» កម្ពុជា​គុយបា​ទទួលបាន​អ្វីខ្លះ​ពី​ដំណើ​ទស្សនកិច្ច​របស់​នាយក​រដ្ឋមន្ត្រី​កម្ពុជា​ » ចិន​៤១​នាក់​នាំគ្នា​ជិះទូក​ឈើ​ចូល​ស្រុក​ខ្មែរ​មក​លិច​នៅ​កោះតាងសង្គ្រោះបានខ្លះ​នៅ​បាត់​ខ្លួន​៨​នាក់​ទៀត​! » ទឹក​ហូរ​បុក​បាក់​ស្ពាន​ឆ្លងទៅ​ទឹកធ្លាក់​ថ្ម​ក្រាល​គាំង​អ្នក​ទេសចរណ៍​តែ​បាន​ចៅហ្វាយខេត្ត​ជួយ​អន្តរាគមន៍​ទាន់ពេល​ » នាវា​កងទ័ពជើងទឹក​កាណាដា ០១​គ្រឿង ចូល​សំចត​ក្នុង​កំពង់ផែ​ស្វយ័ត​ក្រុងព្រះសីហនុ ២​ថ្ងៃ​ » បង្ក្រាប​កន្លែង​បញ្ចាំ​រកឃើញ​ម៉ូតូ​មិន​ប្រក្រតី​រាប់រយ​គ្រឿង​ឃាត់ខ្លួន​អ្នក​ពាក់​ព​ន្ធ័​៩​នាក់​ » ប្រជាពលរដ្ឋ​រស់នៅ​ភូមិ​យុគន្ធរ​និង​ភូមិ​សេះ​ស្លាប់ ឃុំ​ឆ្នុកទ្រូ​រអ៊ូរទាំ​ថា​ផ្លូវ​ពីរ​ខ្សែ​ត្រូវ​ឈ្មួញ​លៀស​បំផ្លាញ​ » ប្រជាជន​រុស្ស៊ី​សម្រុក​ចេញ​ក្រៅ​ក្នុង​ខាងក្នុង​ប្រទេស​កេ​ណ្ឌ័​ទ​ព័​និង​បង្ក្រាប​ការតវ៉ា​ » បណ្ឌិត​ហ៊ុន​ម៉ា​ណែ​ត​៖​ការយកចិត្តទុកដាក់​ដល់​អតីតយុទ្ធជន អតីត​គ្រូបង្រៀន និង​មន្ត្រី​ចូលនិវត្តន៍ គឺជា​កាតព្វកិច្ច (​ផ្នែក​សីលធម៌​) » អាមេរិក​បារាំង​អង់គ្លេស​បរិហា​ការធ្វើប្រជាមតិ​យក​ដី​របស់​ប្រទេស​អ៊ុយ​ក្រែ​ន​ភ្ជាប់​ចូល​រុស្ស៊ី​ » អាជ្ញាធរ​ខណ្ឌ​ជ្រោយចង្វារ​ប្រាប់​ម្ចាស​ម៉ូតូ​ដែល​បាត់ទៅ​ពិ​និ​ត​ក្យ​និង​ត្រៀម​ឯកសារ​ » តើ​អាណា​គេ​ថ្លើមធំហ៊ានបន្លំដឹក​អ្នកបើកបរ​ល្មើសច្បាប់​ទៅ​ដាក់បញ្ចាំ​ទូរ​សព្ទ ដើម្បី​យកលុយ​មក​បង់ថ្លៃ​ផាកពិន័យ ? » ២០២៣​កម្មករ​ឡើង​ប្រាក់ខែ​២០០​ដុល្លារ​រដ្ឋមន្ត្រី​ការងារ​អំពាវនាវ កុំ​ឲ្យ​មានការ​ដំឡើង​ថ្លៃទំនិញ និង​ផ្ទះជួល » រដ្ឋាភិបាលយោធា​មី​យ៉ាន់​ម៉ា ព្រមាន​ដាក់ពន្ធនាគារ អ្នក​ដែល​បង្ហាញ​ការគាំទ្រ​ក្រុម​ឧទ្ទាម នៅលើ​បណ្តាញ​សង្គម​បន្ទាប់ពី​បាញ់រះ​សម្លាប់​កុមារ » អ្នករក​ស៊ីថា​មេ​គយ​ថ្មី​ច្រក​ដូង​៧​ដើម​សប្បាយ​និង​ទទួល​កម្រៃ​ពី​ឈ្មួញ​នាំ​ទំនិញ​ចេញចូល​ » បន្ទាប់ពី​ចាយលុយ​អស់​ជាង​៣​រយ​លាន​ដុល្លារ​សាលា​ក​ក្តី​ខ្មែរក្រហម​នៅ​បន្ត​៣​ឆ្នាំ​ទៀត​តែ​មិនដឹងថា​បាន​ថិ​ការ​ពី​ណា​?

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 920 នាក់

ម្សិលមិញ 3367 នាក់

សរុប 11550278 នាក់

ដាក់ពិន័យ​មន្ទីរ​ពហុ​ព្យាបាល ម្លិះ​ដង្កោ និង​សុំ​ឲ្យ​អភិបាល​រាជធានី​ភ្នំពេញ​ជួយ​ចាត់ការ​

​ភ្នំពេញ​៖ លោក ម៉ម ប៊ុនហេង រដ្ឋមន្ដ្រី​ក្រសួងសុខាភិបាល នៅ​ថ្ងៃទី​១៥ ខែសីហា ឆ្នាំ​២០២២​នេះ បានចេញ​លិខិត​ព្រមាន និង​ដាក់ពិន័យ​មន្ទីរ​ពហុ​ព្យាបាល ម្លិះ​ដង្កោ ក្រោយ​ប្រព្រឹត្ត​កំហុសឆ្គង​ពាក់ព័ន្ធ​ការដឹក​អ្នករបួស​ដោយ​គ្រោះថ្នាក់​ចរាចរណ៍​តាម​ដងផ្លូវ យកទៅ​កន្លែង​របស់ខ្លួន ខុសពី​គោលការណ៍​ណែនាំ​របស់​ក្រសួងសុខាភិបាល​។​a bun heng3 

​ក្នុង​លិខិត​របស់​ក្រសួងសុខាភិបាល បាន​បញ្ជាក់ថា មន្ទីរ​ពហុ​ព្យាបាល​ម្លិះ​ដង្កោ តែងតែ​យក​រថយន្ត​គិលានសង្គ្រោះ​របស់ខ្លួន​ចេញទៅ​ដឹក​អ្នករបួស​ដោយ​គ្រោះថ្នាក់​ចរាចរ​តាម​ដងផ្លូវ​យកមក​ព្យាបាល​នៅ​កន្លែង​មន្ទីរ​ពហុ​ព្យាបាល ម្លិះ​ដង្កោ របស់ខ្លួន​ខុសច្បាប់ ដែល​ក្រសួងសុខាភិបាល​បាន​ហាមឃាត់ និង​បានធ្វើ​សេចក្ដីណែនាំ​ទៅគ្រប់​គ្លីនិក​ឯកជន​ទាំងអស់ មិន​អនុញ្ញាត​ឲ្យ​យក​រថយន្ត​គិលានសង្គ្រោះ​ឯកជន​របស់ខ្លួន​ចេញទៅ​ដឹក​អ្នករបួស​ដោយ​គ្រោះថ្នាក់​ចរាចរ​តាម​ដងផ្លូវ​យកមក​ព្យាបាល​នៅក្នុង​គ្លីនិក​ឯកជន​របស់ខ្លួន​ជាដាច់ខាត​។​

​ក្រសួងសុខាភិបាល សូម​ធ្វើការ​ព្រមាន ផាកពិន័យ និង​ណែនាំ​ចំពោះ​លោក​វេជ្ជបណ្ឌិត ស៊ឹម វន់ ម្ចាស់​មន្ទីរ​ពហុ​ព្យាបាល ម្លិះ​ដង្កោ ដូចខាងក្រោម​នេះ​៖*​ទី​១៖ ត្រូវ​បញ្ឈប់​ជាបន្ទាន់​ចំពោះ​ការយក​រថយន្ត​គិលានសង្គ្រោះ​របស់ខ្លួន ទៅ​ដឹក​អ្នករបួស​ដោយ​គ្រោះថ្នាក់​ចរាចរ​តាម​ដងផ្លូវ​យកមក​ព្យាបាល​នៅក្នុង​គ្លីនិក​របស់ខ្លួន​ចាប់ពី​ថ្ងៃ​ណែនាំ​នេះ​តទៅ​*​ទី​២៖ ត្រូវ​ផាកពិន័យ​អន្តរ​ការ​ជា​ប្រាក់​ចំនួន ១០,០០០,០០០​រៀល ចំពោះ​កំហុសឆ្គង​ដែលមាន​*​ទី​៣៖ ត្រូវគោរព​ឲ្យ​បាន​ត្រឹមត្រូវ​ទៅតាម ច្បាប់ អនុក្រឹត្យ ប្រកាស និង​សារាចរ​ណែនាំ​ផ្សេងៗ​របស់​ក្រសួងសុខាភិបាល​*​ទី​៤៖ ត្រូវគោរព​ទៅតាម​កិច្ចសន្យា​របស់ខ្លួន ចុះ​ថ្ងៃទី​១១ ខែសីហា ឆ្នាំ​២០២២ ដែល​បាន​សន្យា​ជាមួយ​ក្រសួងសុខាភិបាល​*​ទី​៥៖ ក្នុងករណី​ដែល​លោក​វេជ្ជបណ្ឌិត ស៊ឹម វន់ មិន​គោរព​តាម​ការណែនាំ​របស់​ក្រសួងសុខាភិបាល​ទេនោះ ក្រសួង​នឹងមាន​វិធាន​ការបិទ​មន្ទីរ​ពហុ​ព្យាបាល ម្លិះ​ដង្កោ ដោយ​មិន​អនុញ្ញាតឱ្យ​ធ្វើការ​ពិនិត្យ និង​ព្យាបាល​អ្នកជំងឺ​តទៅទៀត​ឡើយ​។​កាលពីពេល​ថ្មីៗ​នេះ មន្ទីរ​ពហុ​ព្យាបាល​ម្លិះ​ដង្កោ បាន​រង​នូវ​ការរិះគន់​យ៉ាងខ្លាំង​ពី​សំណាក់​ប្រជាពលរដ្ឋ​នៅលើ​បណ្ដាញ​សង្គម Facebook ក្រោយ​ដឹក​អ្នករបួស​ដោយសារ​គ្រោះថ្នាក់​ចរាចរណ៍​ទៅ​កន្លែង​របស់ខ្លួន ហើយ​យក​ថ្លៃ​ព្យាបាល​ហួសហេតុ​។​

​ក្រៅពី​រឿង​គ្លីនិក​ម្លិះ​ដង្កោ​លោក​សាស្ត្រាចារ្យ ម៉ម ប៊ុនហេង រដ្ឋមន្ត្រី​ក្រសួងសុខាភិបាល បាន​ប្រាប់​ដល់​អភិបាល​រាជធានី​ភ្នំពេញ ឲ្យ​ចាត់វិធានការ​ចំពោះ​ការប្រើប្រាស់​រថយន្ត​គិលានសង្គ្រោះ ខុសពី​ការណែនាំ​របស់​ក្រសួងសុខាភិបាល របស់​ម្ចាស់​គ្លីនិក​ឯកជន ដែល​តែងតែ​យក​រថយន្ត​គិលានសង្គ្រោះ​របស់ខ្លួន​ទៅ​ដឹក​អ្នករងរបួស ដោយ​គ្រោះថ្នាក់​ចរាចរ នៅតាម​ដងផ្លូវ មក​ព្យាបាល​នៅក្នុង​គ្លីនិក​របស់ខ្លួន និង​បុគ្គល​ដែល​យក​ឡានពេទ្យ​មិនមាន​សញ្ញា​សម្គាល់ និង​មិនមាន​ឈ្មោះ​គ្លីនិក​ត្រឹមត្រូវ​ច្បាស់លាស់ ទៅ​ដឹក​អ្នករងរបួស​ដោយ​គ្រោះថ្នាក់​ចរាចរ ឬ​សាកសព​នៅតាម​ដងផ្លូវ​។​

​លិខិត​របស់​រដ្ឋមន្ត្រី​ក្រសួងសុខាភិបាល បានឱ្យដឹង​ទៀតថា រយៈកាល​កន្លងមក​ក្រសួងសុខាភិបាល បានធ្វើ​សារាចរ​ណែនាំ​ជាច្រើនលើក​ច្រើនសារ​រួចមកហើយ អំពី​ការហាមឃាត់​មិន​អនុញ្ញាត ឱ្យ​គ្លីនិក​ឯកជន យក​រថយន្ត​គិលានសង្គ្រោះ របស់ខ្លួន​ទៅ​ដឹក​អ្នករងរបួស ដោយ​គ្រោះថ្នាក់​ចរាចរ​តាម​ដងផ្លូវ​មក​ព្យាបាល នៅក្នុង​គ្លីនិក​របស់ខ្លួន​ជាដាច់ខាត​។​ប៉ុន្តែ​បច្ចុប្បន្ននេះ សង្កេតឃើញ​មាន​គ្លីនិក​ឯកជន​មួយចំនួន មិនបាន​អនុវត្ត​ទៅតាម​សារាចរ​ណែនាំ​របស់​ក្រសួងសុខាភិបាល​ឡើយ ដោយ​នៅតែ​បន្តធ្វើ​សកម្មភាព យក​រថយន្ត​គិលានសង្គ្រោះ​គ្លីនិក​ឯកជន​របស់ខ្លួន​ទៅ​ដឹក​អ្នករងរបួស​ដោយ​គ្រោះថ្នាក់​ចរាចរ​តាម​ដងផ្លូវ យកមក​ព្យាបាល​នៅក្នុង​គ្លីនិក​ទៀត​។​

ក្រសួង​ឃើញ​មាន​ឡានពេទ្យ​ឯកជន​មួយចំនួនទៀត ដែល​ពុំមាន​ឈ្មោះ​គ្លីនិក ទៅ​ដឹក​អ្នក​គ្រោះថ្នាក់​ចរាចរ និង​សាកសព​គ្រោះថ្នាក់​ចរាចរ​នៅតាម​ដងផ្លូវ រហូតដល់​មានការ​ឈ្លោះប្រកែក​ដណ្ដើម​គ្នា ដឹក​យ៉ាង​អនាធិបតេយ្យ ដែលជា​កត្តា​មួយ​ជះឥទ្ធិពល​មិនល្អ ដល់​វិស័យ​សុខាភិបាល​ទាំងមូល និង​សេចក្ដីថ្លៃថ្នូរ​បស់​គ្រូពេទ្យ ដទៃទៀត ហើយ​ក៏មាន​រថយន្ត​គិលានសង្គ្រោះ​មួយចំនួនទៀត ដែល​ពុំមាន​អាជ្ញា​បណ្ណ​ពី​ក្រសួងសុខាភិបាល និង​ពុំមាន​ឈ្មោះ​គ្លីនិក​ច្បាស់លាស់ ដែល​កំពុង​ធ្វើ​ចរ​រាច​រណ៍ តាម​ដងផ្លូវ​ផងដែរ​៕a bun heng hospital a bun heng hospital1 a bun heng hospital2