បន្ទាប់ពីការរិះកន់រឿងកំសោយចំណាត់ការពីប្រធានាធិបតីអាជ្ញាធរប្រេស៊ីលចាប់ខ្លួនមន្ត្រីសន្តិសុខ
21-September-2026 / ព័ត៌មានអន្តរជាតិ
ប្រេស៊ីល៖លោក អាន់ដឺសុន តូរេស (Anderson Torres) ដែលមានតួនាទីមើលការខុសត្រូវផ្នែកសន្តិសុខ នៅរដ្ឋធានីប្រាស៉ីលីយ៉ា នៃប្រទេសប្រេស៉ីល កំលុងពេលក្រុមអ្នកគាំទ្រអតីតប្រធានាធិបតី លោក ហ្សាអៀ បូលសូណារ៉ូ ចូលអុកឡុកអគាររដ្ឋាភិបាលយ៉ាងកក្រើក កាលពីសប្តាហ៍មុន ត្រូវបានអាជ្ញាធរប្រេស៉ីលចាប់ខ្លួន។ ទីភ្នាក់ងារព័ត៌មាន AFP នៅថ្ងៃអាទិត្យ ទី១៥ ខែមករា ឆ្នាំ២០២៣បានឲ្យដឹងថាលោក តូរេស ដែលជាអតីតរដ្ឋមន្ត្រីយុត្តិធម៌និងសន្តិសុខសាធារណៈ របស់លោក បូលសូណារ៉ូ ត្រូវបានក្រុមប៉ូលិសសហព័ន្ធរបស់ប្រេស៉ីល ចាប់ឃាត់ខ្លួននៅថ្ងៃសៅរ៍សប្តាហ៍នេះ ក្រោយត្រឡប់មកកាន់ប្រទេសអាមេរិកខាងត្បូងមួយនេះវិញ បន្ទាប់ពីលោកបានធ្វើវិស្សមកាលនៅរដ្ឋផ្លូរីដា (Florida) របស់សហរដ្ឋអាមេរិក ជារដ្ឋដូចគ្នាដែលលោក បូលសូណារ៉ូ បានធ្វើដំណើរទៅកាន់ ក្រោយចាញ់ឆ្នោតប្រធានាធិបតីបច្ចុប្បន្ន គឺលោក ល្វីស អ៉ីណាស៉ីអូ លូឡា ដាស៉ីលវ៉ា។
គួរបញ្ជាក់ថា កាលពីថ្ងៃទី០៨ ខែមករា មនុស្សរាប់ពាន់នាក់ ដែលជាអ្នកគាំទ្រលោក បូលសូណារ៉ូ បាននាំគ្នាចូលលុកលុយអគារសភាជាតិ ការិយាល័យប្រធានាធិបតី ព្រមទាំងតុលាការកំពូល រួចបានបង្កការបំផ្លិចបំផ្លាញទ្រព្យសម្បត្តិជាច្រើន។ នៅពេលលោក លូឡា ដាស៉ីលវ៉ា ស្បថចូលកាន់តំណែងកាលពីដើមខែមករានេះ លោក តូរេស ត្រូវបានតែងតាំងឱ្យកាន់តួនាទីជា មន្ត្រីទទួលបន្ទុកកិច្ចការសន្តិសុខប្រចាំរដ្ឋធានីប្រាស៉ីលីយ៉ា ហើយបានធ្លាក់ពីតួនាទីវិញ នៅពេលកុបកម្មកើតឡើង។តុលាការកំពូលប្រេស៉ីលបានចេញដីកាឱ្យចាប់ខ្លួន លោក តូរេស កាលពីថ្ងៃអង្គារសប្តាហ៍មុន ដោយចោទថារូបលោកជាប់សង្ស័យចូលដៃគ្នាជាមួយក្រុមកុបករ ហើយបរាជ័យក្នុងការទប់ស្កាត់សកម្មភាពវាយប្រហារនោះ ក្នុងនាមជាប្រមុខទទួលបន្ទុកផ្នែកសន្តិសុខរបស់រដ្ឋធានី។ ទន្ទឹមគ្នា តុលាការកំពូលប្រេស៉ីល ក៏បានយល់ព្រមបញ្ចូលលោក បូលសូណារ៉ូ ទៅក្នុងការស៉ើបអង្កេតជុំវិញករណីកុបកម្មថ្ងៃទី៨ មករា ផងដែរ។
មុននឹងមានការចាប់ខ្លួននេះលោកប្រធានាធិបតីប្រេស៊ីលទើបឡើងកាន់តំណែង លោក Lula da Silva កាលពីថ្ងៃព្រហស្បតិ៍សប្តាហ៍មុន បាននិយាយថា មានក្រុមមន្ត្រីយោធាប្រេស៊ីលបានលួចលាក់រួមគំនិត និងជួយទ្រទ្រង់ដល់ក្រុមបាតុករដែលជាអ្នកគាំទ្រអតីតប្រធានាធីបតី Bolsonaro ក្នុងការចូលដណ្ដើមកាន់កាប់បរិវេណអគារវិមានរដ្ឋាភិបាលក្នុងទីក្រុង Brasilia។
លោកបានឱ្យដឹងបន្ថែមថា ក្រុមមន្ត្រីដែលចូលដៃជាមួយក្រុមបាតុករទាំងនោះ រួមមានមន្ត្រីនគរបាល និងមន្ត្រីយោធារបស់ប្រេស៊ីលផ្ទាល់ ហើយលោកជឿថា អ្នកអស់នោះគឺជាអ្នកលួចបើកទ្វាអគារវិមានរដ្ឋាភិបាលដើម្បីអនុញ្ញាតឱ្យក្រុមបាតុករចូលទៅគ្រប់គ្រង លោកអះអាងបែបនេះ ដោយសារតែទ្វាមួយនោះគឺនៅមានសភាពល្អដូចដើមដោយមិនមានការខូចខាតណាមួយកើតឡើងនោះទេ។
បន្ថែមពីនេះ លោក Lula da Silva ក៏បានថ្លែងរិះគន់ខ្លាំងៗផងដែរទៅលើស្ថាប័នយោធារបស់ប្រទេសប្រេស៊ីល ថាមិនបានចូលរួមអ្វីសូម្បីតែបន្ដិច ក្នុងការទប់ស្កាត់បាតុកម្មតវ៉ារបស់ក្រុមពលរដ្ឋ នៅក្នុងរយៈពេលជិត ៣ខែមកនេះ ពោលគឺបន្ទាប់ពីការបោះឆ្នោតជាតិរួចមក ដោយបានបណ្ដាឱ្យវិបត្តិចេះតែរីករាលដាលធំទៅៗ រហូតឈានដល់អំពើហិង្សាចូលដណ្ដើមកាន់កាប់បរិវេណអគាររដ្ឋាភិបាលរបស់ក្រុមបាតុករ។
គួរបញ្ជាក់ថា ក្រុមពលរដ្ឋប្រេស៊ីលរាប់ពាន់នាក់បាននាំចេញតវ៉ាប្រឆាំងនឹងការជាប់ឆ្នោតរបស់លោក Lula da Silva ដែលជាអ្នកនយោបាយឆ្វេងនិយម និងបានអំពាវនាវឱ្យយោធាធើ្វរដ្ឋប្រហារទម្លាក់រូបលោកចេញពីតំណែង ដើម្បីបើកផ្លូវឱ្យលោក Bolsonaro អាចវិលត្រឡប់មកវិញ ។រដ្ឋមន្ត្រីហិរញ្ញវត្ថុប្រទេសប្រេស៊ីល លោក Fernando Haddad នៅថ្ងៃព្រហស្បតិ៍សប្តាហ៍នេះ បានលើកឡើងពីកញ្ចប់វិធានការបង្កើនប្រាក់ចំណូល និងកាត់បន្ថយការចំណាយ ក្នុងគោលបំណងដើម្បីកាត់បន្ថយការចំណាយថវិការដ្ឋខ្ទះខ្ទាយនៅក្នុងឆ្នាំនេះ ។គេព្យាករណ៍ថា កង្វះខាតសារពើពន្ធនៃផលិតផលក្នុងស្រុកសរុបនៅក្នុងថវិកាជាតិឆ្នាំនេះមានចំនួន ២.១% ស្មើនឹង ២៣២ ពាន់លានរៃ (reais) ឬ ៤៦ពាន់លានដុល្លារអាម៉េរិក ។
លោករដ្ឋមន្ត្រី Haddad បានធ្វើបទបង្ហាញទៅលើបញ្ជីបូកសរុបសកម្មភាពដែលមានផលប៉ះពាល់ប្រហាក់ប្រហែលក្នុងចំនួនប្រមាណជា ២៤៣ ពាន់លានរៃ (reais) ស្មើនឹង ៤៧ ពាន់លានដុល្លារអាម៉េរិក ដែលនឹងនាំឱ្យសមតុល្យសារពើពន្ធទៅជាហួសពីតម្រូវការ ប៉ុន្តែប្រាក់ចំណូលអាចនឹងកើតឡើង ។លោកបន្ថែមថា វិធានការនេះក៏ស្ថិតនៅក្រោមសកម្មភាពដែលប្រធានាធិបតីឆ្វេងនិយមថ្មីរបស់ប្រទេសប្រេស៊ីល លោក Luiz Inacio Lula da Silva មិនទាន់បានអនុម័ត ។វិធានការបង្កើនប្រាក់ចំណូល និងកាត់បន្ថយការចំណាយសម្រាប់ឆ្នាំ២០២៣ រួមបញ្ចូលការបញ្ចប់ការលើកលែងពន្ធលើប្រេងឥន្ធនៈដែលមានតែក្នុងរបៀបវីរៈ បន្ទាប់ពីការកាន់កាប់របស់ក្រុមហ៊ុនប្រេងយក្ស Petrobras របស់រដ្ឋ ។លោករដ្ឋមន្ត្រី Haddad បាននិយាយថាលោក Lula da Silva បានបំពេញការសន្យាយុទ្ធនាការរបស់លោករួចហើយក្នុងការបង្កើនប្រាក់ឈ្នួលអប្បបរមាចំនួន ១.៤% លើអត្រាអតិផរណា ៕ប្រភព៖ Reuters Connect
