វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 288 នាក់
ម្សិលមិញ 5304 នាក់
សរុប 14139814 នាក់
ប្រទេសឹវៀតណាម៖សិង្ហបុរីនិងវៀតណាមបានឯកភាពគ្នាជម្រុញល្បឿននៃការបង្កើតក្រុមការងាររួមគ្នាដើម្បីអភិវឌ្ឍកិច្ចព្រមព្រៀងទ្វេភាគីស្តីពីសេដ្ឋកិច្ចឌីជីថល។
កាលពីថ្ងៃចន្ទទី២១ មិថុនារដ្ឋមន្ត្រីក្រសួងការបរទេសសិង្ហបុរីលោក វីវៀន បាឡាគ្រីសណាន់ បានជួបជាមួយសមភាគីវៀតណាមលោក ប៊ុយ ថាញ់សុននៅទីក្រុងហាណួយ ភាគីទាំងពីរបានព្រមព្រៀងគ្នាលើការទទួលស្គាល់គ្នាទៅវិញទៅមកនូវវិញ្ញាបនប័ត្រសុខភាពដើម្បីជួយសម្រួលដល់ការបន្តដំណើរប្រកបដោយសុវត្ថិភាពរវាងប្រទេសទាំងពីរ។
នេះជាលើកទីមួយដែលរដ្ឋមន្ត្រីសិង្ហបុរីមកបំពេញទស្សនកិច្ចនៅប្រទេសវៀតណាមចាប់តាំងពីជំងឺរាតត្បាតកូវីដ១៩បានចាប់ផ្តើម។បញ្ជាក់ពីកិច្ចសហប្រតិបត្តិការរវាងសិង្ហបុរីនិងវៀតណាមទាំងទ្វេភាគីនិងក្នុងកម្រិតអាស៊ាន រដ្ឋមន្ត្រីការបរទេសទាំងពីរបានកត់សម្គាល់ពីកិច្ចសហប្រតិបត្តិការដ៏មានសារៈសំខាន់នៅលើវិស័យជាច្រើនទៀតនិងបានព្រមព្រៀងពង្រីកវាទៅក្នុងវិស័យកំពុងរីកចម្រើនថ្មីៗដូចជាសេដ្ឋកិច្ចឌីជីថល សន្តិសុខអ៊ីនធឺណេត ថាមពលស្អាត ការអភិវឌ្ឍប្រកបដោយចីរភាព និងទីក្រុងឆ្លាត។
នៅក្នុងសេចក្តីថ្លែងការណ៍ក្រសួងការបរទេសសិង្ហបុរីបាននិយាយ”រដ្ឋមន្ត្រីទាំងពីរក៏បានផ្លាស់ប្តូរទស្សនៈស្តីពីការវិវត្តអន្តរជាតិនិងតំបន់និងបានសង្កត់ធ្ងន់លើសារៈសំខាន់នៃអព្យាក្រឹតភាពរបស់អាស៊ាននិងការរួបរួមគ្នាដើម្បីលើកកម្ពស់សន្តិភាពនិងស្ថិរភាពនៅក្នុងតំបន់”។លោកបណ្ឌិតបាឡាគ្រីសណាន់និងលោកប៊ុយថាញ់សុនក៏បានចុះហត្ថលេខាលើកិច្ចព្រមព្រៀងជាបន្តស្តីពីកម្មវិធីដំណើរទស្សនកិច្ចសិក្សានិងកម្មវិធីអប់រំប្រតិបត្តិសម្រាប់មន្ត្រីជាន់ខ្ពស់គណបក្សកុម្មុយនីស្តវៀតណាមពីឆ្នាំ ២០២១ ដល់ឆ្នាំ ២០២៣ ផងដែរ៕