វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3351 នាក់
ម្សិលមិញ 10264 នាក់
សរុប 14142533 នាក់
ចិន៖កាលពីថ្ងៃទី១៦កក្កដានៅទីក្រុងប៉េកាំងប្រទេសចិនប្រធានសហភាពអឺរ៉ុប (EU) បានអំពាវនាវឲ្យអាមេរិក ចិន និងរុស្ស៊ី ធ្វើការងាររួមគ្នាដើម្បីបន្ធូរបន្ថយភាពតានតឹងផ្នែកពាណិជ្ជកម្មពិភពលោកដែលកំពុងតែមានភាពធ្ងន់ធ្ងរ ។
លោកដូណាល់ថាក់( Donald Tusk) ប្រធានក្រុមប្រឹក្សាសហភាពអឺរ៉ុបបានវាយតម្លៃថា៖ពេលដែលទីក្រុងវ៉ាស៊ីនតោន និងទីក្រុងប៉េកាំងកំពុងស្ថិតលើផ្លូវឆ្ពោះទៅរកការបំផ្ទុះសង្គ្រាមពាណិជ្ជកម្មមួយដែលអាចប៉ះពាល់ដល់សេដ្ឋកិច្ចពិភពលោក ព្រោះអាមេរិកក៏បានជ្រើសរើសយកផ្លូវប្រយុទ្ធគ្នាជាមួយសម្ព័ន្ធមិត្តរបស់ខ្លួនគឺអឺរ៉ុប និងប្រទេសកាណាដាផងដែរ។៖ «វាជាកាតព្វកិច្ចរួមគ្នារបស់អឺរ៉ុប និងប្រទេសចិន ប៉ុន្តែក៏ជាកាតព្វកិច្ចរួមគ្នារបស់អាមេរិក និងរុស្ស៊ីផងដែរ ដែលមិនត្រូវបំផ្លាញ (សណ្ដាប់ធ្នាប់ពាណិជ្ជកម្មពិភពលោកនោះទេ) ផ្ទុយទៅវិញត្រូវកែលម្អវា មិនត្រូវចាប់ផ្ដើមសង្គ្រាមពាណិជ្ជកម្មដែលប្រែក្លាយទៅជាជម្លោះក្តៅគគុកដែលកើតមានជាញឹកញាប់ក្នុងប្រវត្តិសាស្ដ្ររបស់យើងឡើយ»។
លោកដូណាល់ថាក់( Donald Tusk) ថ្លែងយ៉ាងដូច្នេះបន្ទាប់ពីជួបប្រជុំជាមួយលោកនាយករដ្ឋមន្ដ្រីចិន លី កឺឈាង ជាផ្នែកមួយនៃកិច្ចប្រជុំកំពូលរវាងសហភាពអឺរ៉ុប-ចិនប្រចាំឆ្នាំ ដែលបានបើកចំហប្រឆាំងនឹងស្ថានការណ៍នៃភាពមិនចុះសម្រុងគ្នាផ្នែកពាណិជ្ជកម្មពិភពលោកដែលកាន់តែរីកធំឡើង។សហភាពអឺរ៉ុបដែលជាទីផ្សាររួមមួយធំជាងគេរបស់ពិភពលោក មានសមាជិកចំនួន ២៨ ប្រទេស និងប្រជាជន ៥០០ លាននាក់កំពុងព្យាយាមចងសម្ព័ន្ធភាពគ្នាក្នុងគ្រាដែលមានគោលនយោបាយគាំពារនិយម «អាមេរិកជាអាទិភាព» របស់រដ្ឋបាលលោកប្រធានាធិបតីអាមេរិក ដូណាល់ ត្រាំ។
កិច្ចប្រជុំរវាងមន្ដ្រីចិន និងអឺរ៉ុបនៅទីក្រុងប៉េកាំងដែលក៏មានរួមបញ្ចូលទាំងលោក Jean-Claude Juncker ប្រធានគណៈកម្មការអឺរ៉ុបផងដែរនោះបានធ្វើឡើង ខណៈដែលលោក ដូណាល់ ត្រាំ បានត្រៀមរៀបចំការចរចានៅទីក្រុងហែលស៊ិនគី ប្រទេសហ្វាំងឡង់ជាមួយមេដឹកនាំប្រទេសរុស្ស៊ី វ៉ា្លឌីមៀរ ពូទីន។
លោក Tusk មានប្រសាសន៍ថា៖ «ថ្ងៃនេះយើងកំពុងប្រឈមមុខនឹងផ្លូវបំបែកថា តើត្រូវលេងល្បែងដ៏ពិបាកដូចជាសង្គ្រាមដកហូតពន្ធ និងជម្លោះដែលកំពុងកើតឡើងក្នុងប្រទេសអ៊ុយក្រែន និងស៊ីរី ឬត្រូវស្វែងរកដំណោះស្រាយរួមដោយពឹងផ្អែកលើច្បាប់ស្មើភាពគ្នា»។