វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3147 នាក់
ម្សិលមិញ 6359 នាក់
សរុប 14089780 នាក់
អាមេរិក៖សហរដ្ឋអាមេរិកបានសម្តែងការមិនសប្បាយចិត្តចំពោះប្រទេសអាល្លឺម៉ង់ដែលធ្វើការទិញឧស្ម័ននិងប្រេងពីរុស្ស៊ីតាមរយៈកិច្ចព្រមព្រាងសាងសង់បំពង់ប្រេង Nord Stream-2 pipelineរវាងអាល្លឺម៉ង់និងរុស្ស៊ីដែលកំពុងជាប់ការដាក់ទណ្ឌកម្មរឿងរំលោភយកទឹកដីគ្រីម៉េរបស់ប្រទេសអ៊ុយក្រែននិងការចំណាយមិនគ្រប់គ្រាន់លើកញ្ចប់ថវិការបស់អង្គការណាតូ។
សារព័ត៌មាន Sputnik របស់រុស្ស៊ីនៅថ្ងៃសុក្រ ទី០៦ ខែកក្កដា ឆ្នាំ២០១៨បានឲ្យដឹងថា៖នៅក្នុងសុន្ទរកថាមួយទៅកាន់អ្នកគាំទ្រនៅឯរដ្ឋ Montana នៅថ្ងៃព្រហស្បតិ៍សប្ដាហ៍នេះ (ម៉ោងនៅអាមេរិក) លោក ដូណាល់ ត្រាំប្រធានាធិបតីបានឆ្លៀតថ្លែងចោទប្រកាន់ថាអាល្លឺម៉ង់ចង់បានការការពារពីសហរដ្ឋអាមេរិកប្រឆាំងនឹងរុស្ស៊ី តែបែរជាកំពុងទិញប្រេង និងឧស្ម័នរាប់ពាន់លានដុល្លារពីទីក្រុងម៉ូស្គូទៅវិញ។ «ពួកគេ (អាល្លឺម៉ង់) បានចុះកិច្ចព្រមព្រៀងឧស្ម័ន និងប្រេងជាមួយរុស្ស៊ី។ ពួកគេចង់បានការការពារប្រឆាំងនឹងរុស្ស៊ី តែបែរជាកំពុងបង់ប្រាក់រាប់ពាន់លាន ដុល្លារឱ្យរុស្ស៊ីទៅវិញ»។
សហរដ្ឋអាមេរិក បាន ចំណាយដល់ទៅ ៤ភាគរយនៃGDPរបស់ខ្លួនលើវិស័យយោធា រីឯអាល្លឺម៉ង់មានគំរោងចំណាយឱ្យដល់១.៥ភាគរយ តែមិនទាន់ សម្រេចវត្ថុបំណងនេះទេ ខណៈអង្គការណាតូដាក់គោលដៅឱ្យប្រទេសជាសមាជិកចំណាយលើយោធាយ៉ាងហោចណាស់២ភាគរយនៃGDP។ ប្រធានាធិបតីអាមេរិក លោក ដូណាល់ ត្រាំ បានស្ដីបន្ទោសអាល្លឺម៉ង់ ក្រោមការគ្រប់គ្រងរបស់អធិការបតីលោកស្រី អាន់ជែលឡា មឺគែលបែបនេះគឺ មុននឹងទៅចូលរួមក្នុងកិច្ចប្រជុំអង្គការណាតូ នៅឯទីក្រុងព្រុចសែល ប្រទេសប៊ែលហ្សិក ពីថ្ងៃទី១១ ដល់ថ្ងៃទី១២ ខែកក្កដានេះ ។