ក្រុមមនិស្សិត និងពលរដ្ឋថៃ សម្រុកចូលអគាររដ្ឋាភិបាល ដោយទាមទារឱ្យមន្ត្រីគណៈកម្មការបោះឆ្នោត លាលែងពីតំណែងគណបក្សភឿថៃបង្ហាញការគាំទ្រឲ្យរាប់សន្លឹកឆ្នោតឡើងវិញ

ថៃឡង់ដ៍៖គណបក្សភឿថៃបានចេញមកបង្ហាញការគាំទ្រមានការត្រួតពិនិត្យនឹងរាប់សន្លឹកឆ្នោតឡើងវិញបន្ទាប់ពីមានការរកឃើញភាពមិនប្រក្រតីនៃការបន្លំសន្លឹកឆ្នោត។ 

គណបក្សភឿថៃ បានអំពាវនាវឱ្យគណៈកម្មការរៀបចំការបោះឆ្នោត (EC) ស៊ើបអង្កេតជាបន្ទាន់ ចំពោះការចោទប្រកាន់ថាខ្វះតម្លាភាពនៅក្នុងការបោះឆ្នោតនាពេលថ្មីៗនេះ ដោយនិយាយថា ខ្លួនគ្មានការជំទាស់ចំពោះការរាប់ឡើងវិញទេ ប្រសិនបើវាជួយស្តារទំនុកចិត្តពីសាធារណៈឡើងវិញ។

សូមបញ្ជាក់ថាគណបក្សភឿថៃដែលមានសម្លេងជាង១០០កៅអីក្នុងសភាកាលពីអាណ្ណត្តិមុនបានធ្លាក់សម្លេងយ៉ាងគំហុកនៅក្នុងការបោះឆ្នោតជ្រើសរើសសភាកាលពីថ្ងៃទី៨កុម្ភៈសល់ប្រមាណជាង៧០កៅអី។

ទាក់ទងញ្ហាមកិនប្រក្រតីនេះដែរនៅថ្ងៃទី១១ ខែកុម្ភៈនេះ ក្រុមសិស្សនិស្សិត និងប្រជាពលរដ្ឋមួយចំនួន ដែលបានធ្វើសកម្មភាពតវ៉ានៅខាងក្រៅបរិវេណអគាររដ្ឋាភិបាល បានចូលទៅក្នុងអគារ បន្ទាប់ពីមន្ត្រីមិនអនុញ្ញាតឱ្យពួកគេប្រើភ្លើងអគ្គិសនី ដើម្បីបើកម៉ាស៊ីនបំពងសំឡេងសម្រាប់ថ្លែងសុន្ទរកថា។
ក្រុមអ្នកតវ៉ា បានប្រមូលផ្តុំគ្នានៅខាងក្នុង ដោយស្រែក និងទាមទារសមាជិក គណៈកម្មការបោះឆ្នោតឱ្យលាលែងពីតំណែង។ ពួកគេក៏បានអំពាវនាវឱ្យមនុស្សផ្សេងទៀត មកចូលរួមជាមួយពួកគេថែមទៀតផង។

តាមការផ្សាយរបស់ Amarin វិញបានឲ្យដឹងថាកាលពីថ្ងៃអង្គារទី១០ខែកុម្ភៈឆ្នាំ២០២៦ ក្នុងខេត្ត Chonburi មានភាពវឹកវរខ្លាំងនៅមណ្ឌលទី៣ បន្ទាប់ពីធ្លាយព័ត៌មានថា មន្ត្រីបានលួចដឹកជញ្ជូនហឹបឆ្នោតទៅទុកក្នុងឃ្លាំងងងឹតមួយនាពេលយប់។ លោក Wiroj Lakkhanaadisorn សមាជិកសភាបក្សប្រជាជន ក៏បានចុះទៅដល់ទីតាំងនោះដើម្បីតាមរកហឹបឆ្នោតដែល បាត់ដាន។

ចំណែកនៅខេត្ត Chai Nat អ្នកគាំទ្របក្សប្រជាជន បានសម្រុកទៅកាន់សាលាខេត្ត ដើម្បីទាមទារឲ្យរាប់សន្លឹកឆ្នោតឡើងវិញ បន្ទាប់ពីរកឃើញថាចំនួនសន្លឹកឆ្នោតមានភាពមិនប្រក្រតី ពោលគឺសន្លឹកឆ្នោតលើសចំនួនអ្នកបោះឆ្នោត រហូតដល់ជិត ៧ ០០០ សន្លឹក។

រីឯនៅខេត្ត Udon Thani, បេក្ខជនសមាជិកសភាម្នាក់បានសម្រុកទៅតវ៉ានៅមណ្ឌលគណៈកម្មាធិការខេត្ត ដោយសារតែគាត់បានបោះឆ្នោតឲ្យខ្លួនឯងផ្ទាល់ ប៉ុន្តែលទ្ធផលផ្លូវការដែលប្រកាសចេញមក បែរជាបង្ហាញថាលទ្ធផលរបស់គាត់គឺ «សូន្យសំឡេង» ទៅវិញ។

ងាកទៅ Pathum Thani មានការចោទប្រកាន់ថា មន្ត្រីបានយកក្រណាត់ទៅគ្របកាមេរ៉ាសុវត្ថិភាព (CCTV) នៅមណ្ឌលទី៧ ដែលធ្វើឲ្យមហាជនកាន់តែសង្ស័យពីភាពមិនស្មោះត្រង់។

នៅ ខេត្ត មហាសារ៉ាខាម ក្រុមនិស្សិតបានចេញមកតវ៉ាតាំងពីយប់រហូតដល់ភ្លឺ ទាមទារឲ្យរាប់សន្លឹកឆ្នោតឡើងវិញ ដោយសារតែភាពមិនប្រក្រតីក្នុងដំណើរការរាប់សន្លឹកឆ្នោត។

នៅរាជធានីបាងកកតែម្តង ដោយនិស្សិតថៃជាច្រើននាក់ បានលើកគ្នាទៅតវ៉ានៅមុខទីស្នាក់ការគណៈកម្មាធិការរៀបចំការបោះឆ្នោត (EC) ក្នុងទីក្រុងបាងកក ដើម្បីទាមទារឲ្យមានការរាប់សន្លឹកឆ្នោតទូទាំងប្រទេសឡើងវិញ ចំពេលមានការចោទប្រកាន់អំពីការក្លែងបន្លំនិងទិញសន្លឹកឆ្នោត។

បាតុករទាមទារឲ្យមានការពន្យល់និងបញ្ជាក់ឲ្យច្បាស់អំពីករណីសង្ស័យជាច្រើនដូចជាការដាច់ភ្លើងពេលរាប់សន្លឹកឆ្នោតនៅមណ្ឌលខ្លះភាពមិនស៊ីគ្នារវាងលទ្ធផលដែលបានប្រកាសនិងចំនួនសន្លឹកឆ្នោតជាក់ស្តែង ការគូសសញ្ញារាប់សន្លឹកឆ្នោតមិនច្បាស់ ឬមិនមានតម្លាភាពនិងការសង្ស័យលើការកែបន្លំតួលេខ។មិនទាន់មានរបាយការណ៍អំពីអំពើហិង្សានោះទេ នៅពេលនេះ ខណៈអាជ្ញាធរនៅមិនទាន់ចេញសេចក្តីថ្លែងការណ៍ផ្លូវការនៅឡយ៕ប្រភព ៖ Khaosod English