សម្ដេចតេជោ ហ៊ុន សែនអំពាវនាវឲ្យតុលាការពន្លឿនការងារករណីបណ្តឹងស្ត្រីឈ្មោះសំ សុខាដែលជំនាញជេបញ្ចោរ
ភ្នំពេញ៖ សម្ដេចតេជោ ហ៊ុន សែន ប្រធានព្រឹទ្ធសភានៃកម្ពុជា នៅថ្ងៃទី១៥ ខែសីហា ឆ្នាំ២០២៦នេះ បានបញ្ជាក់ឲ្យដឹងថា សំណុំរឿងលោកស្រី សំ សុខា មិនទាន់បញ្ចប់តាមផ្លូវតុលាការទេ និងអំពាវនាវឲ្យតុលាការពន្លឿនការងារ។
តាមរយៈការចុះផ្សាយលើ Facebook Page របស់សម្ដេចតេជោ ហ៊ុន សែន បានសរសេរយ៉ាងដូច្នេះថា «ថ្ងៃនេះមានការបែកធ្លាយ ការដែលខ្ញុំជំរុញឲ្យលោកស្រី សំ សុខា ធ្វើការសូមទោសជាសាធារណៈ ចំពោះការជេររបស់គាត់ដែលប៉ះពាល់ធ្ងន់ធ្ងរ ដល់សិលធម៌សង្គម។មានមនុស្សមួយចំនួន មានយោបល់ថា រឿងនេះ ត្រូវបានបញ្ចប់ហើយ។ ខ្ញុំសូមបញ្ជាក់ថា រឿងក្តីលោកស្រី សំ សុខា មិនត្រូវបានបញ្ចប់តាមផ្លូវតុលាការទេ។
សម្តេចតេជោបានបញ្ជាក់ថាអ្នកដែលបានប្តឹងលោកស្រី សំ សុខា នៅតុលាការនៅតែអាចបន្ត ហើយតុលាការនៅតែបន្តកាត់ក្តីរវាងដើមបណ្តឹងជាមួយចុងចោទ សំ សុខា តាមនិតិវិធី និងតាមច្បាប់បន្តទៀត ព្រោះការសូមទោសរបស់លោកស្រី សំ សុខា មិនអាចរំលត់បណ្តឹងនៅតុលាការបានទេ។ខ្ញុំក៏សូមអំពាវនាវចំពោះស្ថាប័នតុលាការ ពន្លឿនចាត់ការលើសំណុំរឿងនេះឲ្យបានឆាប់ និងស្របតាមច្បាប់»។ទោះបីយ៉ាងណាសម្តេចមិនបានបង្ហើបប្រាប់ថាថាតើអ្នកណាជាអ្នកប្តឹងលោកស្រីសំសុខានោះទេ?។
សូមបញ្ជាក់ថាកាលពីថ្ងៃទី២៧ ខែមិថុនា ឆ្នាំ២០១៧ចៅក្រមស៊ើបអង្កេតសាលាដំបូងខេត្តកំពង់ស្ពឺបានចេញដីកាបង្គាប់ឲ្យចាប់ខ្លួនឈ្មោះ សំ សុខា ភេទស្រី អាយុ៣៨ឆ្នាំ មុខរបរកសិករ មានទីលំនៅភូមិត្រ់សាលា ក្រុងច្បារមន ខេត្តកំពង់ស្ពឺ។កាលនោះ លោក ស៊ិន វុទ្ធី ចៅក្រមស៊ើបអង្កេតសាលាដំបូងខេត្តកំពង់ស្ពឺ បានបញ្ជាក់ក្នុងដីកាចាប់ខ្លួនថា៖ ក្រោយពីពិនិត្យសំណុំរឿងចប់សព្វគ្រប់យល់ឃើញថាឈ្មោះ សំ សុខា ភេទស្រី អាយុ៣៨ឆ្នាំ(ដែលយកស្បែកជើងគប់រូបថតថ្នាក់ដឹកនាំ) ត្រូវបានដាក់ឲ្យស្ថិតនៅក្រោមបទប្រមាថ និងញុះញង់ឲ្យមានការរើសអើង ប្រព្រឹត្តទៅនៅភូមិអុង ឃុំរាមស្រុកព្រៃនប់ ខេត្តព្រះសីហុន កាលពីថ្ងៃទី១ ខែមេសា ឆ្នាំ២០១៧ បទល្មើសមានបញ្ញត្តិឲ្យផ្តន្ទាទោសតាមមាត្រា៥០២,៤៩៤,៤៩៦,នៃក្រមព្រហ្មទណ្ឌ។
តែបើតាមរបាយការណ៍របស់នគរបាលយុត្តិធម៌ ចុះថ្ងៃទី២៣ ខែមិថុនាឆ្នាំ២០១៧ បញ្ជាក់ថា ជនត្រូវចោទឈ្មោះ សំ សុខា បានគេចខ្លួនចេញពីលំនៅដ្ឋានរបស់ខ្លួនបាត់ហើយ។ដើម្បីសម្រួលដល់នីតីវិធីស៊ើបសួរពេញលេញគប្បីចេញដីកាបង្គាប់ឲ្យចាប់ខ្លួនជនត្រូវចោទរូបនេះ។ក្រោយមក លោកឧត្តមសេនីយ៍ សម សាមួន កាលនៅជាស្នងការនគរបាលខេត្តកំពង់ស្ពឺ ឲ្យកាសែតដឹងថា ស្រ្តីឈ្មោះ សំ សុខា ជាសកម្មជនអតីតបក្សសង្គ្រោះជាតិ ដែលយកស្បែកជើងគប់រូបសម្ដេចតេជោ ហ៊ុន សែន និងសម្តេច ហេង សំរិន ដែលត្រូវបានកម្លាំងនគរបាលក្រសួងមហាផ្ទៃ ចាប់ខ្លួនបាននៅព្រុំដែន ត្រូវបានបញ្ជូនទៅឃុំខ្លួននៅពន្ធនាគារ ខេត្តកំពង់ស្ពឺ ហើយនៅរសៀលថ្ងៃទី៩ ខែកុម្ភៈ ឆ្នាំ២០១៨បន្ទាប់ពីបានរត់គេចខ្លួន ទៅសម្ងំនៅក្នុងប្រទេសថៃអស់រយៈពេលជាយូរខែមកនោះ។
នៅពេលនាំខ្លួនទៅកាន់ពន្ធនាគារនោះ គេសង្កេតឃើញមានសាច់ញាតិ និងមន្រ្តីរបស់ UN ប្រចាំនៅកម្ពុជា ទៅសួរសុខទុក្ខផងដែរ។គេមិនដឹងថាក្រោយមកតើហេតុអីបានជាស្ត្រីឈ្មោះសំសុខាអាចចេញពីគុករត់ចេញទៅនៅប្រទេសកាណាដាបាននោះឡើយ។នៅកាណាស្ត្រីឈ្មោះសំសុខនៅតែបន្តអាជីពជេរបញ្ចោរដដែល។តែក្រោយមកថ្មីៗនេះមិនដឹងថាហេតុអីបានជាស្ត្រីរូបនេះវឹលត្រឡប់ពីប្រទេសកាណាចូលមកនៅស្រុកខ្មែរវិញនោះទេ។តែបើតាមបងប្អូនក្នុងបណ្តញាសង្គមបានឲ្យដឹងថាស្ត្រីឈ្មោះសំសុខាមិនមានសិទ្ធរស់នៅជ្រកកោននយោបាយអ្វីឡើយបើទោះជាមានអាជិពជេរបញ្ចោរតាមបណ្តាញសង្គមក៏ដោយ។
នៅក្នុងខែវិច្ឆិកាឆ្នាំ២០២៥ស្ត្រីឈ្មោះសំសុខាដែលមានហ្វេសប៊ុកឈ្មោះឯករាជ្យបានបង្ហោះរូបនាំកូនចៅនិងប្តីចូលជួបសម្តេចតេជោដែលបង្ហាញថាស្ត្រីឈ្មោះសំសុខាពិតជាបានមករស់នៅក្នុងស្រុកខ្មែរមែនដោយមានទាំងការជួបលោកជំទាវហ៊ុនស៊ីណាតជួបសម្ភាសន៍ជាមួយនាងកាតុតារាកំប្លែងបង្ហោះតាមតាមបណ្តាញសង្គម។ទោះបីយ៉ាងណាស្ត្រីរូបនោះនៅតែបន្តអាជីពជេបញ្ចោរមិនរើសមុខដដែលតាមបណ្តាញសង្គមទៀត។
ទើបតែកាលពីថ្ងៃទី១៥សីហាបន្ទាប់ពីបានជួបប្រតិភូក្រុមប្រឹក្សានារីដឹកនាំដោយលោកស្រីអ៊ឹងគន្ថាផាវីរដ្ឋមន្ត្រីក្រសួងកិច្ចការនារីសម្តេចតេជោបានដាក់ចេញគោលការហាមការជេរប្រមាថប្រើសម្តីអសុរសតាមបណ្តាញសង្គមដែលជាមួយគ្នានោះក៏បានរំលឹករឿងស្ត្រីឈ្មោះសំសុខានៅជាប់បណ្តឹងរឿងជេរបញ្ចោរបើទោះបីជាបានចេញវីដេអូរសុំទោសមន្ត្រីរាជការប្រជាពលរដ្ឋក៏ដោយ។ករណីយ៍នេះបើតាមបទចោទដែលកំពុងពេញនិយមត្រូវបានតុលាការយកមកប្រើស្ត្រីឈ្មោះសំសុខាអាចជាប់គុក២ឆ្នាំយ៉ាងតិច.។
