វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 145 នាក់
ម្សិលមិញ 10264 នាក់
សរុប 14139327 នាក់
កោះសូឡូម៉ុង៖ ប្រទេសដែនកោះមួយឈ្មោះសូឡូម៉ុងជួលកោះមួយទាំងមូលឲ្យក្រុមហ៊ុនចិនបន្ទាប់ពីប្រទេសដែនកោះនៅតំបន់តំបន់ប៉ាស៊ីហ្វិកមួយនេះភ្ជាប់ការទូត ជាមួយអាជ្ញាធរទីក្រុងប៉េកាំងបានតែ១ថ្ងៃបន្ទាប់ពីខ្លួនបានផ្តាច់ពីប្រទេសតៃវ៉ាន់ ។
ទីភ្នាក់ព័ត៌មាន AFP នៅថ្ងៃព្រហស្បតិ៍ ទី១៧ ខែតុលា ឆ្នាំ២០១៩ធ្វើសេចក្ដីរាយការណ៍ នេះ។ យោងតាម ឯកសារនេះដដែល ខេត្តភាគកណ្ដាលនៃប្រទេសដែនកោះ Solomon បានយល់ព្រមចុះកិច្ចព្រមព្រៀងជួលកោះទូឡាហ្គី( Tulagi) ដែលជាតំបន់មានទឹកជ្រៅសក្តិសមនឹងយោធាឈរជើង ជាមួយក្រុមហ៊ុនរដ្ឋចិន China Sam Group កាលពីថ្ងៃទី២២ ខែកញ្ញា កន្លងទៅ។
ការចុះហត្ថលេខានេះ ត្រូវបានធ្វើឡើងតែមួយថ្ងៃ ក្រោយពីចិន និងកោះសូឡូម៉ុង( Solomon )បានប្រកាសបង្កើតទំនាក់ទំនងទូតជាផ្លូវការនឹងគ្នា ក្រោយពីបានផ្តាច់ទំនាក់ទំនងទូតជាមួយកោះតៃវ៉ាន់។គួរបញ្ជាក់ថាទូឡាហ្គី( Tulagi) គឺជាដែនកោះមួយមានផ្ទៃតែពីរគីឡូម៉ែត្រក្រឡា និងមានប្រជាជនរស់នៅ១,២០០នាក់ ។
កោះមានដីតូចតែមានវិសាលភាពផ្ទៃទឹកធំទូលាយបើតាមច្បាប់សមុទ្ទឆ្នាំ១៩៨២នោះ ធ្លាប់ជាអតីតដែនដីអាណានិគមរបស់ជប៉ុន អំឡុងសម័យសង្គ្រាមលោកលើកទី២ផងដែរ។ ក្រុមហ៊ុនឆាយណាសាំ( China Sam) នៅថ្ងៃព្រហស្បតិ៍នេះ បានបញ្ជាក់ថា ខ្លូនបានប្ដេជ្ញាចិត្តធ្វើកិច្ចសហប្រតិបត្តិការ ជាមួយប្រទេស Solomon តែក្នុងវិស័យពាណិជ្ជកម្ម ហេដ្ឋារចនាសម្ព័ន្ធ នេសាទ និងទេសចរណ៍៕