វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2260 នាក់
ម្សិលមិញ 2184 នាក់
សរុប 13422134 នាក់
អាមេរិក៖ មន្ត្រីប្រតិបត្តិកំពូលរបស់ក្រុមហ៊ុនភីហ្វៃហ្សឺ( Pfizer) និយាយថាក្រុមហ៊ុនផលិតឱសថនេះកំពុងបង្កើតវ៉ាក់សាំងកូនកាត់ដែលរួមបញ្ចូលគ្នានូវវ៉ាក់សាំងដើមរបស់ខ្លួនជាមួយនឹងរូបមន្តដែលការពារប្រឆាំងនឹងមេរោគអូមីក្រុង។
នាយកប្រតិបត្តិលោក អាល់ប៊ឺត ប៊ូឡា (Albert Bourla) បាននិយាយនៅក្នុងសន្និសីទ JPMorgan Healthcare កាលពីថ្ងៃចន្ទទី១០មករា២០២២ថា ខណៈការស្រាវជ្រាវនៅតែបន្ត ក្រុមហ៊ុនភីហ្វៃហ្សឺ( Pfizer)នឹងវាយតម្លៃការបង្កើតរូបមន្តវ៉ាក់សាំងកូនកាត់ថ្មីប្រឆាំងនឹងមេរោគអូមីក្រុង ហើយកំណត់ថាតើរូបមន្តមួយណាសមស្របបំផុតដើម្បីចាប់ផ្តើមផលិតនៅត្រឹមខែមីនានេះ។
លោកវេជ្ជបណ្ឌិតបួឡាបាននិយាយថា ក្រុមហ៊ុន Pfizerនឹងត្រៀមខ្លួនជាស្រេចក្នុងខែមីនាដើម្បីទៅរកនិយតករអាម៉េរិកសម្រាប់ការអនុញ្ញាតដល់វ៉ាក់សាំងដែលបានកែប្រែរួចហើយនឹងនាំវាទៅលើទីផ្សារ ហើយថាក្រុមហ៊ុនបានចាប់ផ្តើមផលិតកម្មរួចទៅហើយ។ក្រុមហ៊ុន Pfizer បាននិយាយកាលពីចុងខែវិច្ឆិកាភ្លាមៗបន្ទាប់ពីមេរោគថ្មីត្រូវបានរកឃើញជាលើកដំបូងនៅអាហ្វ្រិកខាងត្បូងថាខ្លួនកំពុងធ្វើការជាពិសេសតែមួយមុខគត់លើវ៉ាក់សាំងប្រឆាំងអូមីក្រុង។
លោកនាយកប្រតិបត្ដិ បានបន្ដថា «ក្តីសង្ឃឹម គឺថា យើងនឹងសម្រេចបាននូវអ្វីមួយដែលនឹងមានមធ្យោបាយ ការពារល្អប្រសើរជាងមុន ជាពិសេស ប្រឆាំងនឹងការឆ្លង ពីព្រោះការការពារទប់ទល់នឹងការបញ្ជូនទៅកាន់មន្ទីរពេទ្យ និង ស្ថានភាពជំងឺធ្ងន់ធ្ងរ។ នេះជាហេតុផលដ៏ត្រឹម ព្រោះវ៉ាក់សាំងបច្ចុប្បន្ន ត្រូវចាក់ រហូតដល់ទៅ៣ដូស។ ចំណែកវ៉ាក់សាំងក្រោយនេះ មិនចាំបាច់ចាក់ដល់ដូសទី៤នោះដែរ.។
វេជ្ជបណ្ឌិតបួឡាបាននិយាយថា ក្រុមហ៊ុនឱសថយក្សដែលមានមូលដ្ឋាននៅទីក្រុងញូវយ៉កនិងដៃគូអាល្លឺម៉ង់ BioNTech ក៏កំពុងធ្វើតេស្តិ៍វ៉ាក់សាំងកម្រិតខ្ពស់របស់ខ្លួនផងដែរនិងវាយតម្លៃកាលវិភាគដូសផ្សេងៗគ្នា។លោកបាននិយាយថានឹងបន្តផ្តល់ធនធានបន្ថែមដល់អង្គភាពផលិតវ៉ាក់សាំងរបស់ក្រុមហ៊ុនហើយក៏កំពុងស្វែងរកការដាក់ពង្រាយបច្ចេកវិជ្ជា Messenger RNA ឬ mRNAរបស់ខ្លួននៅក្នុងកន្លែងផ្សេងទៀតផងដែរ.។ប្រភពកាសែតស្ត្រេតថែមស៍៕