ឡើយ ។
លោកជាម៉ូវឆ្លើយថាដីសហគមន៍ពិតជាបានលក់ដីពិតប្រាកដមែន បានមួយម៉ែត្រការរ៉េប្រាំកាក់បានប្រាក់ជិត៧ម៉ឺនប្រាំពាន់ដុល្លារអាមេរិក យកលុយមកធ្វើផ្លូវក្នុងភូមិ។លោកខាំលឿឆ្លើយថា លោកមិនដឹងទេ ឃើញមេភូមិស៊ីញ៉េមកហើយ ខ្ញុំខាំលឿត្រូវស៊ីញ៉េនិងបោះត្រាតាមសំណើរចឹងហើយ។