ចោរចិត្តស្លុយចូលប្លន់ជាងមាសដល់់ក្នុងបន្ទប់ដេញមាសប្រើតែកាំបិទតូចមួយយកបាន៥៥តម្លឹងនគរបាលកំពុងស្រាវជ្រាវ

ខេត្តបាត់ដំបង៖ ករណីលួចមានស្ថានទម្ងន់ទោសដោយសារការប្រព្រឹត្តអំពើហិង្សាមួយបានកើតឡើងកាលពីវេលាម៉ោង ១២និង៤០នាទី ថ្ងៃទី០១ ខែកុម្ភះ ឆ្នាំ២០២៦បង្កដោយជនសង្ស័យមិនស្គាល់សាវតាម្នាក់ប្រដាប់ដោយកូនកាំបិត០១ដើម បានចូលទៅក្នុងបន្ទប់ដេញមាស ធ្វើសកម្មភាពវាយនិងចាក់ទៅលើជនរងគ្រោះជាជាងមាសម្នាក់យកបានមាស៥៥តម្លឺង ។រហូតមកថ្ងៃនេះជនសង្ស័យត្រូវបានសមត្ថកិច្ចកំពុងធ្វើការស្រាវជ្រាវមិនទាន់រកឃើញនៅឡើយ។ 

ករណីយ៍នេះកើតនៅត្រង់ចំណុចក្រុមទី១០ ភូមិព្រែកព្រះស្តេច សង្កាត់ព្រែកព្រះស្ដេច ក្រុងបាត់ដំបង ជនរងគ្រោះមានឈ្មោះ អ៊ុំ សុខចំរើន ភេទប្រុស អាយុ ៣០ឆ្នាំ មុខរបរ ជាងមាស មានទីលំនៅចំណុចកើតហេតុខាងលើ បណ្តាលឲ្យរងរបួសត្រង់ឆ្អឹងជំនីផុតផ្នែកខាងឆ្វេង បន្ទាប់មកលួចមាសសន្លឹកចំនួន ៥៥ តម្លឹង រួចបានគេចខ្លួនទៅដោយសុវត្ថិភាព។

លោក ចៀក ថានិន នាយការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តបាត់ដំបង បានអោយដឹងនារសៀលថ្ងៃទី០២ ខែកុម្ភះ ឆ្នាំ២០២៦នេះថា យើង(នគរបាល)កំពុងធ្វើការស្រាវជ្រាវ !៕