» កម្ពុជា​បញ្ជូន​តំណាង​ទៅ លើកទឹកចិត្ត​ដល់​វិនិយោគិន​កូរ៉េ ឱ្យ​បន្ត​ស្វែងរក​ឱកាស​វិនិយោគ នៅ​កម្ពុជា​ » រដ្ឋមន្ត្រីការបរទេស​វៀតណាម​ទៅ​ធានា​នៅ​អាមេរិក​ថា​គ្មាន​បញ្ហា​រឿង​ប្រធានាធិបតី​លាលែង​! » ខ្មាន់កាំភ្លើង​ខ្លី​បាន​បាញ់រះ​ចំនួន​០៦​គ្រាប់ ទម្លុះ​ទ្វារផ្ទះ​អ្នកលក់​ទូរស័ព្ទ និង​គ្រឿងអគ្គិសនី​មួយកន្លែង​ម្ចាសផ្ទះ​ថា​អត់​ដឹង​ហង​! » មន្ត្រី​សុរិយោដី​ស្រុក​សំរោង​ទង ស្រវឹងស្រា​បើកឡាន​បុក​ផ្ទាំង​ផ្សាយពាណិជ្ជកម្ម​នៅ​សួនច្បារ​សម្តេចព្រះសង្ឃរាជ ជួន ណាត » ក្រុមហ៊ុនចិន១៧ស្វែងយល់ពីឱកាសវិនិយោគនៅកម្ពុជា » លោក​កើត រិ​ទ្ធ រដ្ឋមន្ត្រីក្រសួង​យុ​ត្តិ​ធ​ម៍​ប្រកាស​បើក​យុទ្ធនាការ​លុប​ពាក្យ​បណ្តាសា ត្រី​មួយ​កន្ត្រក​ស្អុយ​មួយ ស្អុយ​ទាំងអស់​ក្នុង​ប្រព​ន្ធ័​យុ​ត្តិ​ធ​ម៍​ » រុស្ស៊ី​ធ្វើ​សមយុទ្ធ​ក្នុង​សមុទ្រ​ក្បែរ​កោះ​ជប៉ុន​និង​បាន​ព្រមាន​ជប៉ុន​រឿង​លក់​អាវុធ​ចេញ​! » រកឃើញ​ត្រី​លក់​នៅ​ផ្សារ​សាម​គ្គិ​ស្ទឹងត្រែង​មាន​ជាតិពុល​ » រកឃើញ​កន្លែង​បន្លំ​ធ្វើ​ឈាមជ្រូក​និង​សណ្តែកបណ្តុះ​មាន​ជាតិគីមី​ » អ្នកស្រុក​ក្រុង​ហុងកុង នាំគ្នា​តវ៉ា​ប្រឆាំងនឹង​ច្បាប់​សន្តិសុខ​ជាតិ​ថ្មី​ដែល​ទើបបាន​អនុ​ម័​ដែលបិទសេរីភាព » តើករណីយ៍ក្រុមហ៊ុនវិនិយោគCICបោកលុយប្រជាពលរដ្ឋសមត្តកិចរដ្ឋចង់អូសបន្លាយ? » បំបែកសំណុំរឿង​ឃាតកម្ម​សម្លាប់​ញាត់​សព​ក្នុង​វ៉ា​លី​នៅ​ភ្នំពេញ យកទៅ​បោះចោល​នៅ​ខេត្តកោះកុង​ » ក្រសួង​វប្ប​ធ​ម៍​និងឧបនាយករដ្ឋមន្ត្រីហ៊ុនម៉ានីប្រតិកម្ម​រឿង​មិន​រៀបចំ​ស​ង្ក្រា​ន​​ទូរទស្សន៍​ហង្ស​មាស​សុំទោស​ » ហ្វីលីពីន​ថា​៖​ចិន​ថា​កំពុង​ធើ្វ​ការដាក់​ពង្រាយ​របាំង​អណ្តែត​ទឹក​ក្នុង​តំបន់​ជម្លោះ​សមុទ្រ​ចិន​ខាងត្បូង​ » ក្រៅពី​ចុះ​អនុស្សរណៈ​យោគយល់​គ្នា លើ​ឯកសារ​ចំនួន ៧​ជាមួយ​ឡាវ​នាក​យក​រដ្ឋមន្ត្ក្រីកម្ពុជាប្រកាស​ជួយ​១​លាន​ដុល្លារ​ផងដែរ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 2780 នាក់

ម្សិលមិញ 6501 នាក់

សរុប 13951335 នាក់

លទ្ធផល​នៃ​សម័យប្រជុំ​ឧ​ត្ត​ម​ក្រុមប្រឹក្សា​នៃ​អង្គចៅក្រម លើក​ទី​៣៥

 


​ភ្នំពេញ​៖​នៅ​ព្រឹក​ថ្ងៃទី​១១ ខែឧសភា ឆ្នាំ​២០២២ ឧ​ត្ត​ម​ក្រុមប្រឹក្សា​នៃ​អង្គចៅក្រម បាន​បើក​សម័យប្រជុំ​លើក​ទី​៣៥ ក្រោម​ព្រះរាជាធិបតីភាព​ដ៏​ខ្ពង់ខ្ពស់ ព្រះករុណា ជា​អ​ម្ចាស់ជីវិតលើត្បូង ព្រះមហាក្សត្រ នៃ​ព្រះរាជាណាចក្រ​កម្ពុជា ជាទីគោរព​សក្ការៈ​ដ៏​ខ្ពង់ខ្ពស់​បំផុត ព្រះប្រធាន ឧ​ត្ត​ម​ក្រុមប្រឹក្សា​នៃ​អង្គចៅក្រម នៅ​ព្រះបរមរាជវាំង ដើម្បី​ពិនិត្យ សម្រេច និង​ពិគ្រោះ​យោបល់ លើ​របៀបវារៈ​ចំនួន​៨ ។​លទ្ធផល​នៃ​កិច្ចប្រជុំ​មាន​ដូចខាងក្រោម​៖a court king re 

​របៀបវារៈ​ទី​១៖ ពិនិត្យ និង​សម្រេច លើ​សេចក្តីសម្រេច​របស់​ក្រុមប្រឹក្សាវិន័យ នៃ​ឧ​ត្ត​ម​ក្រុមប្រឹក្សា​នៃ​អង្គចៅក្រម អង្គប្រជុំ​បានសម្រេច​យល់ព្រម​លើ​សេចក្តីសម្រេច​របស់​ក្រុមប្រឹក្សាវិន័យ នៃ​ឧ​ត្ត​ម​ក្រុមប្រឹក្សា​នៃ​អង្គចៅក្រម​។

​របៀបវារៈ​ទី​២៖ ពិនិត្យ និង​សម្រេច អំពី​ការផ្ទេរ និង​តែងតាំង​ចៅក្រម មួយចំនួន អង្គប្រជុំ​បានសម្រេច​យល់ព្រម លើ​ការតែងតាំង និង​ផ្ទេរ​មុខតំណែង ប្រធាន អនុប្រធាន និង​ចៅក្រម សរុប​ចំនួន ១១​រូប​។

​របៀបវារៈ​ទី​៣៖ ពិគ្រោះ​យោបល់​លើ​សំណើ​ផ្ទេរ និង​តែងតាំង ព្រះរាជអាជ្ញា ព្រះរាជអាជ្ញារង មួយចំនួន តាម​សំណើ​របស់​រដ្ឋមន្ត្រីក្រសួង​យុត្តិធម៌ ដោយ​អង្គ​ប្រជុំបាន​ផ្តល់យោបល់​យល់ព្រម​លើ​សំណើ​តែងតាំង និង​ផ្ទេរ​មុខតំណែង​ព្រះរាជអាជ្ញា និង​ព្រះរាជអាជ្ញារង​សរុប​ចំនួន ៥​រូប​។

​របៀបវារៈ​ទី​៤៖ ពិនិត្យ និង​សម្រេច បោះឆ្នោត​ជ្រើសតាំង​សមាជិក ១​រូប នៃ​ក្រុមប្រឹក្សាធម្មនុញ្ញ ដោយ​អង្គប្រជុំ បានសម្រេច​យល់ព្រម​ជ្រើសតាំង លោក ឌុយ ឆៅ ជា​សមាជិក​ក្រុមប្រឹក្សាធម្មនុញ្ញ សម្រាប់​អាណត្តិ ៩​ឆ្នាំ​(២០២២-២០៣១) តែងតាំង​ដោយ​ឧត្ដមក្រុមប្រឹក្សា​នៃ​អង្គចៅក្រម​។

​របៀបវារៈ​ទី​៥៖ ពិនិត្យ និង​ផ្តល់យោបល់ អំពី​ការស្នើ​ដំឡើង​ថ្នាក់ ឋានន្តរស័ក្តិ តាម​វេន​អតីតភាព តាម​កម្រិត​សញ្ញាបត្រ និង​និយ័តកម្ម​ឋានន្តរស័ក្តិ ចំពោះ​ចៅក្រម និង​ព្រះរាជអាជ្ញា ដោយ​អង្គ​ប្រជុំបាន​ផ្តល់យោបល់ យល់ព្រម​លើ​ការស្នើ​ដំឡើង​ថ្នាក់ និង​ឋានន្តរស័ក្តិ តាម​វេន​អតីតភាព និង​តាម​កម្រិត​សញ្ញាបត្រ​នាពេលនេះ សរុប​ទាំងអស់​មាន​ចំនួន ១២៧​រូប ក្នុងនោះ​ចំនួន ៧៦​រូប ត្រូវ​ស្នើ​តាម​វេន​អតីតភាព និង​ចំនួន ៤២​រូប ត្រូវ​ស្នើ​តាម​កម្រិត​សញ្ញាបត្រ និង​ចំនួន ៧​រូប ត្រូវធ្វើ​និយ័តកម្ម​ឋានន្តរស័ក្តិ ដែល​រួមមាន តាម​វេន​អតីតភាព សម្រាប់​ឆ្នាំ​២០២១​គឺ ស្នើ​ដំឡើង​ថ្នាក់​ក្នុង​ឋានន្តរស័ក្តិ​ឧ​ត្ត​ម​ចៅក្រម​មាន​ចំនួន ១​រូប​, ស្នើ​ដំឡើង​ឋានន្តរស័ក្តិ​ពី​វរៈ​ចៅក្រម ទៅ​ឧត្ដម​ចៅក្រម មាន​ចំនួន ៥​រូប​, ស្នើ​ដំឡើង​ឋានន្តរស័ក្តិ​ពី​វរៈ​ចៅក្រម​មាន​ចំនួន ៤​រូប​, ស្នើ​ដំឡើង​ថ្នាក់​ក្នុង​ឋានន្តរស័ក្តិ វរៈ​ព្រះរាជអាជ្ញា​មាន​ចំនួន ៥​រូប​, ស្នើ​ដំឡើង​ឋានន្តរស័ក្ដិ​ពី​អនុ​ចៅក្រម ទៅ​វរៈ​ចៅក្រម មាន​ចំនួន ៩​រូប​, ស្នើ​ដំឡើង​ឋានន្តរស័ក្តិ​ពី​អនុ​ព្រះរាជអាជ្ញា ទៅ​វរៈ​ព្រះរាជអាជ្ញា​ចំនួន ៣​រូប​, ស្នើ​ដំឡើង​ថ្នាក់​ក្នុង​ឋានន្តរស័ក្តិ អនុ​ចៅក្រម​មាន​ចំនួន ២៧​រូប​។

​ក្រៅពីនេះ តាម​កម្រិត​សញ្ញាបត្រ មានដូចជា ស្នើ​ដំឡើង​ថា្នក់​តាម​កម្រិត​បណ្ឌិត​មាន​ចំនួន ៤​រូប​, ស្នើ​ដំឡើង​ថ្នាក់​តាម​កម្រិត​បរិញ្ញាបត្រ​ជាន់ខ្ពស់​មាន​ចំនួន ៣៨​រូប​។ ចំណែក​និយ័តកម្ម​ឋានន្តរស័ក្តិ ដោយ​ផ្អែកលើ​មុខតំណែង មានដូចជា ចៅក្រម​ចំនួន ៧​រូប​, ព្រះរាជអាជ្ញា​ចំនួន ២​រូប​។

​របៀបវារៈ​ទី​៦៖ ពិនិត្យ និង​សម្រេច អំពី​ការបន្ត​ការងារ​របស់​អគ្គ​ព្រះរាជអាជ្ញារង ១​រូប នៃ​មហាអយ្យការ អម​តុលាការ​កំពូល ដែលមាន​អាយុ​ចាប់ពី ៦៥​ឆ្នាំ ដោយ​អង្គប្រជុំ​បានសម្រេច​អនុញ្ញាតឱ្យ​បន្តការងារ​ចំពោះ លោក អ៊ុក គឹម​សិទ្ធិ អគ្គព្រះរាជអាជ្ញា​រង​នៃ​មហាអយ្យការ​អម​តុលាការ​កំពូល​។

​របៀបវារៈ​ទី​៧៖ ពិនិត្យ និង​សម្រេច លើ​សំណើសុំ​អនុញ្ញាត​ច្បាប់​ទៅ​បន្ត​ការសិក្សា របស់​ចៅក្រម ១​រូប នៃ​សាលាដំបូង​ខេត្តស្ទឹងត្រែង ដោយ​អង្គប្រជុំ​បានសម្រេច​អនុញ្ញាត​ច្បាប់​ឱ្យ លោក ម៉​ង់ សូ​ហាន ចៅក្រម​សាលាដំបូង ខេត្តស្ទឹងត្រែង ឈប់សម្រាក​រយៈពេល ២(​ពីរ​)​ឆ្នាំ ចាប់ពី​ថ្ងៃទី​១ ខែកញ្ញា ឆ្នាំ​២០២១ ដល់​ថ្ងៃទី​៣១ ខែសីហា ឆ្នាំ​២០២៣ ដោយ​រក្សា​ក្របខណ្ឌ និង​គ្មាន​ប្រាក់បៀវត្ស ដើម្បីឱ្យ​សាមីខ្លួន​បាន​ទៅ​បន្ត​ការសិក្សា និង​របៀបវារៈ​ទី​៨៖​បញ្ហា​ផ្សេងៗ ដោយ​អង្គប្រជុំ​មិនមាន​បញ្ហា​អ្វីដែល​ត្រូវ​លើកឡើង​ទេ​៕