ចិនមកអរគុណកម្ពុជា ដែលចាប់បញ្ជូនមេក្លោងឧក្រិដ្ឋកម្មឆបោកតាមប្រព័ន្ធអនឡាញឲ្យតែមិនដឹងថាឲ្យកាដូរអ្វី?!

ភ្នំពេញ៖នៅរសៀលថ្ងៃទី១៤ ខែមករា ឆ្នាំ២០២៦នេះ លោកលុយហ្សុងជៃ( LIU Zhongyi )ឧបការីរដ្ឋមន្ត្រីក្រសួងសន្តិសុខសាធារណៈ នៃសាធារណរដ្ឋប្រជាមានិតចិនបានមកជួប ឯកឧត្តម សន្ដិបណ្ឌិត នេត សាវឿន ឧបនាយករដ្ឋមន្ដ្រីនៃកម្ពុជាថ្លែងអំណរគុណ ចំពោះកិច្ចសហប្រតិបត្តិការបង្ក្រាបមេក្លោងឧក្រិដ្ឋកម្មអនឡាញ លោក ចេន ហ្ស៊ី (Chen Zhi) និងគាំទ្រដល់វិធានការរបស់រាជរដ្ឋាភិបាលកម្ពុជា ក្នុងការបោសសម្អាតបទល្មើសឆបោកតាមប្រព័ន្ធអនឡាញ។ 

លោក LIU Zhongyiបានចាត់ទុកបទល្មើសឆបោកតាមអនឡាញ ជាបទល្មើសមួយមានភាពស្មុគស្មាញ ដែលទាមទារឲ្យបណ្ដាប្រទេសនានា ត្រូវបង្កើន និងបន្ដកិច្ចសហប្រតិបត្តិការឲ្យបានកាន់តែខ្លាំងក្លាបន្ថែមទៀត សំដៅបោសសម្អាតបទល្មើសមួយនេះចេញពីសង្គមជាតិទាំងមូលឲ្យខាងតែបាន។ លោកសូមថ្លែងអំណរគុណដល់រាជរេដ្ឋាភិបាលកម្ពុជា ចំពោះកិច្ចសហការក្នុងការចាប់ខ្លួនមេខ្លោងបទល្មើសឧក្រិដ្ឋកម្មអនឡាញ លោក ចេន ហ្ស៊ី (Chen Zhi) ដែលនេះគឺជាការរួចចំណែកយ៉ាងធំធេងរបស់រាជរដ្ឋាភិបាលកម្ពុជា មកកាន់ប្រទេសចិន។

លោក LIU Zhongyiក៏បានកោតសរសើរចំពោះរាជរដ្ឋាភិបាលកម្ពុជា ក្រោមការដឹកនាំរបស់សម្តេចធិបតី នាយករដ្ឋមន្ត្រី ដែលបានដាក់ចេញវិធានការដ៏មុតស្រួច ក្នុងការប្រយុទ្ធប្រឆាំងបទល្មើសអនឡាញ ដូចជាការបង្កើតគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (ONLINE SCAM), អនុក្រឹត្យស្ដីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្ដុំ និងការបង្ហោះសារនៅលើគេហទំព័រហ្វេសប៊ុករបស់សម្តេចធិបតី អំពាវនាវឲ្យជនរួមជាតិរួមគ្នាជាមួយរាជរដ្ឋាភិបាលប្រយុទ្ធប្រឆាំងបទល្មើសអនឡាញជាដើម។

ឯកឧត្តមសន្ដិបណ្ឌិត នេត សាវឿន បានស្វាគមន៍យ៉ាងកក់ក្ដៅចំពោះវត្តមានរបស់លោក ឧបការីរដ្ឋមន្ត្រីក្រសួងសន្តិសុខសាធារណៈ និងចាត់ទុកថា វត្តមាននៃការបំពេញទស្សនកិច្ចនៅកម្ពុជានៅពេលនេះ គឺជាផ្នែកមួយដ៏សំខាន់ក្នុងការបន្ដពង្រឹងកិច្ចសហប្រតិបត្តិការគ្រប់ជ្រុងជ្រោយបន្ថែមទៀត ទាំងផ្នែករាជរដ្ឋាភិបាល គណបក្ស និងប្រជាជនប្រទេសទាំងពីរ ពិសេសគឺការអនុវត្តច្បាប់។

ឯកឧត្តមសន្តិបណ្ឌិត បានលើកឡើងផងដែរ អំពីស្ថានភាពជាក់ស្ដែង កម្ពុជាក៏ជាប្រទេសមួយរងគ្រោះ ដោយសារបទល្មើសឆបោកនេះ ដោយហេតុថា ជនល្មើសទាំងអស់បានយកទីទាំងប្រទេសកម្ពុជា ដើម្បីធ្វើសកម្មភាពល្មើសច្បាប់ ដូច្នេះហើយទាមទារឲ្យកិច្ចសហប្រតិបត្តិការ រវាងស្ថាប័នអនុវត្តច្បាប់ប្រទេសទាំងពីរ កាន់តែស្អិតរមួតបន្ថែមទៀត។គេមិនដឹងថាតើការមកថ្លែងអំណរគុណកម្ពុជាដល់ផ្ទះចឹងចិននាំអ្វីជាកាដូជូនកម្ពុជានោះទេ។សម្រាប់កម្ពុជាក្រៅពីបញ្ហាឆបោកតាមអនឡាញគឹនៅមានបញ្ហាជាមួយថៃដែលវាយឈ្លានយកដីកម្ពុជាផងដែរ។

សូមបញ្ជាក់ថាកាលពីថ្ងៃទី៧មករារដ្ឋាភិបាលកម្ពុជាបានសម្រេចចាប់ខ្លួនឧកញ៉ាចេនហ្ស៊ីដែលមានសញ្ជាតិខ្មែរនិងអង់គ្លេសដែលរងការចោទប្រកាន់ពីប្រទេសអាមេរិកអង់គ្លេសកូរ៉េជប៉ុនថៃថាជាជនឆបោកអនឡាញកំរឹតពិភព(លើកលែងតែកម្ពុជា)លោកបញ្ជូនឲ្យប្រទេសចិន។លោកចេនហ្ស៊ីមានទ្រព្យសម្បត្តិជាច្រើនរយលានដុល្លារអាមេរិកនៅកម្ពុជា។

តែដោយកម្ពុជាមិនបានចោទប្រកាន់ទោសឧកញ៉ាចឹនហ្ស៊ីមិនដឹងថាតើទ្រព្យសម្បត្តិរបស់លោកឧកញ៉ាចេនហ្សីត្រូវត្រូវចាត់ការបែបណានោះឡើយ។លើកលែងតែអតិថិជនធនាគារនិងអ្នកទិញដូអចលន:ទ្រព្យដែលត្រូវដោះស្រាយជូន។ព្រោះចេនហ្ស៊ីក៏មានដាក់លុយធានាដើម្បីដំណើរការធនាគាព្រិនស៍ផងដែរ។