វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2424 នាក់
ម្សិលមិញ 8227 នាក់
សរុប 14129305 នាក់
អាមេរិក៖លោកស្រីមីរ៉ារីកាដែល( Mira Ricardel) ជាទីប្រឹក្សាសន្តិសុខជាតិរងសេតវិមាន(វិមានប្រធានាធិបតី)បានត្រូវបានបណ្ដេញចេញពីតំណែង ក្រោយពី លេចលឺថាមានទំនាស់ជាមួយជំទាវទីមួយអាមេរិក លោកស្រីមីឡានត្រាំ( Melania Trump)។ នេះបើតាមការចេញផ្សាយដោយសារព័ត៌មាន BBC នៅថ្ងៃព្រហស្បតិ៍ ទី១៥ ខែវិច្ឆិកា ឆ្នាំ២០១៨។
លោកស្រីសារ៉ាសែនឌឺ( Sarah Sanders) អ្នកនាំពាក្យសេតវិមាន បានឱ្យដឹងថា លោកស្រី Ricardel នឹងត្រូវទៅកាន់តួនាទីថ្មី ហើយនឹងនៅតែបន្តគាំទ្រលោកប្រធានាធិបតីដូណាល់ ត្រាំ។ ប៉ុន្តែ អ្នកនាំពាក្យរូបនេះមិនបានបញ្ជាក់អ្វីបន្ថែមឡើយ ខណៈប្រព័ន្ធផ្សព្វផ្សាយអាមេរិក បានរាយការណ៍ថា៖លោកស្រីរ៉កាដែល( Ricardel) និងលោកស្រី Melania Trump ធ្លាប់ទាស់សម្ដីនឹងគ្នានៅអំឡុងនៃដំណើរទស្សនកិច្ចមួយទៅកាន់ទ្វីបអាហ្វ្រិក កាលពីខែតុលា កន្លងទៅ។
មិនតែប៉ុណ្ណោះបើតាមកាសែត Wall Street Journal និយាយថាលោកស្រី Ricardel ក៏ត្រូវបានគេរាយការណ៍ផងដែរថាជាមនុស្ស ម្នាក់នៅពីក្រោយការផ្សព្វផ្សាយរឿងអវិជ្ជមានរបស់លោកស្រី Melania។
លោកស្រី Melania ប្រពន្ធលោកត្រាំដែលមិនមានតួនាទីអ្វីនៅក្នុងសេតវិមានក្រៅពីតួនាទីស្ត្រីទី១នោះបានស្នើឱ្យដកលោកស្រី Mira Ricardel ចេញពីតំណែងដោយ ចោទថា មិនសមបន្តធ្វើការតទៅទៀតទេ។