វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8658 នាក់
ម្សិលមិញ 8227 នាក់
សរុប 14135539 នាក់
ភ្នំពេញ៖លោកសម រង្ស៊ីប្រធានស្តីទីអតីតគណបក្សសង្គ្រោះជាតិបានសសេរលិខិត ជូនលោកស្រីហ្វេដឺរីកាម៉ូហ្គឺរីនី(Federica Mogherini )តំណាងជាន់ខ្ពស់នៃសហភាពអឺរ៉ុបទទួលបន្ទុកគោលនយោបាយការបរទេស និងសន្តិសុខស្នើឲ្យជួយកៀបសង្កត់រាជរដ្ឋាភិបាលដោះលែងលោកកឹមសុខា។
លិខិតកម្រាស់ពីរទំព័រសសេរជាភាសាអង់គ្លេសបញ្ជាក់ថា៖ ដោយសារតែសម្ពាធអន្តរជាតិ និងជាពិសេស ការអន្តរាគមន៍របស់គណៈកម្មការអឺរ៉ុប រដ្ឋាភិបាលក្រុងភ្នំពេញកំពុងព្យាយាមបង្ហាញនូវសញ្ញាកែប្រែនៃនយោបាយរបស់ខ្លួន។ លោកសម រង្ស៊ី អះអាងថា សញ្ញានេះអាចធ្វើឲ្យមានការយល់ខុស ដូចនៅក្នុងករណីនៃសេចក្តីប្រកាសរបស់លោកនាយករដ្ឋមន្ត្រីហ៊ុន សែន ស្តីពីការផ្តល់នីតិសម្បទាដល់បណ្តាថ្នាក់ដឹកនាំអតីតគណបក្សសង្គ្រោះជាតិឡើងវិញតែតម្រូវឲ្យពួកគេធ្វើលិខិតស្នើទៅកាន់រដ្ឋាភិបាលកម្ពុជា។
លោកសម រង្ស៊ី បានបញ្ជាក់ថា លោកនាយករដ្ឋមន្ត្រីហ៊ុន សែន ដឹងយ៉ាងច្បាស់ថា ការផ្តល់នីតិសម្បទាឡើងវិញដល់មន្ត្រីអតីតបក្សប្រឆាំង១១៨នាក់គឺគ្មានន័យនោះទេក្នុងស្ថានភាពបច្ចុប្បន្ននេះ។ លោកចោទជាសំណូរថា តើពួកគេអាចធ្វើសកម្មភាពនយោបាយយ៉ាងម៉េចទៅនៅពេលគ្មានគណបក្ស និងគ្មានប្រធានបក្សបែបនេះ។ លោកសម រង្ស៊ី សម្តែងនូវការជឿជាក់ថា លោកស្រីហ្វេដឺរីកាម៉ូហ្គឺរីនី(Federica Mogherini )នឹងបន្តគាបសង្កត់មកលើរដ្ឋាភិបាលកម្ពុជា ដើម្បីដោះលែងលោកកឹម សុខា និង ទម្លាក់រាល់ការចោទប្រកាន់មកលើគាត់ ដែលនឹងឈានទៅរកការផ្តល់នីតិសម្បទារបស់មន្ត្រីអតីតគណបក្សសង្គ្រោះជាតិ១១៨នាក់ ព្រមទាំងដំណើរការគណបក្សប្រឆាំងឡើងវិញ។
សូមបញ្ជាក់ថាកាលពីថ្ងៃទី១៥ធ្នូកន្លងមកនេះលោកសមរង្ស៊ីបានប្រកាសអំពីបំណងវិលត្រឡប់មកប្រទេសកម្ពុជាវិញ។តែលោកសុខឥសាន្តអ្នកនាំពាក្យគណបក្សប្រជាជននិយាយឌឺថាលោកសមរង្ស៊ីមិនហ៊ានចូលមកទេ!