សមាជិកសភាព្រិទ្ធសភានាំគ្នានិយាយពីផលប៉ះពាល់ព័ត៌មានក្លែងក្លាយ ចាត់ទុកថាធ្វើធ្វើឱ្យខូចគុណតម្លៃនៃលទ្ធិប្រជាធិបតេយ្យក្នុងសង្គមនគរបាលដាក់ចេញវិធានការបង្ក្រាប
11-February-2026 / ព័ត៌មានជាតិ
ភ្នំពេញ៖ លោកឡេង ប៉េងឡុង អគ្គលេខាធិការរដ្ឋសភាបានលើកឡើងព្រឹកថ្ងៃទី៦ខែមេសានេះថា៖ " ដំណឹងក្លែងក្លាយ " (Fakes News) បានជះឥទ្ធិពលដ៏អាក្រក់ នៅក្នុងសង្គមរបស់យើង។ការប្រយុទ្ធប្រឆាំងនឹងព័ត៌មានក្លែងបន្លំ ក្នុងបរិបទនៃសេរី ភាពសារព័ត៌មាន និងការផ្សាយព័ត៌មានក្លែងបន្លំ គឺជាបទល្មើស និងអាចជាបទ ឧក្រិដ្ឋចំពោះសេរីភាពសារព័ត៌មាន ព្រោះការធ្វើបែបនេះអាចប៉ះពាល់ដល់គុណតម្លៃស្នូលនៃលទ្ធិ ប្រជាធិបតេយ្យរបស់យើង។
នៅក្នុងសិក្ខាសាលាស្តីពីការប្រយុទ្ធប្រឆាំងនឹងព័ត៌មានក្លែងបន្លំ និងសេរីភាពសារព័ត៌ មាន៖បញ្ហាប្រឈមនិងដំណោះស្រាយធ្វើឡើងនៅព្រឹទ្ធសភា ក្រោមអធិបតីភាព លោកកិត្តិនីតិកោសល ប៉ែន បញ្ញា ប្រធានគណៈ កម្មការនីតិកម្មនិងយុត្តិធម៌នៃរដ្ឋ សភានិងជាប្រធានសភាជាតិកម្ពុជា លោកឡេង ប៉េងឡុង មានប្រសាសន៏បញ្ជាក់ថា៖“ លើសពីនេះទៀត ផ្អែក លើមធ្យោបាយបច្ចុប្បន្ន អ្នកនិពន្ធដំណឹងក្លែងក្លាយ (Fakes News) ហាក់ដូចជា មានលទ្ធភាពចេញផ្សាយព័ត៌មានដែលអាចបំពុលមនុស្ស ទោះតិចឬច្រើន ហើយ ក៏អាចបង្កើតការភ័ន្តច្រឡំ និងធ្វើឱ្យខូចគុណ តម្លៃនៃលទ្ធិប្រជាធិបតេយ្យនៅក្នុងសង្គមរបស់យើង។ យុទ្ធសាស្ត្រមួយដើម្បីប្រយុទ្ធប្រឆាំងនឹងបទល្មើសនិងបទឧក្រិដ្ឋទាំងនេះ គឺយើងគួរតែធ្វើការរួមគ្នា និងតម្រូវ ឲ្យមានការតស៊ូរួមគ្នាដើម្បីប្រយុទ្ធ ប្រឆាំងនឹងអំពើខុសឆ្គងទាំងនេះ។
លោកកិត្តិនីតិកោសល ប៉ែន បញ្ញា ប្រធានគណៈកម្មការនីតិកម្មនិងយុត្តិធម៌នៃរដ្ឋ សភានិងជាប្រធានសភាជាតិកម្ពុជា និយាយភាសាបារាំងមានប្រសាសន៏លើកឡើងថា៖ការផ្សព្វផ្សាយពត៌ព័ត៌មានព័ត៌ មាន ក្លែងបន្លំនិងព័ត៌មានខុសបានក្លាយ ទៅជាអាវុធមួយដែលអាចបង្កជាឧបសគ្គដ៏ចម្បងមូយចំពោះស្ថិរភាព សន្តិ សុខ និងសេដ្ឋកិច្ច ឬដល់សុខភាពសាធា រណៈទាំងជាតិ និងតំបន់។
អ្នកស្រី អៀរ៉ែន ខន (Madame Irene Khan) អ្នករាយ ការណ៍ពិសេសរបស់អង្គ ការសហប្រជាជាតិ បានគូសបញ្ជាក់ថា ពត៌មានក្លែងបន្លំតាមប្រព័ន្ធអ៊ីនធឺណេត អាចមានផល វិបាក យ៉ាងធ្ងន់ធ្ងរដល់លទ្ធិ ប្រជាធិបតេយ្យ និងសិទ្ធិមនុស្សដូចដែលបាន ឃើញនៅ ក្នុងការបោះ ឆ្នោតនាពេលថ្មីៗនេះ និងនៅក្នុងការប្រយុទ្ធ ប្រឆាំងនឹងជម្ងឺរាតត្បាតCO VID- 19 ឬក្នុងការវាយ ប្រហារប្រឆាំងនឹងក្រុមជនជាតិភាគតិចជាដើម។
លោកកិត្តិនីតិកោសល ប៉ែន បញ្ញា បញ្ជាក់ទៀតថា៖ការប្រឈមមុខនឹងការរីករាល ដាលនៃការផ្សព្វផ្សាយព័ត៌មានក្លែងបន្លំ និងព័ត៌មានខុសនេះ សភាមានតួនាទីសំខាន់ណាស់ក្នុងការការពារសិទ្ធិបញ្ចេញមតិរបស់ពលរដ្ឋ សេរីភាពក្នុងការទទួលបានព័ត៌មានក៏ដូចជាការការពារសិទ្ធិ ជាមូលដ្ឋាននិងការអនុវត្តសិទ្ធិផ្សេងៗទៀតរបស់បុគ្គលសំដៅធានាឲ្យបាននូវការអភិវឌ្ឍ សេចក្តីថ្លៃថ្នូរ និងការរីកចំរើនរបស់បុគ្គលម្នាក់ៗ ។ ជាមួយគ្នានេះដែរការការ ពារសេរីភាពនៃការបញ្ចេញមតិ សេរីភាពសារព័ត៌មាន ការចូលរួមចំណែកលើក កម្ពស់អភិបាលកិច្ចល្អ ហើយធ្វើឲ្យមាន ការរីកចម្រើនផ្នែក សេដ្ឋកិច្ច និងសង្គម។
ការប្រយុទ្ធប្រឆាំងនឹងបាតុភាពនេះ គឺអាចធ្វើបានតាមរយៈការ បង្កើតយន្តការច្បាប់ដ៏រឹងមាំ និងមានប្រសិទ្ធភាពស្របតាមគោលការណ៍នីតិរដ្ឋ និងលទ្ធិប្រជាធិប តេយ្យ ដើម្បីទប់ស្កាត់ការអនុវ និងចែក ចាយព័ត៌មានក្លែងបន្លំ និងព័ត៌មានខុស ការប្រើប្រាស់ទិន្នន័យផ្ទាល់ខ្លួនក្នុង លក្ខណៈខុសច្បាប់ និងធានាឱ្យបាននូវសេរីភាពសារព័ត៌មាន។
ដោយឡែកនៅព្រឹកថ្ងៃទី៦មេសាដែរ អគ្គស្នងការនគរបាលជាតិ នាយឧត្តមសេនីយ៍ នេត សាវឿនក្នុងកិច្ចប្រជុំសរុបសភាពការណ៍ និងលទ្ធផលនៃកិច្ចប្រតិបត្តិការ ប្រចាំត្រីមាសទី១ ឆ្នាំ២០២២ និងផ្សព្វផ្សាយទិសដៅការងារឆ្នាំ២០២២ របស់អគ្គស្នងការដ្ឋាននគរបាលជាតិ បានដាក់បទបញ្ជាដល់កម្លាំងជំនាញទាំងអស់ ចំណុះអគ្គស្នងការដ្ឋាននគរបាលជាតិ ត្រូវតែពង្រឹងយកចិត្ដទុកដាក់ឱ្យបានខ្ពស់បំផុត ចំពោះក្រុមទុច្ចរិតដែលតែងធ្វើសកម្មភាពបំពុលព័ត៌មាន ឬចែកចាយព័ត៌មានមិនពិត នៅតាមបណ្ដាញសង្គម។
លោកឧត្តមសេនីយ៍ឯក ឆាយ គឹមខឿន អ្នកនាំពាក្យអគ្គស្នងការដ្ឋាននគរបាលជាតិ បានបញ្ជាក់ថា ក្នុងកិច្ចប្រជុំនោះ នាយឧត្តមសេនីយ៍ នេត សាវឿន បានសង្កត់ធ្ងន់ឱ្យពង្រឹងវិធានការបង្ការទប់ស្កាត់នូវការបំពុលបរិយាកាសសង្គម ជាពិសេសទប់ស្កាត់មិនឱ្យមានការបង្កចលាចលសង្គមកើតមានឡើង ឬក៏រីករាលដាលធំ ធ្វើឲ្យគ្រោះថ្នាក់ដល់សន្ដិសុខជាតិ។
ម្យ៉ាងវិញទៀតសំដៅកាត់បន្ថយបទល្មើសជាទូទៅ ដើម្បីធានាបរិយាកាសសង្គម និងសណ្ដាប់ធ្នាប់សង្គមបានល្អប្រសើរ ជាពិសេសត្រូវយកចិត្តទុកដាក់ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ និងការបោះឆ្នោតក្រុមប្រឹក្សាឃុំ-សង្កាត់ ដែលនឹងឈានចូលមកដល់នៅពេលខាងមុខ ព្រមទាំងកិច្ចការងារប្រជុំអាស៊ាន ដែលកម្ពុជាធ្វើជាម្ចាស់ផ្ទះ។ ស្នងការរាជធានី-ខេត្ត ត្រូវកសាងផែនការសកម្មភាពជាក់ស្ដែង ដើម្បីធានាការពារឲ្យបាននូវព្រឹត្តិការណ៍សំខាន់ៗខាងលើ។
