វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 519 នាក់
ម្សិលមិញ 3717 នាក់
សរុប 14148852 នាក់
ភ្នំពេញ ៖ កាលពីវេលាម៉ោងប្រមាណ១១និង៥០នាទីព្រឹក ថ្ងៃទី០២ ខែធ្នូ ឆ្នាំ២០២០ មន្ត្រីសាលាសង្កាត់ និងខណ្ឌឬស្សីកែវ ប្រមាណជាង១០នាក់ ត្រូវបានកម្លាំងកងរាជអាវុធហត្ថដែលដាក់គោលដៅនៅក្នុងមូលដ្ឋានសង្កាត់ឬស្សីកែវ ចាក់សោ ឃាត់ខ្លួន ខណៈពេលដែលទៅឃាត់សំណង់ដែលបានសាងសងរំលោភលើដីរបស់រដ្ឋនៅចំណុចអតីតក្រុមហ៊ុនម៉ាកវ៉ែល តាមផ្លូវជាតិលេខ ៥ សង្កាត់ឬស្សីកែវ ខណ្ឌឬស្សីកែវ ។
បន្ទាប់ពីឃាត់ លោក ជា ពិសី អភិបាលខណ្ឌ ឬស្សីកែវ និងលោកវរៈសេនីយ៍ឯក ហ៊ាង ថា រ៉េត អធិការនគរបាលខណ្ឌឬស្សីកែវ ដឹកនាំកម្លាំងទៅសម្របសម្រួលទើបបើកទ្វារអោយចេញវិញ ។ប្រភពព័ត៌មានពីអាជ្ញាធរបានអោយដឹងថា៖ នៅព្រឹកថ្ងៃទី២ ខែធ្នូ ឆ្នាំ២០២០នេះ គណៈបញ្ជាការឯកភាពខណ្ឌឬស្សីកែវដឹកនាំ ដោយលោកប្រាជ្ញសីហា អភិបាលរងខណ្ឌបានចុះទៅហាមឃាត់ការសាងសង់សំណង់រឹងមាំរបស់អង្គភាពកងរាជអាវុធហត្ថដែលបានសាងរំលោកយកដីរបស់សាលារាជធានីភ្នំពេញក៏ត្រូវបានកម្លាំងកងរាជអាវុធហត្ថប្រមាណជាង២០នាក់បានចេញព្រមទាំងចាក់សោបង្ខាំងមន្ត្រីរាជការរបស់សាលាខណ្ឌទាំងអស់ចំនួន ១៣នាក់ ដែលដឹកនាំដោយលោកអភិបាលរងខណ្ឌម្នាក់ ដើម្បីចុះអនុវត្តវិធានការរដ្ឋបាល ។
តាមព័ត៌មានអោយដឹង នៅពេលដែលអាជ្ញាធរ និងសមត្ថកិច្ចចេញបានបន្តិចគេឃើញ កម្លាំងកងរាជអាវុធហត្ថ២រថយន្ត ប្រដាប់ដោយអាវុធខ្លី វែង បានទៅអន្តរាគមន៍ផងដែរ ។ តាមអាជ្ញាធរអោយដឹងថា ដី អតីតក្រុមហ៊ុន ម៉ាក់វែលជាដីរបស់ កំពង់ផែស្វយ័តភ្នំពេញរួចហើយក៏ប្រគល់ឲ្យសាលារាជធានីភ្នំពេញគ្រោងនឹងស្ថាននាសួនច្បារចាប់ពីស្ពានជ្រោយចង្វារ ទៅដល់មុខអតីតសួនច្បារ សូគីម៉ិចតែគម្រោងសួនច្បារ ដំណើរការក៏ទុកចោល។ដីនោះ ត្រូវកងរាជអាវុធហត្ថ ផ្ទៃប្រទេសសុំខ្ចីដាក់ចំណតទូក ។ នៅពេលថ្មីនេះតាមព័ត៌មានអោយដឹងថា ដីនោះបានទៅលើក្រុមហ៊ុនមួយទំនងជាដឹខ្សាច់ ស្រាប់តែកងរាជអាវុធហត្ថក៏បានបុកគ្រឹះប្រុងធ្វើដំណង់រឹងមាំទើបអាជ្ញាធរចុះទៅឃាត់ក៏មានរឿងកើតឡើងតែម្តង។ ទោះជាយ៉ាងណាកោះសន្តិភាពពុំទទួលការបំភ្លឺណាមួយ ពីកងរាជអាវុធហត្ថឡើយ ៕